Page #1
--------------------------------------------------------------------------
________________ // 74 zrI gurucaraNAnAM caraNArcAyAM saptadalaM lekhakamalam // lekhaka : sva. AcArya zrIvijayalAvaNyasUriH / / AzaizavazIlazAline zrInemIzvarAya namonamaH // svasti zrIbhRgukacchamacchanagaraM nityaM punAnaM jinaM gItaM gautamagotranetragaNinA'nIhaM guNAnAM gRham / lokAlokavilokinaM gatamalaM lekhAlayAlInataM navA zrImunisuvrataM vratinataM vANIvilAsAlayam // 1 // yasmiMstIrthaGkarANAM zubhabhavanatatau bhAvukAsphAlitAnAM ghaNTAnAM TaGkRtibhyo dadhati daza dizo maJjuvAcAlabhAvam / dhayairhayairyutaM taM padakajarajasA zobhamAnaM munInAM dezaM dezaM vizeSaM zubhavacanarasaM yAmadezaM mahezam // 2 // punAnAnAM nAnAnaravaranatAnAmanudinaM lunAnAnAM nAnAbhavaprabhavanAnAghanikarAn / dhunAnAnAM ramyAnananayanamAto'mbujaramAM dadhAnAnAM nAnAnayanayanakAntaM pravadanam suzIlAlaGkAraM zizusamayato'laM kalayatAM nizAzeSe'zeSairasamazamazItaiH zamijanaiH / sadA saMsmaryANAmagaNitaguNAnAM gRhadhiyA sudhAsvAdaM svAduM vacanarasavAropahasatAm kSamApAlAlIbhirmahitacaraNAnAM caraNinAM tapogacchAkAze dazazatakarANAM ca vimale / mudA vandaM vandaM sugurucaraNAnAM sucaraNau zizurlAvaNyAravyo bahurasadato vijJapayati // 3 // // 4 // 11411
Page #2
--------------------------------------------------------------------------
________________ 75 ayi gurucaraNA bhagavantaH ? puruSottamAnAM sudarzanadharANAm, lokabAndhavAnAM sadAtapodayAJcitAnAm, kalyANakSamAdharANAM sadAnandanodyAnabhuvAm, pAkSikadhiyA'nAliGgitAnta - rANAmapi vijJAnabandhurANAm, sadApadyAlApahAro llasitAntarANAm, (1) puruSeSu uttamAnAm / pakSe kRSNAnAmiva, luptopamA, bahuvacanaM gaurava pradarzanArtham, evamanyatrApi vijJeyam / (2) samyagdarzanaM zobhanaM, vijayadarzanasUriM, zobhanAni darzanazAstrANi vA vibhratAm / kRSNapakSe sudarzanaM cakravizeSa kSAyikasamyaktvaM vA bibhratAm / (3) niSkAraNajagadvandhUnAm / pakSe *sUryANAmiva / (4) sadA tapasA dayayA ca sahitAnAm / yadvA sadA atapena zAntena udayena vijayodayasUriNA aJcitAnAM pUjitAnAm / sUryapakSe satA vidyamAnena uttamena Atapasya AtapanAmakarmaNa udayenAJcitAnAM sahitAnAm / / (5) kalyANaM kSamA ca dadhAnAnAm / yadvA kalyANamayA ye kSamAdharAH sAdhavastAn dadhAnAnAm / pakSe suvarNaparvatAnAmiva merUNAmivetyarthaH / (6) satAM Anandanasya-Anandasya yad udyAnam-Urdhvagamanam unnatiriti yAvat, taddhavAM tatkAraNAnAmityarthaH, yadvA sadA nandanasya vijayanandanasUreH udyAnabhuvAm unnatikAraNAnAm / merupakSe sadA nandanakAnanAspadAnAm / (7) pakSijJAnena, virodhaparihAre tu pakSapAtadhiyA ekAntavAdadhiyA vA / (8) pakSijJAnabandhurANAm, virodhaparihAre tu viziSTajJAnabandhurANAM vijayavijJA. nasUribandhurANAM ceti / (9) satAM yA ApadmAlA ApatpaGktistasyA apahAre ullasitaM hRdayaM yeSAM teSAM tathA, yadvA sadA padmasya vijayapadmasUreH AlApahAraiH sundararacanAracitageyaiH ullasitaM hRdayaM yeSAM teSAM tathA / padAntasthasya tRtIyasya paJcame pare vikalpena paJcamo bhavatIti datvamevAtrAdRtam / sUryazabdena cAtra lokaprasiddhyA AdhArAdheyayorabhedopacAreNa vA pArthivamaNimayaM tadvimAnaM vivakSitam /
Page #3
