Aatmsakshatkar

Author(s): Dada Bhagwan
Publisher: Dada Bhagwan Aradhana Trust

Page 54

ଆଦୌ ପ୍ରଭାବ ପଡ଼ିବା ଉଚିତ ନୁହେଁ, ତଥାପି ଯଦି ମନ ଉପରେ ପ୍ରଭାବ ପଡ଼ୁଛି ତା’ହେଲେ ଜାଣିବ ଯେ ସାମ୍ନାରେ ଥିବା ବ୍ୟକ୍ତିର ପ୍ରଭାବ ଆମ ଉପରେ ପଡ଼ିଛି। ସେତେବେଳେ ଆମକୁ ଖସିଯିବାକୁ ହେବ। ଏଗୁଡ଼ିକ ସବୁ ସଂଘର୍ଷ। ଏହାକୁ ଯେତେ ବୁଝି ବୁଝି ଯିବ, ସଂଘର୍ଷ ସେତେ ହଟି ହଟି ଯିବ। ସଂଘର୍ଷ ହଟିଗଲେ ମୋକ୍ଷ ମିଳିଥାଏ।
ସଂଘର୍ଷରୁ ହିଁ ଏହି ଜଗତ ନିର୍ମିତ ହୋଇଛି। ଏହାକୁ ଭଗବାନ ‘ଶତ୍ରୁତାଭାବରୁ ତିଆରି ହୋଇଛି’ ବୋଲି କହିଛନ୍ତି। ପ୍ରତ୍ୟେକ ମନୁଷ୍ୟ ତଥା ଜୀବମାତ୍ର ଶତ୍ରୁତାଭାବ ରଖେ। ସୀମାରୁ ପାର ହେଲେ ଶତ୍ରୁତା ବିନା ରହିପାରିବ ନାହିଁ । କାରଣ ସମସ୍ତଙ୍କ ଭିତରେ ଆତ୍ମା ଅଛି। ଆତ୍ମଶକ୍ତି ସମସ୍ତଙ୍କଠାରେ ସମାନ। କାରଣ ଏହା ଯେ, ଏହି ପୁଦ୍‌ଗଲ (ଶରୀର)ର ଦୁର୍ବଳତା ପାଇଁ ସହିବାକୁ ପଡ଼ିଥାଏ, ମାତ୍ର ସହନ କରିବା ସହିତ ଶତ୍ରୁତା ନ ରଖୁ ରହିପାରେ ନାହିଁ ଏବଂ ପୁଣି ପରବର୍ତୀ ଜନ୍ମରେ ତାହାର ଶତ୍ରୁତା ଅସୁଲ କରିଥାଏ।
କେହି ବହୁତ କିଛି କହିଲେ ତଥାପି ମଧ୍ଯ ତା’ର ଯେ କୌଣସି କଥାରେ ଆମକୁ ଧକ୍କା ଲାଗିବା ଉଚିତ୍ ନୁହେଁ ଏବଂ ନିଜ ଦ୍ଵାରା ଅନ୍ୟ ବ୍ୟକ୍ତିର ଅସୁବିଧା ହେଉ, ଏପରି କହିବା ବହୁତ ବଡ଼ ଅପରାଧ ଅଟେ।
ସହନ ନୁହେଁ, SOLUTION (ସମାଧାନ) ଆଣ
ସଂଘର୍ଷ ହଟେଇବା ଅର୍ଥାତ୍ ସହନ କରିବା ନୁହେଁ । ସହନ କରିବ ତ’ କେତେ କରିବ ? ସହନ କରିବା ଏବଂ ସ୍ପ୍ରିଙ୍ଗ ଦବାଇବା, ଇଏ ଦୁଇଟି ଗୋଟିଏ ଜିନିଷ। ସ୍ପ୍ରିଙ୍ଗକୁ ଦବାଇ କେତେ ଦିନ ରଖାଯାଇପାରେ ? ଏଣୁ ସହନ କରିବା ଶିଖୁବା ଦରକାର ହିଁ ନାହିଁ । Solution ଆଣିବା ଶିଖ। ଅଜ୍ଞାନ–ଦଶାରେ ସହନ କରିବାକୁ ପଡ଼ିଥାଏ ଏବଂ ପରେ ଦିନେ ସେହି ସ୍ପ୍ରିଙ୍ଗ ଖୋଲିଯିବ ଆଉ ସବୁକିଛି ବିଛାଡ଼ି ଦେବ।
୪୯