Aagam Manjusha Mool Kapp Suyam

Author(s): Anandsagarsuri, Sagaranandsuri
Publisher: Deepratnasagar

Page 8

दसनहं सिरसावत्तं मत्थए अंजलिं कट्टु सिद्धत्थस्स खत्तिअस्स तमाणत्तियं पञ्चप्पिणंति । २१ । तए णं सिद्धत्ये खत्तिए कलं पाउप्पभायाए रयणीए फुलप्पलकमलकोमलम्मीलियंमि अहापंडुरे पभाए रत्तासोगप्पगास किंसुअसुअमुहगुंजद्धरागसरिसे कमलायरसंडबोहए उडिअंमि सूरे सहस्सरस्सिमि दिणयरे तेअसा जलते सयणिज्जाओ अम्भुडेइ ता पायपीढाओ पचोरुहइ त्ता जेणेव अट्टणसाला तेणेव उवागच्छ ता अट्टणसालं अणुपविसद् ता अणेमवायामजोम्गवग्गणवामद्दणमहजुद्धकरणेहिं परिस्संते सयपागसहस्सपागेहिं सुगंधितिगमाइएहिं पीणणिज्जेहिं जिंघणिज्जेहिं दीवणिज्जेहिं मयणिजेहिं दप्पणिजेहिं सविंदियगायपव्हायणिज्जेहिं अभंगिए समाणे तिचम्मंसि पडिपुण्णपाणिपायमुकुमालतलेहिं पुरिसेहिं अ गणपरिमहणुवलणकरणगुणनिमाएहिं छंदेहिं दक्खेहिं पट्टेहिं कुसलेहिं मेहावीहिं जिअपरिस्समेहिं अस्थिसुहाए मंससुहाए तयासुहाए रोमसुहाए चउनिहाए मुहपरिकम्मणाए संवाहणाए संबाहिए समाणे अवगयपरिस्समे अट्टणसालाओ पडिनिक्खमइ ता जेणेव मज्जणघरे तेणेव उवागच्छइ त्ता मज्जणघरं अणुपविसद् ता समुत्तजालकलावाभिरामे विचित्तमणिरयणकुट्टिमतले रमणिजे व्हाणमंडवंसि नाणामणिरयणभत्तिचित्तंसि व्हाणपीढंसि सुहनिसण्णे पुप्फोदएहि य गंधोदएहि य उसिणोदएहि य सुद्धोदएहि अ कहाणकरपवरमज्जणविहीए मज्जिए, तत्थ कोउअसएहिं बहुविहेहिं कलाणगपत्ररमज्जणावसाणे पम्हलसुकुमालगंधकासाइअलूहिअंगे अहह्यसुमहग्घदूसरयणसुसंबुडे सरससुरभिगोसीसचंदणाणुलित्तगत्ते सुइमालावण्णगविलेवणे आविद्धमणिसुवण्णे कप्पियहारद्धहारतिसरयपालंबलंबमाणकडिमुत्तयकयसोभे पिणगेविजे अंगुलिनगल लियकयाभरणे वरकडगतुडिअर्थभिजभुए अहिअरूवसस्सिरीए कुंडलउज्जोविआणणे मउडदित्तसिरए हारोत्थयसुकयरइअवच्छे मुद्दिआपिंगलंगुलीए पालंगपलंत्रमाणसुकयपडउत्तरिज्जे नाणामणिकणगरयणविमलमहरिहनिउणोत्रिअमिसिमिसिंतविरइअसुसिलिट्ठविसिट्टनद्ध आविद्धवीरखलए, किं बहुणा ?, कप्परुक्खए चेव अलंकि अविभूसिए नरिंदे सकोरिंटमइदामेणं छत्तेणं धरिजमाणेणं सेअवरचामराहिं उद्धुवाणीहि मंगलजयसदकयालोए अणेगगणनायगदंडनायगराईसरतलवरमाडंचिअ कोबिअमंतिमहामंतिगणगदोवारिय अमचचेडपीढमदनगरनिगमसिट्टिसेणावइसत्यवादूअसंधिबाल सद्धिं संपरिबुडे धवलमहामेहनिग्गए इव गगणदिष्यंतरिक्खतारागणाण मज्झे ससिड पिजदंसणे नरवई मज्जणघराओ पडिनिक्खमइ ता जेणेव बाहिरिया उपद्वाणसाला तेणेव उवागच्छइ त्ता सीहासणंसि पुरत्याभिमुहे निसीअइ ता अप्पणो उत्तरपुरच्छिमे दिसीभाए अट्ठ महासणाई सेअवत्थपच्चुत्थुयाई सिद्धत्ययकयमंगलोवयाराई स्यावेइ त्ता अप्पणो अदूरसामंते नाणामणिरयणमंडिजं अहिअपिच्छणिज्जं महग्घवरपट्टणुग्गयं सहूपट्टभत्तिसयचित्तताणं