--------------------------------------------------------------------------
________________ 76 'vibudhAdhipAnAmamRtarasikAnAM lAvaNyalIlAlayAnAM gIrvANagirA geyaguNagaNAnAm, mahAvanabhuvAM kAstUrAmodadAnadakSANAm, vibhaktighaTitAnAM sAdhupadAnAm, zvetAmbaramaNInAM bhavyakamalavibodhakAnAm, bhavyamAnasahitAnAm, prabhAvadhanarAjitAnAm, jItabandhurANAm , prasannavadanasomasundarANAm, 23 (10) paNDitezvarANAm / pakSe indrANAmiva / (11) mokSarasikAnAm / yadvA amRto vijayAmRtasUriH rasika: zubhAbhilASacArI yeSAM teSAM tathA / indrapakSe sudhArasikAnAm / (12) lAvaNyasya saundaryasya lIlAlayAnAM keliniketanAnAm, saundaryai kAzrayANAmityarthaH, indrapakSe'pi ayamevArthaH, yadvA lAvaNyasya vijayalAvaNyasUreH lIlAyA vidyAvinodAdirUpAyA AlayAnAmAdhArANAm / (13) indrapakSe surANAM vacasA, anyatra saMskRtabhASayA pra. gIrvANavijayavANyA c| (14) mahato'vanasya rakSaNasya, yadvA mahAnAM sadutsavAnAM avanasya rakSaNasya ca bhuvAM bhUmikAnAM kAraNAnAmityarthaH, pakSe vizAlavanabhUmikAnAmiva / (15) kAstUrasya pra.kastUravijayasambandhina Amodasya harSasya, vanapakSe kAstUrasya kastUrikAsambandhina Amodasya sugandhasya, dAne kSamANAm, vanapakSe mRgavizeSaghaTitatvaM hetuH / (16) sAdhu padaM yeSAM teSAM tathA, pakSe vyAkaraNaprasiddhazuddhapadAnAmiva / (17) viziSTabhaktiguNasahitAnAm / viziSTena bhaktivijayena sahitAnAm / padapakSe styAdirUpavibhaktisahitAnAm / (18) zvetAmbarasampradAye sarvottamAnAm / pakSe vizadagaganaprakAzakAnAM ravINAmiva / (19) bhavyaprANirUpakamalebhyo viziSTabodhadAyakAnAm, yadvA bhavyo yaH kamalavijayastasya vibodhakAnAm / ravipakSe bhavyAni yAni kamalAni tadvikAsakAnAm / (20) bhavyajanamanohitakArakANAm, yadvA yogyamAnavijayasahitAnAm / (21) prakRSTabhAvadhanena prabhAvarUpadhanena prakRSTabhAvena dhanavijayena ca zobhitAnAm / (22) jItAkhyavyavahAravizeSeNa jItavijayena ca bandhurANAm / (23) prasannatAyuktamukharUpacandreNa prasannamukhena somavijayena ca manoharANAm /
Page #4
--------------------------------------------------------------------------
________________ 77 27 25 28 sumitrAnandanAnAmapi azatrughnAnAm , kSamAkAzAnAM prazasyavallabhakalitAnAm, prajJAprakarSatoSitavAcaspati-tilakAnAm, sA~dhuhaMsAnAM sumauktikaphalacaJcUnAmabhirAmasanmAnasampadaM gatAnAm , jayantaM merucitaM sadAcAradakSaM (24) sumitravijayasya AnandasAdhanAnAm , pakSe sumitrAyA dazarathabhAryAyA nandanAnAM putrANAmapi / (25) zatrughnanAmaka-sumitrAbhava-dazarathasutabhinnAnAm / virodhaparihAre zatruvadhapravRttavyatiriktAnAm / (26) kSamayA kSamAguNena kAzante prakAzanta ityaci kSamAkAzAsteSAM tathA, pakSe kSamA-pRthvI AkAzaMgaganaM tayoriva / (27) prazaMsanIyavallabhavijayasahitAnAm / pRthvIgaganapakSe prakRSTairmahAparimANaiH zasyaiH zasayoraikyAt sasyairdhAnyarUpai vallabhaiMrnakSatraiH krameNa sahitAnAm / (28) prajJAprakarSeNa toSitA vAcaspatitilakAH prAjJaziromaNayo yaiH, yadvA toSitau tilakavijayavAcaspativijayau