Aagam Manjusha 02 Angsuttam Mool 02 Suyagado

Author(s): Anandsagarsuri, Sagaranandsuri
Publisher: Deepratnasagar

Page 31

जोणियाणं, तंजहा-अहीणं अयगराणं आसालियाण महोरगाणं, तेसिं च णं अहावीएणं अहावगासेणं इत्यीए पुरिस जाव एत्थ णं मेहुण० एवं तं चेब, नाणत्तं अंडं वेगइया जणयंनि पोयं वेगइया जणयंति, से अंडे उम्भिजमाणे इत्यि वेगहया जणयंति पुरिसंपि० णपुंसगंपि०, ते जीवा डहरा समाणा वाउकायमाहारैति आणुपुत्रवेणं वुड्ढा वणस्सइकायं तसथावरपाणे, ने जीवा आहारेंति पुढवीसरीरं जाव संतं, अवरेऽवि य णं तेसिं णाणाविहाणं उरपरिसप्पथलयरपंचिंदियतिरिक्ख० अहीणं जाव महोरगाणं सरीरा णाणावण्णा णाणागंधा जाव मक्खार्य। अहावरं पुरक्खायणाणाविहाणं भयपरिसप्पथलयरपंचिदियतिरिक्खजोणियाणं, तंजहा-गोहाणं नउलाणं सीहाणं सरडाणं सडाणं सरवाणं खराणं घरकोइलियाणं विस्संभगणं मुसगाणं मंगुसाणं फ्यलाइयाणं विरालियाणं जोहाणं चउप्पाइयाणं, तेसिं च णं अहावीएणं अहावगासेणं इत्थीए पुरिसस्स य जहा उरपरिसप्पाणं तहा भाणियत्रं जाव सारूविकडं संनं, अवरेऽचि य णं तेसिं णाणाविहाणं भुयपरिसप्पपंचिंदियघलयरतिरिक्खाणं तं०-गोहाणं जाव मक्खायं। अहावरं पुरक्खायं णाणाविहाणं खहचरपंचिंदियतिरिक्खजोणियाणं, तंजहाचम्मपक्खीणं लोमपक्खीणं समुग्गपक्खीणं विततपक्खीणं तेसिं च णं अहावीएणं अहावगासेणं इत्थीए जहा उरपरिसप्पाणं नाणत्तं ते जीवा डहरा समाणा माउगात्तसिणेहमाहारैति आणुपुत्रेणं वुड्ढा वणस्सतिकार्य तसथावरे य पाणे, ते जीवा आहारैति पुढविसरीरं जाव संतं, अवरेऽवि य णं तेसिं णाणाविहाणं खहचरपंचिंदियतिरिक्खजोणियाणं चम्मपक्रवीण जाव मक्खायं । ५८। अहावरं पुरक्खायं इहेगतिया सत्ता णाणाविहजोणिया णाणाविहसंभवा णाणाविहवुकमा तज्जोणिया तस्संभवा तदुवकमा कम्मोवगा कम्मणियाणेणं तत्थबुक्कमा णाणाविहाणं तसथावराणं पोग्गलाणं सरीरेसु वा सचित्तेसु वा अचित्तेसु वा अणुसूयत्ताए विउति, ते जीवा तेसिं णाणाविहाणं नसथावराणं पाणाणं सिणेहमाहारेंति, ते जीवा आहारति पढवीसरीर जाव संत, अवरेऽवि य णं तेसि तसथावरजोणियाणं अणुसूयगाणं सरीरा णाणावण्णा जाव मक्खाय। एवं दुरूवसंभवत्ताए। एवं खुरदुगताए।५९। अहावरं पुरक्खायं इहेगतिया सत्ता णाणाविहजोणिया जाव कम्मणियाणेणं तत्थवुकमा णाणाविहाणं तसथावराणं पाणाणं सरीरेसु सचिनेसु वा अचित्तेसु वा तं सरीरगं वायसंसिद्ध वा वायसंगहियं वा वायपरिग्गहियं उड्ढवाएसु उड्ढभागीभवति अहेवाएसु अहेभागीभवति तिरियवाएसु तिरियभागीभवति, तंजहा-ओसा हिमए महिया करए हरतणुए सुद्धोदए, ते जीवा तेसिं णाणाविहाणं तसथावराणं पाणाणं सिणेहमाहारेंति, ते जीवा आहारिति पुढवीसरीरं जाव