ईहामि अउस भतुरगनरमगरविहगवालगकिन्नररुरुसरभ चमरकुंजरवणलयपउमलयभत्तिचित्तं अभितरियं जवणियं अंछावे ता नाणामणिरयणभत्तिचित्तं अत्थरयमिउमसूरगुत्थयं सेयवत्थपत्थुयं सुमउयं अंगसुहफरिसगं विसिद्धं तिसलाए खत्तिआणीए मद्दासर्णस्यावेइ ना कोचियपुरिसे सहावेइ त्ता एवं बयासी खिप्पामेव भो देवाणुप्पिया! अहंगमंगलमहानिमित्तमुत्तत्थपारए विविहसत्यकुसले सुविणलक्खणपाढए सहावेह । २२ । तए नं कोडुंचियपुरिसा सिद्धत्येणं रण्णा एवं वृत्ता समाणा हट्टा जाव यहियया करयल जाव पडिमुणति त्ता सिद्धत्यस्स खत्तियस्स अंतियाओ पडिनिक्खमंति ता कुंडपुरं नगरं मज्झंमज्झेणं जेणेव सुविणलक्खणपाढगाणं गेहाई तेणेव उवागच्छंति त्ता सुविणलक्खणपाढए सद्दाविति, तए णं ते सुविणलक्खणपाढया सिद्धत्यस्स खत्तियस्स कोचियपुरिसेहिं सदाविया समाणा हट्ट जाव हियया व्हाया कयचलिकम्मा कयको अमंगलपायच्छित्ता सुद्धप्यावेसाई मंगलाई बत्थाई पवराई परिहिया अप्पमहग्याभरणालंकियसरीरा सिद्धत्ययहरिआलिजाकयमंगलमुद्धाणा सएहिं २ गेहेहिंतो निम्ाच्छंति त्ता खत्तियकुंडग्गामं नगरं मज्झमज्झेणं जेणेव सिद्धत्थस्स रण्णो भवणवरवर्डिसगपडिदुवारे तेणेव उवागच्छति सा भवणवरवर्डिसगपडिदुवारे एगयओ मिलंति त्ता जेणेव बाहिरिया उवट्टाणसाला जेणेव सिद्धत्वे खत्तिए तेणेव उवागच्छंति त्ता करयलपरिग्गहियं जाव कट्टु सिद्धत्यं खत्तिअं जणं विजएणं वद्धाविति तए णं ते सुविणलक्खणपाढगा सिद्धत्येणं रण्णा वंदियपूर असकारिअसम्माणिया समाणा पत्तेयं २ पुत्रवत्थेस भहासणेसु निसीयंति। २३ । तए णं सिद्धत्ये खत्तिए दिसलं खत्तियाणि जवणि अंतरियं ठवेइ त्ता पुप्फफलपडिपुण्णहत्थे परेण चिणएणं ते सुविणलक्खणपाढए एवं वयासी एवं खलु देवाणुप्पिया! अज्ज तिसला खत्तियाणी तंसि तारिससि जाब सुत्तजागरा ओहीरमाणी २ इमे एयारूवे उराले चउदस महासुमिणे पासित्ताणं पडिबुद्धा तं० गयः गाहा, तं तेसिं चउदसण्हं महासुमिणाणं देवाणुपिया ! उराला के मझे काणे फलवित्तिविसेसे भविस्सइ ?, नए णं ते सुमिगलक्खणपाढगा सिद्धत्थस्स वत्तियस्स अंतिए एयमहं सोचा निसम्म हट्ट जाव हयहियया ते सुमिणे ओगिण्हति त्ता ईहं अणुपविसंति त्ता अन्नमन्नेणं सद्धिं संलावेति ता तेसिं सुमिणाणं लहिया गहिअट्टा पुच्छियट्टा विणिच्छियट्टा अभिगयट्ठा सिद्धत्वस्स रण्णो पुरओ सुमिणसत्थाई उच्चारेमाणा २ सिद्धन्यं खत्तियं एवं क्यासी एवं खलु देवाणुप्पिया! अम्हं सुमिणसत्थे बायालीसं सुमिणा तीसं महासुमिणा चाहन्तारं सङ्घसुमिणा दिट्ठा, तत्थ णं देवाणुप्पिया! अरहंतमायरो वा कट्टिमायरो वा अरहंतंसि वा चकरंसि वा गर्भ वक्कममाणंसि एएसि तीसाए महासुमिणाणं इमे चउदस महासुमिणे पासित्ताणं पडिबुज्झंति तं०-गय० गाहा, वासुदेव- (२४९) ९९६ कल्पसूत्र वारसा
मुनि दीपरत्नसागर
な