yaisteSAM; tathA vicakSaNatvenAya'tvavivakSayA vAcaspatizabdasya prAgnipAtaH / (29) sAdhuha~sa AtmA yeSAM teSAM tathA, yadvA sAdhuSu haMsA iva sAdhuhaMsA uttamasAdhava ityarthaH, teSAM tathA, pakSe rAjahaMsAnAmiva / (30) zobhanAni yAni mauktikaphalAni mokSaphalAni taiH, yadvA zobhano yo mauktiko mauktikara moti )vijayastasya phalaiH satprayojanaiH viditAnAm / vidyAcaJcavadatra caJcapratyayaH, rAjahaMsapakSe zobhanAni mauktikaphalAni muktAphalAni yatra tathAvidhAzcaJcavo yeSAM teSAM tathA / (31) abhirAmA manoharA yA sanmAnasampad sAkSarakRtabahumAnavibhUtiH, tAM tathA, yadvA abhiyukto yo rAmo rAmavijayastena sahito yaH sanmAno bahumAnayuktaH sampad sampadvijayastaM tathA, rAjahaMsapakSe abhirAmaM manoharaM sat uttamaM mAnasaM devasarovararUpaM padaM sthAnaM gatAnAM prAptAnAm / (32) jayaM vijayaM taM jagatprasiddhaM yadvA jayantavijayam / (33) me rucitamabhipretaM, meruvannicitaM meruvijayasahitaM ca / (34) sadAcAre pracAre dakSaM nipuNaM sadAcArayuktaM dakSavijayaM ca dadhAnAnAm /
Page #5
--------------------------------------------------------------------------
________________ dadhAnAnAm 38 40 sadAyazobhadaGgANAM sudaivadhAmnAm, hRdayaGgamAM saccidAnandakanakamAlAmAdadhAnAnAm, suzIlajayapuNyadhurandharavimalavidyAmokSanandapriyamahodayaguNasAdhujanAse vitapAdapaGkeruhANAm, } 35 78 36 39 himAMzukalAnAM zivavizuddhAnandapremakumudavibodhanakRtAm (35) Ayazca zobhA ca Ayazobham / sataH pradhAnasya Ayazobhasya daGgANAM pattanAnAmAdhArANA - mityarthaH, yadvA sadA yazAMsi ca bhadrANi ca yazobhadram, yadvA yazobhadraM yazobhadravijayaM gatAnAm / pakSe sad AyazobhaM yatra tAdRzAnAM daGgANAM pattanAnAmiva / (36) zobhanaM daivaM bhAgyaM dhAma tejo yeSAM teSAM tathA, yadvA zobhanAnAM devAnAM devavijayasambandhinAM dhAmnAmAspadAnAm, nagarapakSe zobhanAni daivadhAmAni nRpasatkamandirANi devatAsatkamandirANi vA yatra tAdRzAnAm / (37) hRdayadezagatAM manoharAM vA / (38) san yazcidAnando jJAnAnandaH sa eva kanakamAlA suvarNamayo hAraH tAM tathA, yadvA padaikadeze padasamudAyopacArAt santa uttamA ye cidAnandavijayAnandavijaya- kanakavijayAsteSAM mAlAM paGkti samUhamiti yAvat / (39) zobhanena zIlena jayena puNyena ca dhurandharAH suzIlanayapuNyadhurandharAH, vimalo vidyAyA mokSasya ca ya AnandaH sa priyo yeSAM te vimalavidyAmokSAnandapriyAH, mahodayA guNA yeSAM te mahodayaguNAH evaMvidhA ye sAdhujanA uttamajanAstaiH, yadvA suzIlavijayena jayAnandavijayena puNyavijayena dhurandharavijayena vimalAnandavijayena vidyAnandavijayena mokSAnandavijayena priyaGkaravijayena mahodayavijayena guNacandravijayena ca munijanena, Asevite pAdapaGkeruhe yeSAM teSAM tathA / (40) himAMzuzcandrastadvat kalAnAM manojJAnAm, yadvA himAMzunA himAMzuvijayena kalAnAM manojJAnAm, pakSe himAMzozcandrasya yAH kalAstAsAmiva / (41) zivasya mokSasya vizuddho ya AnandaH tatra yat prema tadeva kumudaM candravikAsi kamalaM tasya vibodhanakRtAM vikAsakAnAm, yadvA zivAnandavijaya- vizuddhAnandavijaya- premavijaya kumudavijayebhyo viziSTabodhadAyakAnAm / candrakalApakSe zivasya mahAdevasya vizuddho ya AnandaH prema ca te eva kumude tayoH vibodhanakRtAM vikAsakAnAm / 37 2
Page #6