संतं, अवरेऽवि य णं तेसिं तसथावरजोणियाणं ओसाणं जाव सुदोदगाणं सरीराणाणावण्णा जाच मक्खायं । अहावरं पुरक्खायं इहेगतिया सत्ता उदगजोणिया उदगसंभवा जाव कम्मणियाणेणं तत्यवुकमा तसथावरजोणिएसु उदएसु उदगत्ताए विउदृति, ते जीवा तेसि तसथावरजोणियाणं उदगाणं सिणेहमाहारेंति, ते जीवा आहारेंति पुढवीसरीरं जाव संतं, अवरेऽवि य णं तेसि तसथावरजोणियाणं उदगाणं सरीरा णाणावण्णा जाव मकवायं । अहावरं पुरक्खायं इहेगतिया सत्ता उदगजोणियाणं जाव कम्मनियाणेण तत्थवुकमा उदगजोणिएसु उदएसु उदगत्ताए विउद्घति, ते जीवा तेसिं उदगजोणियाणं उदगाणं सिणेहमाहारेंति ते जीवा आहारेंति पुढवीसरीरं जाव संतं, अवरेऽवि य णं तेसिं उदगजोणियाणं उदगाणं सरीरा णाणावन्ना जाव मक्खायं । अहावरं पुरक्खायं इहेगतिया सत्ता उदगजोणियाणं जाव कम्मनियाणेणं तत्थवुकम्मा उदगजोणिएसु उदएसु तसपाणत्ताए विउदंति, ते जीवा तेसिं उदगजोणियाणं उदगाणं सिणेहमाहारैति, ते जीवा आहारेंति पुढवीसरीरं जाव संतं. अवरेऽवि य क तेसिं उदगजोणियाणं तसपाणाणं सरीरा णाणावण्णा जाव मक्खायं।६। अहावरं परक्खायं इहेगतिया सत्ता णाणाविहजोणिया जाय कम्मनियाणेणं तत्थवकमा णाणाविहाणं तसथावराणं पाणाणं सरीरेसु सचित्तेसु वा अचित्तेसु वा अगणिकायत्ताए विउदृनि, ते जीवा तेसि णाणाविहाणं तसथावराणं पाणाणं सिणेहमाहारैति, ते जीवा आहारैति पुढवीसरीरं जाव संतं, अवरेऽवि य णं तेसिं तसथावरजोणियाणं अगणीणं सरीरा णाणावण्णा जाव मक्खायं, सेसा तिनि आलावगा जहा उदगाणं। अहावरं पुरक्खायं इहेगतिया सत्ता णाणाविहजोणियाणं जाव कम्मनियाणेणं तत्यबुकमा णाणाविहाणं तसथावराणं पाणाणं सरीरेसु सचित्तेसु वा अचित्तेसु वा बाउकायत्ताए विउति, जहा अगणीणं तहा माणिया चत्तारि गमा।६१। अहाचरं पुरक्खायं इहेगतिया सत्ता णाणाविहजोणिया जाव कम्मनियाणेणं तत्थबुकमा णाणाविहाणं तसथावराणं पाणाणं सरीरसु सचित्तेसु वा अचितेसु वा पुढवीत्ताए सकरत्ताए वालुयत्ताए, इमाओ गाहाओ अणुगंतचाओ-'पुढवी य सकरा वालुया य उवले सिला य लोणूसे । अय तउय तंब सीसग रुष्प सुवण्णे य चहरे ॥६३२॥ हरियाले हिंगुलए मणोसिला सासगंजणपवाले। अब्भपडलब्मवालय बायरकाए मणिविहाणा ॥ ६३३॥ गोमेजए य रुपए अंक फलिहे य लोहियक्खे य । मरगयमसारगाड़े भयमोयग इंदणीले य॥६३४॥ चंदण गेरुय हंसगम्भ पुलए सोगंधिए य बोद्धये। चंदप्पम बेरुलिए जलकंते सरकते य॥६३५॥ एयाओ एएसु भाणियवाओ गाहाओ जाव सरकंतत्ताए विउदृति, ते जीवा तेसि णाणाविहाणं तसथावराणं पाणाणं सिणेहमाहारेंति, ते जीवा आहारेति पुढवीसरीरं जाव संतं, अवरेऽवि यणं तेसिं तसथावरजोणियाणं पुढवीणं जाव सूरकताणं ६५ सूत्रकृतांगं -
मुनि दीपरत्नसागर