Aatmsakshatkar

Author(s): Dada Bhagwan
Publisher: Dada Bhagwan Aradhana Trust

Page 72

ନିଜର ଦୋଷ ଦେଖୁବାର ସାଧନା ହିଁ ପ୍ରତିକ୍ରମଣ
କ୍ରମଣ-ଅତିକ୍ରମଣ-ପ୍ରତିକ୍ରମଣ ସଂସାରରେ ଯାହା କିଛି ମଧ୍ୟ ହେଉଛି ତାହା କ୍ରମଣ ଅଟେ । ଯେ ପର୍ଯ୍ୟନ୍ତ ତାହା ସହଜରେ ହେଉଥାଏ ତାହା କ୍ରମଣ ଆଉ ଯଦି Excess (ଅତ୍ୟଧୁକ) ହୁଏ ତାହା ଅତିକ୍ରମଣ । ଯାହା ପ୍ରତି ଅତିକ୍ରମଣ ହୁଏ, ତା’ଠୁ ଯଦି ମୁକ୍ତି ଚାହୁଁଥାଅ ତେବେ ତାହାର ପ୍ରତିକ୍ରମଣ କରିବାକୁ ପଡ଼ିବ, ମାନେ ଧୋଇବାକୁ ପଡ଼ିବ, ତେବେ ଯାଇ ସଫା ହେବ । ପୂର୍ବ ଜନ୍ମରେ ଯେଉଁ ଭାବ କରିଥିଲ, ‘ଅମୁକ ବ୍ୟକ୍ତିକୁ ଚାରିଟି ଚଟକଣା ଦେବାର ଅଛି ।’ ଏଣୁ ଯେତେବେଳେ ଏହି ଜନ୍ମରେ ସିଏ ରୂପକରେ ଆସେ, ଚାରିଟି ଚଟକଣା ଦେବାକୁ ହିଁ ପଡ଼େ । ତାହାକୁ ଅତିକ୍ରମଣ କୁହାଗଲା, ଏଣୁ ଏହାର ପ୍ରତିକ୍ରମଣ କରିବାକୁ ପଡ଼ିବ । ସମ୍ମୁଖ ବ୍ୟକ୍ତିର ‘ଶୁଦ୍ଧତ୍ସା’କୁ ମନେ ପକାଇ, ତାଙ୍କୁ ନିମିତ୍ତ ଭାବନା କରି ପ୍ରତିକ୍ରମଣ କରିବା ଉଚିତ୍ ।
। କୌଣସି ଖରାପ ଆଚରଣ ହେଲେ, ତାହାକୁ ଅତିକ୍ରମଣ କୁହାଯାଏ। ଯେଉଁ ଖରାପ ବିଚାର ଆସିଲା, ତାହାକୁ ଦାଗ କୁହାଯାଏ, ଏଣୁ ସିଏ ମନେ ମନେ ଦଂଶନ କରୁଥାଏ । ତାହାକୁ ଧୋଇବା ପାଇଁ ପ୍ରତିକ୍ରମଣ କରିବାକୁ ପଡ଼ିବ । ଏହି ପ୍ରତିକ୍ରମଣ ଦ୍ବାରା ସମୁଖ ବ୍ୟକ୍ତିର ମଧ୍ୟ ତୁମ ପ୍ରତି ଭାବ ବଦଳିଯାଏ, ନିଜର ଭାବ ଭଲ ଥିଲେ ଅନ୍ୟର ଭାବ ମଧ୍ୟ ଭଲ ହୋଇଯାଏ। କାରଣ ପ୍ରତିକ୍ରମଣରେ ଏତେ ଶକ୍ତି ଅଛି ଯେ ବାଘ ମଧ୍ୟ କୁକୁର ହୋଇଯାଏ ! ପ୍ରତିକ୍ରମଣ କେତେବେଳେ କାମରେ ଆସେ ? ଯେତେବେଳେ କୌଣସି ଓଲଟା ପରିଣାମ ଆସେ, ସେତେବେଳେ କାମରେ ଆସେ।