--------------------------------------------------------------------------
________________ 79 niraJjanazubharatnaprabhodyotalakSmIvidyAparamaprabhAdhikasvayamprabhollAsinAm , sukhAspadAnAM sUryAdikalAdharasumaGgalabudhejyakavimatallikAmandacaraNagrahasAdhusevitAnAm / cetanacintAmaNInAM mAnavakAmagavInAM jaGgamakalpatarUNAM tatra bhavatAM zubhavatAM bhavatAmakampAnukampAsampAtato vayaM paJcApi kushlinH| nAnAcaraNapacaraNabahulatA'pAkRtasaMtApAtaH sannidhAnodyAnAvanita: prasthito'pi bhavadIyabAhucchAyAparigRhItatayA nAnAvidhAzcaryanidhAnAni medinIdalAni vilokya tatra tatra jinendrapAdAMzca praNamya sukhenAtrAgatavAn / 45 (42) niraJjanaM kalaGkarahitaM zubhaM yad ratnaM tasya yaH prabhodyotaH kiraNaprakAzastasya sakAzAta, evaM lakSmIvidyAyA dravyopArjanakalAyA yA paramaprabhA paramavikAsastasyAH sakAzAt adhikA yA svayaMprabhA Atmanaiva na tu bAhyabhAvena prakAzanIyA prabhA tadullAsinAm , yadvA niraJjanavijayasya zubhaMkaravijayasya ratnaprabhavijayasya udyotavijayasya lakSmIprabhavijayasya vidyAprabhavijayasya paramaprabhavijayAdhikasya svayamprabhavijayasya ca ullAsinAM harSadAyakAnAm / (43) sukhAnAM duHkha-pratikUlAnAm AspadAnAm pakSe zobhanaM khaM gaganaM tadrUpAspadAnAmiva / (44) sUraya Adayo yeSAM pakSe sUrya Adi ryeSAM te sUryAdayaH; kalAdharA vijJAnavizeSakuzalAH, pakSe kalAdharazcandraH; zobhanAni maGgalAni yairyeSAM vA, pakSe zobhano maGgalo bhaumo yatra te sumaGgalAH; budhairijyAH pUjyAH, pakSe budhagurU; kavimatallikA uttamakavayaH, pakSe uttamazukraH; amando'mandasya vA caraNasya cAritrasya graho grahaNaM yeSAM te amandacaraNagrahAH, evaMvidhA ye sAdhavo munijanAstaiH sevitAnAm, pakSe mandacaraNaH zanaizcaraH; grahA uktasvarUpA nava kheTAstaiH sAdhu samyak sevitAnAm / (45) nAnAvidhA ye caraNapA munivarAsteSAM caraNasya cAritrasya yA bahulatA adhikatA tayA apAkRtaH santApo yatra tataH, pakSe nAnAvidhA ye caraNapA vRkSAsteSAM caraNaiH zAkhAbhiH bahulatAbhiranalpavallIbhiH apAkRtaH santApo yayA tataH /
Page #7
--------------------------------------------------------------------------
________________ 80 kiJca caturmAsIkRte stambhanapura-chAyApurI-bhRgukacchanikaTagrAmagrAmINagrAmanivivatsitajhagaDiyAprabhRtInAM zramaNopAsakA atIvAbhyarthanAM kRtavantaH, stambhananagaranivAsinaH punaH punarAyAnti, asmin viSaye zrImatAM zrImatI AjJaiva pramANam / saparivArANAM pUjyAnAM zrImatAM vijayanandanasUrikuJjarANAM ca tanulatAkuzalodantamabhilaSAmi / kiGkarAha~ kimapi kArya kRpayA''dezyam / zikSAvacanasudhAsAraiH siJcanIyo'yaM janaH / analanidhinidhIndujJApite vikramAbde madhubahulanavamyAM maGgale'lekhi lekhaH / bahurasadarasAto lAdinA kiGkareNa prativacanapratIkSAdattacittena maGkSa // 1 // vacanaviracane'smin gadyapadyAnuyAte vinayapathamatItaM bAlalIlAnuviddham / sakavikathitadoSaM zleSalezAnusAre kimapi ca kaThinaM vA kSamyametat kSamezaiH // 2 //