________________ આ બાજુ બાળક ઘરે આવ્યો. અને રસ્તાની અથથી ઇતિ સુધીની વાત દાદીમાને કરી. દાદીએ વાત સાંભળતા જ બાળકને સમજાવ્યું કે જો આપણે આપણી ગરજે પૈસા લીધા હતા. આજે આપણી પરિસ્થિતિ નથી, છતાં આવો જવાબ ન અપાય. તું હમણાં જ એમના ઘરે જા અને એમની માફી માંગ અને કહેજે કે અમારી પરિસ્થિતિ થશે ત્યારે અમે દૂધ પૈસા ધોઈને આપશું. બાળકે દાદીના માર્ગદર્શન મુજબ કર્યું. ગુરુજીઃ “તમે કોઈને આવો ઉડાઉ જવાબ આપી શકો?” સભા: “ના, અમે આવો રફ જવાબ ન આપી શકીએ.” ગુરુજી: “પણ આવો રફ જવાબ આપનાર કલ્પના પણ ન થઈ શકે એટલા મોટા પ્રભાવક આચાર્ય ભગવંત થયા.” એક પિતાએ પોતાના નાના બાળક સાથે દીક્ષા લીધી. દીક્ષા લીધેલ નાના બાળમુનિએ જે તોફાનો કર્યા છે તે કોઈ ઘરમાં પણ ન કરી શકે. વ્યાખ્યાન સાંભળવા શ્રાવક-શ્રાવિકા આવે એના પહેલા જ આ બાળમુનિ રસ્તા ઉપરથી નાની કાંકરીઓ વીણીને ભેગી કરી રાખે. બાલકની ઉપરથી નીચે વ્યાખ્યાન સાંભળતાં શ્રાવક-શ્રાવિકાઓને કાંકરાઓ મારે. ગુરુજી: “તમે કોઈ આવાં તોફાન કરી શકો? તમે કોઈએ આવાં તોફાન કર્યા છે ? " સભા : “અમે આવા તોફાન કર્યા પણ નથી, અમે કરી પણ ન શકીએ. આપણે તો નિશાળથી સીધા ઘરે અને ઘરથી સીધા નિશાળ જાય એવા ડાહ્યા છોકરા હતા.” ગુરુજીઃ આવાં તોફાન કરતાં બાળમુનિ પાસે શું અપેક્ષા રખાય ?" સભાઃ “હેમખેમ દીક્ષા પાળે તો સારું.” ગુરુજી : “સાત-સાત વખત સંસ્કૃત ભણવા છતાં કક્કો ન ઘૂંટી શકનાર આ જ બાળમુનિ એમના ગુરુભગવંતોની કૃપાના બળે 40 હજાર શ્લોકોનું સંસ્કૃત ભાષામાં સર્જન કરી શક્યા. પ્રાકૃત ટેક્સ્ટબુકને હાથ પણ ન લગાડનાર
