Aagam Manjusha Mool Kapp Suyam

Author(s): Anandsagarsuri, Sagaranandsuri
Publisher: Deepratnasagar

Page 9

मायरो वासुदेवंसि गम्भं वक्कममाणंसि एएसिं चउद्दण्हं महासुमिणाणं अन्नयरे सत्त महासमिणे पासित्ताणं पडिबुज्झति, बलदेवमायरो वा बलदेवंसि गम्भं वक्कममाणंसि एएसिं चउद्दसण्ह महामुमिणाणं अन्नयरे चत्तारि महामुमिणे पासित्ताणं पडिबुज्झति, मंडलियमायरो मंडलियंसि गम्भं वक्कते समाणे एएसिं चउद्दसण्हं महासुमिणाणं अन्नयरं एगं महासुमिण पासित्ताणं पडिबुज्झति, इमेयाणि देवाणुप्पिया ! तिसलाए खत्तिआणीए चोइस महासुमिणा दिवा तं उराला णं देवाणुप्पिया ! तिसलाए खत्तियाणीए सुमिणा दिहा, तं०. अत्यलाभो देवाणुप्पिया ! भोगलाभो० पुत्तलाभो० सुक्खलामो० रुजलामो०, एवं खलु देवाणुप्पिया! तिसला खत्तियाणी नवण्हं मासाणं बहुपडिपुण्णाणं अट्ठमाणं राइंदिआणं वइकताणं तुम्भं कुलकेउं कुलदीवं कुलपञ्चयं कुलवडिंसर्ग कुलतिलयं कुलकित्तिकर कुलाहारं कुलनंदिकरं कुलजसकर कुलपायवं कुलविदणकरं सुकुमालपाणिपायं अहीणपडिपुण्णपं. चिदियसरीरं लक्खणवंजणगुणोववेअं माणुम्माणपमाणपडिपुण्णसुजायसवंगसुंदरंगं ससिसोमाकारं कंतं पियर्दसणं सुरूवं दारयं पयाहिइ, सेऽविय णं दारए उम्मुक्कचालभावे विन्नायपरिणयमित्ने जुवणगमणुप्पत्ते सूरे वीरे विकंते विच्छिन्नबलवाहणे चाउरंतचक्कचट्टी रजवई राया भविस्सइ, जिणे वा तिलोगनायगे धम्मवरचाउरंतचक्कवट्टी, तं उराला णं देवाणुप्पिया : निसलाए खत्तियाणीए सुमिणा दिट्ठा जाव आरुग्गतुहिदीहाऊकल्याणमंगलकारगा णं देवाणुप्पिआ ! तिसलाए खत्तियाणीए सुमिणा दिट्ठा।२४ तए णं से सिद्धत्ये राया तेसिं मुमिणलक्रवणपाढगाणं अंतिए एयमढे सोचा निसम्म हट्टतुट्ठ जाव हियए करयल जाव ते सुमिणलक्खणपाढगे एवं क्यासी-एवमेयं देवाणुप्पिया! तहमेयं अवितहमेयं असंदिद्धमेयं० इच्छियमेयं० पडिच्छियमेयं इच्छियपडिच्छियमेयं देवाणुप्पिया !, सच्चे णं एस अट्टे से जहेयं तुब्भे वयहत्तिकटु ते सुमिणे सम्म संपडिच्छद त्ता ते सुविणलक्खणपाढए विउलेणं पुष्फवस्थगंधमालंकारेणं सकारेइ सम्माणेइ त्ता विउलं जीवियारिहं पीइदाणं दलइ त्ता पडिविसजेइ।२५/तएणं से सिद्धत्थे खत्तिए सीहासणाओ अब्भुढे त्ता जेणेव तिसला खत्तियाणी जवणिअंतरिया नेणेव उवागच्छइ त्ता तिसलं खत्तियाणिं एवं वयासी-एवं खलु देवाणुप्पिए! सुमिणसत्थंसि चायालीसं सुमिणा जाव एग महासुमिणं सुमिणे पासित्ताणं पडिबुज्झति, इमेयाणिं नुमं देवाणुप्पिए! चउद्दस महामुमिणा दिट्ठा तं उराला णं तुमे जाब जिणे वा तेलुक्कनायगे धम्मवरचाउरंतचकवट्टी, तए णं सा तिसला एयमई सुच्चा निसम्म हतुट्ट जाव हयहि अया करयल, जाव ते सुमिणे सम्मं संपडिच्छइ ता सिद्धत्येणं रण्णा अम्भणुन्नाया समाणी नाणामणिरयणभत्तिचित्ताओ भद्दासणाओ अग्भुट्टे त्ता अतुरिअं अचवलं अर्स - भंताए रायहंससरिसीए गईए जेणेवसए भवणे तेणेव उवागच्छदत्ता सयं भवणं अणुपविट्ठा।