Aatmsakshatkar

Author(s): Dada Bhagwan
Publisher: Dada Bhagwan Aradhana Trust

Page 67

ନିଜର ଭୁଲ୍ ପାଇଁ ଭୋଗୁଛେ
ଯିଏ ଦୁଃଖ ଭୋଗୁଛି, ତା’ର ହିଁ ଭୁଲ୍ ଏବଂ ଯିଏ ସୁଖ ଭୋଗୁଛି, ତାହା ତା’ର ପୁରସ୍କାର । କିନ୍ତୁ ଭ୍ରାନ୍ତିର ନିୟମ ନିମିତ୍ତକୁ ଧରେ । ଭଗବାନଙ୍କ ନିୟମ, ବାସ୍ତବ ନିୟମ ଅଟେ ଯାହାର ଭୁଲ୍ ହେବ, ତାକୁ ହିଁ ନୁ ହିଁ ଧରିବ । ଏହି ନିୟମ Exact (ସଠିକ୍) ଏବଂ ଏଥୁରେ କେହି ପରିବର୍ତ୍ତନ କରି ପାରିବ ନାହିଁ । ଜଗତରେ ଏପରି କୌଣସି ନିୟମ ନାହିଁ କି କାହାକୁ ସୁଖ-ଦୁଃଖର ପ୍ରଭାବ ଦେଇ ପାରିବ।
ତୁମର କୌଣସି ଭୁଲ୍ ଥୁବ ତେବେ ତ ଅନ୍ୟମାନେ କହିବେ ନା ? ଏଣୁ ଭୁଲକୁ ଶେଷ କରିଦିଅ ନା ! ଏହି ଜଗତରେ କୌଣସି ଜୀବ କୌଣସି ଜୀବକୁ କଷ୍ଟ ଦେଇ ପାରିବ ନାହିଁ, ଏପରି ସ୍ଵତନ୍ତ୍ର ଅଟେ, ଆଉ ଯିଏ କଷ୍ଟ ଦିଏ ତାହା ଆଗରୁ ଯେଉଁ ହସ୍ତକ୍ଷେପ କରିଥିଲା ତାହାର ହିଁ ପରିଣାମ ଅଟେ । ଏଣୁ ଭୁଲ୍ ଶେଷ କରିଦିଅ ଆଉ ହିସାବ ରହିବ ନାହିଁ ।
ଜଗତ ଦୁଃଖ ଭୋଗିବା ପାଇଁ ହୋଇନାହିଁ, ସୁଖ ଭୋଗିବା ପାଇଁ ହୋଇଛି। ଯାହାର ଯେତିକି ହିସାବ ଥାଏ ସେତିକି ହିଁ ଭୋଗିଥାଏ। କିଛି ଲୋକ କେବଳ ସୁଖ ହିଁ ଭୋଗନ୍ତି, ତାହା କିପରି ? କିଛି ଲୋକ କେବଳ ଦୁଃଖ ହିଁ ଭୋଗନ୍ତି, ତାହା କିପରି ? କାରଣ ନିଜେ ହିଁ ସେମିତି ହିସାବ ନେଇ ଆସିଥାଏ। ଯେଉଁ ଦୁଃଖ ନିଜକୁ ଭୋଗିବାକୁ ପଡ଼େ ତାହା ନିଜର ହିଁ ଦୋଷ ଅଟେ, ଅନ୍ୟ କାହାର ନୁହେଁ । ଯିଏ ଦୁଃଖ ଦିଏ, ତାହାର କିଛି ଭୁଲ୍ ନଥାଏ। ଯିଏ ଦୁଃଖ ଦିଏ, ତାହାର ଭୁଲ୍ ସଂସାରରେ ଦେଖାଯାଏ ଏବଂ ଯିଏ ଏହାକୁ ଭୋଗେ ତାହାର ଭୁଲ୍ ଭଗବାନଙ୍କ ନିୟମରେ ଥାଏ। ନିଜର ହିଁ ଭୁଲର ପରିଣାମ
ଯେତେବେଳେ ମଧ୍ୟ ତୁମକୁ କିଛି ଭୋଗିବାକୁ ପଡ଼ିଥାଏ, ତାହା ନିଜର ହିଁ ଭୁଲର ପରିଣାମ । ନିଜର ଭୁଲ୍ ବିନା ଭୋଗିବାକୁ ପଡ଼େ ନାହିଁ।
୬୨