Aatmsakshatkar

Author(s): Dada Bhagwan
Publisher: Dada Bhagwan Aradhana Trust

Page 61

ହୋଇଥାଏ । ତେବେ ଲୋକେ କ’ଣ କୁହନ୍ତି ? ତୁମେ କାହିଁକି ତିନୋଟି ଗାଳି ଦେଲ, ସିଏ ତ ଗୋଟିଏ ଗାଳି ଦେଇଥିଲା । ତେବେ ଏଥିରେ କେଉଁ ନ୍ୟାୟ ? ତାକୁ ତିନୋଟି ଗାଳିର ହିସାବ ଥିବ, ପୂର୍ବ ହିସାବ ପରିଶୋଧ କର କି ନାହିଁ ? ପ୍ରକୃତିର ନ୍ୟାୟ କ’ଣ ? ଯାହା ପୂର୍ବରୁ ହିସାବ ଥାଏ ସେଗୁଡ଼ିକୁ ଏକତ୍ରିତ କରିଦିଏ । ଯଦି କୌଣସି ସ୍ତ୍ରୀ ନିଜ ସ୍ୱାମୀକୁ ହଇରାଣ କରେ, ତା’ହେଲେ ତାହା ପ୍ରକୃତିର ନ୍ୟାୟଅଟେ । କିନ୍ତୁ ତା’ ସ୍ବାମୀ ମନେ କରେ
ଯେ ମୋ ସ୍ତ୍ରୀ ବହୁତ ଖରାପ ଆଉ ସ୍ତ୍ରୀ ମନେ କରେ ଯେ ସ୍ଵାମୀ ଖରାପ। ମାତ୍ର ଏହା ପ୍ରକୃତିର ନ୍ୟାୟ ହିଁ ଅଟେ ।
ଏହା ତ’ ଏହି ଜନ୍ମର ଝାଳବୁହା ରୋଜଗାର, କିନ୍ତୁ ପୂର୍ବ ହିସାବଗୁଡ଼ିକ ତ ଅଛି ନା । ସେହି ବାକିଖାତା ଅଛି ସେଥପାଇଁ, ଅନ୍ୟଥା କେହି କେବେ ଆମର କିଛି ମଧ୍ୟ ନେଇ ପାରିବ ନାହିଁ । କାହାଠାରୁ କିଛି ନେଇଯିବାର ଶକ୍ତି ମଧ୍ୟ ନାହିଁ ଏବଂ ନେଇ ଯିବା ତାହା ଆମର କିଛି ଆଗପଛର ହିସାବ ମାତ୍ର । ଏହି ଦୁନିଆରେ ଏପରି କେହି ଜନ୍ମ ହୋଇନାହିଁ ଯିଏ କାହାର କିଛି କରିଦେଇ ପାରିବ । ଏତେ ନିୟମଯୁକ୍ତ ଏହି ଜଗତ ଅଟେ ।
। ପରିଣାମରୁ ହିଁ କାରଣ ଜଣା ପଡ଼େ
ଏଗୁଡ଼ିକ ସବୁ Result ( ପରିଣାମ) ଅଟେ । ଯେପରି ପରୀକ୍ଷାର Result ଆସେ, Mathematics (ଗଣିତ)ରେ ଶହେ ନମ୍ବରରୁ ପଞ୍ଚାନବେ ଏବଂ English (ଇଂରାଜୀ ) ରେ ଶହେ ନମ୍ବରରୁ ପଚିଶ୍ ନମ୍ବର ଆସେ। ତେବେ ଆମକୁ କ’ଣ ଜଣାପଡ଼େ ନାହିଁ ଯେ ଏଥିରେ ଭୁଲ୍ କେଉଁଠି ରହିଲା ? ଏହି ପରିଣାମରୁ , କେଉଁ କାରଣରୁ ଭୁଲ୍ ହେଲା ତାହା ଆମକୁ ଜଣା ପଡ଼େ କି ନାହିଁ ? ଏ ଯେଉଁ ସବୁ ସଂଯୋଗ ଏକତ୍ରିତ ହୁଏ, ସେଗୁଡ଼ିକ ସବୁ ପରିଣାମ ଅଟେ ଏବଂ ସେହି ପରିଣାମରୁ କାରଣ କ’ଣ ଥିଲା, ତାହା ମଧ୍ୟ ଆମକୁ ଜଣା ପଡ଼ିଯାଏ ।