२६।जप्पभिइंचणं समणे भगवं महावीरे तं नायकुलं साहरिए तापभिई चणं बहवे वेसमणकंडधारिणो तिरियज॑भगा देवा सक्वयणेणं से जाई इमाई पुरापोराणाई महानिहाणाई भवंति तं०-पहीणसामिआई पहीणसे उआई पहीणगुत्तागाराई उच्छिन्नसामिआई उच्छिन्नसेउआई उच्छिन्नगत्तागाराई गामागरनगरखेडकब्बडमर्डबदोणमहपट्टणासमसंवाहसन्निवेसेसु सिंघाडएम वा तिएम वा चउक्केमु वा चचरेसु वा चउम्मुहेसु वा महापहेम वा गामट्ठाणेमु वा नगरट्ठाणेसु वा गामणिद्धमणेसु वा नगरनिदमणेसुवा आवणेसु वा देवकुलेसु वा सभासु वा पवासु वा आरामेमु वा उज्जाणेसु वा मुसाणमुन्नागारगिरिकंदरसंतिसेलोवट्ठाणगिहेम वा समिक्खित्ताई चिट्ठति ताई सिद्धत्वरायभवर्णसि साहरंति, तए णं समणस्स भगवओ महावीरस्स अम्मापिऊणं अयमेयारूवे अब्भस्थिए चितिए पस्थिए मणोगए संकप्पे समुप्पजित्था जप्पभिई च णं अम्ह एस दारए कुञ्छिसि गम्भत्ताए वकंते तप्पभिई च णं अम्हे हिरण्णेणं वड्ढामो सुवण्णेणं धणेणं धन्नेणं रजेणं रटेणं चलेणं वाहणेणं कोसेणं कुट्ठागारेणं पुरेणं अंतेउरेणं जणवएणं वड्ढामो विपुलधणकणगरयणमणिमुत्तियसंखसिलप्पवालरत्तरयणमाइएणं संतसारसावइज्जेणं पीइसकारेणं अईव २ अभिवढामो, तं जया णं अहं एस
दारए जाए भविस्सइ तया णं अम्हे एयस्स दारगस्स एयाणुरूवं गुण्णं गुणनिष्फन्न नामधिज करिस्सामो वबमाणुत्ति ।२७। तए णं समणे भगवं महावीरे माउए अणुकंपणहाए A निचले निष्कंद निरंजणे आडीणपाड़ीणगुत्ते आवि होत्या, तए णं तीसे तिसलाए खत्तियाणीए अयमेयारूवे जाव संकप्पे समुप्पजित्था-हढे मे से गम्भे मडे मे से गम्भे चुए मे से
गम्भे गलिए मे से गम्भे, एस मे गम्भे पुष्विं एयइ इयाणि नो एयइत्तिकटु ओहयमणसंकप्पा चिंतासोगसागरसंपविट्ठा करयलपम्हत्यमुही अट्टज्माणोवगया भूमीगयदिडिया झियाइ, 1101 तंपिय सिद्धत्थरायभवणं उवरयमईगतंतीतलतालनाडइजजणमणुज दीणविमणं विहरइ,तए णं समणे भगवं महावीर माऊए अयमेयारूर्व अम्भत्थियं पत्थियं मणागय सकप्प
समुप्पन वियाणित्ता एगदेसेणं एयइ, तए णं सा तिसला खत्तियाणीतं गम्भ एयमाणं वेयमाणं चलमाणं फंदमाणं जाणित्ता हतुहा जाव हयहिअया एवं वयासी-नो खलु मे गन्भे हदे(डे) जाव नो गलिए, मे गम्भे पुधि नो एयइ इयाणिं एयइ, तए णं समणे भगवं महावीरे गम्भत्ये चेव इमेयारुवं अभिग्गहं अभिगिण्हइ-नो खलु मे कप्पड अम्मा(म० म्हा)पिईहिं जीवंतेहि मुंडे भवित्ता अगारवासाओ अणगारि पाइत्तए । २८ा तए णं सा तिसला खत्तियाणी व्हाया कयचलिकम्मा कयकोउयमंगलपायच्छित्ता सवालंकारभूसिया तं गम्भं ना. ९९७ कल्पसूत्र-बारसा -
मुनि दीपरनसागर