Aatmsakshatkar

Author(s): Dada Bhagwan
Publisher: Dada Bhagwan Aradhana Trust

Page 33

ହୋଇପାରୁଛି ନା ନାହିଁ ତାହା ତୁମକୁ ଦେଖ‌ିବା ଦରକାର ନାହିଁ। ଆଜ୍ଞା ଯେତିକି ପାଳନ ହୋଇପାରିବ ସେତିକି ଠିକ୍, କିନ୍ତୁ ତୁମକୁ ଆଜ୍ଞା ପାଳନ କରିବା ପାଇଁ ନିଶ୍ଚିତ କରିବା ଉଚିତ୍।
ପ୍ରଶ୍ନକର୍ତ୍ତା : ଆଜ୍ଞା ପାଳନ କମ୍ ବା ବେଶୀ ହେଲେ ସେଥ‌ିରେ କ’ଣ କିଛି ଅସୁବିଧା ଅଛି ?
ଦାଦାଶ୍ରୀ : ଅସୁବିଧା ନାହିଁ, ଏପରି ନୁହେଁ। ତୁମକୁ ନିଶ୍ଚିତ କରିବାକୁ ପଡ଼ିବ ଯେ “ଯେମିତି ହେଲେ ମଧ୍ୟ ମୁଁ ଆଜ୍ଞା ପାଳନ କରିବି” । ସକାଳ ଠାରୁ ନିଶ୍ଚିତ କରିବ ଯେ, ମୋତେ ପାଞ୍ଚ ଆଜ୍ଞାରେ ରହିବାର ଅଛି, ଆଜ୍ଞା ପାଳନ କରିବାର ଅଛି। ନିଶ୍ଚିତ କରିବା ମାତ୍ରେ ମୋ ଆଜ୍ଞା ପାଳନ ହୋଇଯାଏ, ମୋତେ ଏତିକି ମାତ୍ର ଦରକାର।
ଆଜ୍ଞା ପାଳନ କରିବା ଭୁଲିଗଲେ ପ୍ରତିକ୍ରମଣ କରିବ ଯେ, ‘ହେ ଦାଦା ଦୁଇ ଘଣ୍ଟା ପାଇଁ ମୁଁ ଭୁଲିଯାଇଥିଲି, ଆପଣଙ୍କ ଆଜ୍ଞା ଭୁଲିଯାଇଥିଲି କିନ୍ତୁ ମୋତେ ତ ଆଜ୍ଞା ପାଳନ କରିବାର ଅଛି । ମୋତେ କ୍ଷମା କରିଦିଅନ୍ତୁ ।’ ତେବେ ଆଗରୁ ହୋଇଥିବା ସବୁ ପରୀକ୍ଷାରୁ Pass ( ଉତ୍ତୀର୍ଣ୍ଣ)। ଶହେରୁ ଶହେ ନମ୍ବର ମିଳିବ । ଏହାଦ୍ଵାରା କୌଣସି ବିପଦ ରହେ ନାହିଁ । ଯଦି ଆଜ୍ଞା ପାଳନ କଲ ସଂସାର ସ୍ପର୍ଶ କରିବ ନାହିଁ । ମୋର ଆଜ୍ଞା ପାଳନ କଲେ ତୁମକୁ କିଛି ବି ସ୍ପର୍ଶ କରିବ ନାହିଁ।
ଆଜ୍ଞା ପାଳନକଲେ ବାସ୍ତବିକ ପୁରୁଷାର୍ଥର ପ୍ରାରମ୍ଭ ହୋଇଥାଏ
66
ମୁଁ ତୁମକୁ ଜ୍ଞାନ ଦେଇ ପ୍ରକୃତିରୁ ଅଲଗା କରିଦେଲି । “ ମୁଁ ଶୁଦ୍ଧାମା” ଅର୍ଥାତ୍ ପୁରୁଷ ଏବଂ ଏହା ପରେ ବାସ୍ତବିକ ପୁରୁଷାର୍ଥ ହୋଇଥାଏ, ଏହା ହିଁ Real ( ବାସ୍ତବିକ) ପୁରୁଷାର୍ଥ ।
ପ୍ରଶ୍ନକର୍ତ୍ତା : Real ପୁରୁଷାର୍ଥ Relative (ଆପେକ୍ଷିକ) ପୁରୁଷାର୍ଥ ଏ ଦୁଇଟି ମଧ୍ୟରେ କ’ଣ ପାର୍ଥକ୍ୟ ?
୨୮
୬.