________________
૨૮
ગભરાયા વિના પ્રજ્ઞાએ પિતાને અને
ડૉક્ટરને ટેલિફોન કર્યો
*Pl? 0-0-0-0-0-0-0-0-0-0
આંચકી એટલી જોરદાર હતી કે અગિયાર માણસોએ તો દમયંતીબહેનને પકડી રાખ્યાં હતાં. એક વાર તો નીચે ઢળી પડ્યાં ત્યારે એમના ખભાનું હાડકું પણ તૂટી ગયું.
એમની બગડતી હાલત જોઈને ડૉક્ટરે તરત જ નર્સિંગ હોમમાં લઈ જવાનું કહ્યું. ફરી આંચકી આવતાં સ્થિતિ વધુ બગડી. દમયંતીબહેનને દિલ્હીની ઓલ ઇન્ડિયા મેડિકલ ઇન્સ્ટિટ્યૂટમાં ખસેડવામાં આવ્યાં. પંદર-પંદર ડૉક્ટરો એકસાથે સારવાર આપવા લાગ્યા. એમની નાડી ચાલતી ન હતી. લોહીનું દબાણ પણ ન હતું. યાંત્રિક સાધનોથી એમના હૃદયને ધબકતું રાખવામાં આવ્યું. બોંતેર કલાક સુધી દમયંતીબહેન મૃત્યુ સામે ઝઝૂમતાં રહ્યાં. પિસ્તાળીસ દિવસ સુધી સારવાર લેવી પડી. આખરે મોતના મુખમાંથી પાછાં આવ્યાં. ધીરે-ધીરે તેઓ સાજાં થયાં.
ડૉક્ટરે અંતે જણાવ્યું કે દમયંતીબહેનને પહેલીવારમાં આંચકી આવી ત્યારે તરત જ ડૉક્ટરને બોલાવવામાં આવ્યા ન હોત તો એ બચી શક્યાં ન હોત.
કપરે વખતે આઠ વર્ષની પ્રજ્ઞાએ ગભરાવાને બદલે હિંમતભેર કામ લીધું. મનને મક્કમ રાખીને ડૉક્ટરને તેમ જ પિતાને તરત બોલાવ્યા.
જનનીને નવજીવન આપ્યું !
=0==
