Aagam Manjusha 02 Angsuttam Mool 02 Suyagado

Author(s): Anandsagarsuri, Sagaranandsuri
Publisher: Deepratnasagar

Page 7

1
वत्थगंधमलंकार, इत्थीओ सयणाणि य । भुंजाहिमाई भोगाई, आउसो ! पूजयाम तं ॥ ८ ॥ जो तुमे नियमो चिण्णो, भिक्खुभावमि सुवया । अगारमावसंतस्स सो संविज्ञए तहा ॥९॥ चिरं दृइजमाणस्स, दोसो दाणि कुतो तव । इच्चेव णं निमंतेंति, नीवारेण व सूयरं ॥ २०० ॥ चोइया भिक्खचरियाए, अचयंता जवित्तए । तत्थ मंदा विसीयंति, उज्जाणंसि व दुबला ॥ १ ॥ अचयंता व गृहेणं, उवहाणेण तज्जिया । तत्थ मंदा विसीयंति, उज्जाणंसि जरग्गवा ॥ २ ॥ एवं निमंतणं लडं, मुच्छिया गिद्ध इत्यी । अज्झोवयन्ना कामेहिं, चोड़जंता गया गिहं ॥ ३ ॥ तिवेमि । अ० ३३० ३। जहा संगामकामि, पिट्टतो भीरु बेहइ वलयं गहणं णूमं को जाणइ पराजयं ? ॥ ४ ॥ मुहुत्ताणं महत्तस्स, मुहुत्तो होइ तारिसो पराजियाऽवसप्पामो, इति भीरू उबेहई ॥ ५ ॥ एवं तु समणा एगे, अबलं नव्वाण अप्पगं अणागयं भयं दिस्स, अवकप्पतिमं सुयं ॥ ६ ॥ को जाणइ विऊवातं, इत्थीओ उदगाउ वा । चोइज्जता पत्रकखामो, ण णो अस्थि पकप्पियं ॥ ७ ॥ इच्चेव पडिलेहंति, वलया (प्र० वलाइ ) पडिलेद्दिणो । चितिगिच्छसमावन्ना, पंथाणं च अकोविया ॥ ८ ॥ जे उ संगामकालंमि, नाया सूरपुरंगमा । णो ते पिट्टमुवेहिंति, किं परं मरणं सिया ? ॥ ९ ॥ एवं समुट्टिए भिक्खू, वोसिज्जाऽगारबंधणं । आरंभं तिरियं कट्टु, अत्तत्ताए परिष्व ॥ २१६ ॥ तमेगे परिभासंति, भिक्खुयं साहुजीविणं । जे एवं परिभासंति, अंतए ते समाहिए ॥ १ ॥ संबद्धसमकप्पा उ. अन्नमन्नेसु मुच्छिया। पिंडवायं गिलाणस्स, जं सारेह दलाह य ॥ २ ॥ एवं तुभे सरागत्था, अन्नमन्नमणुव्वसा । नटुसप्पहसन्भावा, संसारम्स अपारगा ॥ ३ ॥ अह ते परिभासेज्जा, भिक्खु मोक्खविसारए। एवं तुच्भे पभासंता, दुपक्खं चेव सेवह् ॥ ४ ॥ तुभे भुंजह पाए, गिलाणो अभिहडंमि या । तं च बीओदगं भोच्चा, तमुहिस्सादिजं कडं ॥ ५ ॥ लित्ता तिवाभितावेणं, उज्झिआ असमाहिया । नातिकंदृइयं सेयं, अरुयस्सावरज्झती ॥ ६ ॥ तत्तेण अणुसिद्धा ते, अपडित्रेण जाणयाण एस णियए मग्गे, असमिक्खा बतीकिती ॥ ७ ॥ एरिसा जा (प्र० ते) वई एसा, अग्गवेणुत्र करिमिता गिहिणो अभिहर्ड सेयं, भुजिउं उ भिक्खुणं ॥ ८ ॥ धम्मपन्नवणा जा सा, सारंभा ण विसोहिआ। ण उ एयाहिं दिडीहिं, पुवमासि पगप्पिअं ॥ ९ ॥ साहिं अणुजुत्तीहि, अचयंता जवित्तए। ततो वायं णिराकिच्चा, ते भुज्जो पगच्भिया ॥ २२० ॥ रागदोसाभिभूयप्पा, मिच्छत्तेणं अभिदुता। आउस्से सरणं जंति, टंकणा इव पश्यं ॥ १ ॥ बहुगुणप्पगप्पाई. कुज्जा अत्तसमाहिए। जेणऽने णो विरुज्झेजा, तेण तं तं समायरे ॥ २ ॥ इमं च धम्ममादाय, कासवेण पवेइयं कुज्जा भिक्खू गिलाणस्स, अगिलाए समाहिए ॥ ३ ॥ संखाय पेसलं धम्मं, दिट्टिमं परिनिबुडे । उवसग्गे नियामित्ता, आमोक्खाए परिवज्जाऽसि ॥ ४ ॥ त्तिमि । अ० ३ उ० ३। आहंसु महापुरिसा, पुत्रिं तत्ततबोधणा । उदपुण सिद्धिमाचन्ना, तत्थ मंदो विसीयति ॥ ५ ॥ अजिया नमी विदेही, रामगुत्ते य भुंजिआ। बाहुए उदगं भोच्चा, तहा नारायणे रिसी ॥ ६ ॥ आसिले देविले चेव, दीवायण महारिसी पारासरे दगं भोच्चा, बीयाणि हरियाणि य ॥७॥ एते पुत्रं महापुरिसा, आहिता इह संमता। भोचा बीओदगं सिद्धा. इति मेयमणुस्सु ॥ ८ ॥ तत्थ मंदा विसीअंति, वाहच्छिन्ना व गद्दभा। पिट्टतो परिसप्पति, पिट्टसप्पी य संभमे ॥ ९ ॥ इहमेगे उ भाति, (मन्नति पा०) सातं सातेण विज्जती जे तत्थ आरियं मग्गं परमं च समाहिए (यं) ॥ २३० ॥ मा एवं अवमन्नंता, अप्पेणं लंपा बहूं। एतस्स (उ) अमोक्खाए, अओहारिक जूरह ॥ १ ॥ पाणाइवाते वहता. मुसावादे असंजता। अदिन्नादाणे वहंता, मेहुणे य परिग्गहे ॥ २ ॥ एवमेगे उपासत्था, पनवंति अणारिया । इत्थीवसं गया बाला, जिणसासणपरम्हा ॥ ३ ॥ जहा गंडं पिलागं वा परिपीलेज मुहुत्तगं एवं विन्नवणित्थीसु, दोसो तत्थ कओ सिआ ! ॥ ४॥ जहां मंधादए नाम, थिमि भुंजती दगं एवं विनवण स्त्रीसु, दोस्रो तत्थ कओ मिआ ? ॥ ५ ॥ जहा विहंगमा पिंगा, थिमि भूंजती दगं एवं विन्नवणित्थीसु, दोसो तत्थ कओ सिआ ? ॥ ६ ॥ एवमेगे उपासन्था, मिच्छादिट्टी अणारिया । अज्झोववना कामेहिं पूयणा इव तरुणए ॥ ७॥ अणागयमपस्संता, पशुप्पन्नगवेसगा ते पच्छा परितप्पंति, खीणे आउंमि (प्र० तीतंमि) जोडणे ॥ ८ ॥ जेहिं काले परिक्कतं न पच्छा परितप्पए । ते धीरा बंधमुक्का, नावकंवंति जीविअं ॥ ९ ॥ जहा नई वेयरणी, दुत्तरा इह संमता एवं लोगंसि नारीओ, दुरुत्तरा अमईमया ॥ २४० ॥ जेहिं नारीण संजोगा, पूयणा पिट्टतो कता । सबमेयं निराकिचा, ते ठिया सुसमाहिए ॥ १ ॥ एते ओघं वरिस्संति, समुदं वपहारिणो । जत्थ पाणा विसन्नासि, किती सयकम्मुणा ॥ २ ॥ तं च भिक्खू परिण्णाय. सुनते समिते चरे। मुसावायं च वज्जिज्जा, अदिन्नादाणं च वोसिरे ॥ ३ ॥ उडूमहे तिरियं वा, जे केई तसथावरा सङ्घस्थ विरतिं कुज्जा, संति निवाणमाहियं ॥ ४ ॥ इमं च धम्ममादाय, कासवेण पवेदितं । कुजा भिक्खु गिलाणम्स, अमिलाए समाहिए ॥ ५ ॥ संखाय पेसलं धम्मं दिट्टिमं परिनिषुड़े। उवसग्गे नियामित्ता, आमोक्खाए परिजासि ॥ ६ ॥ त्तित्रेमि ॥ उ० ४ उपमर्गाध्ययनं ३ ॥ जे मायरं च पियरं च विप्पजहाय पुत्रसंजोगं एगे सहिते चरिस्सामि, आरतमेहुणो विवित्तेषु (विवित्तसि पा० ) ॥ ७ ॥ सुमेणं तं परिकम्म, छन्नपण इथिओ मंदा उच्चापि नाउ जाणिसु (जाणंति पा०) जहा लिस्संति भिक्खुणो एगे ॥ ८ ॥ पासे भिसं णिसीयंति, अभिक्खणं पोसवत्थं परिहिंति । कार्य अहेवि दंसंति, बाहू उद ४१ सूत्रकृतांगं - अन्य-४
मुनि दीपरत्नसागर