________________
૨૦૮
સૂત્ર સંવેદના
કે, હવે મારા માટે આ ભાવમાં રહી શકાય તેવું નથી, ત્યારે ગુરુ પાસે જઈને સામાયિકને પારવાની અનુજ્ઞા માંગે છે.
શ્રાવક સમજે કે, ગુણસંપન્ન ગુરુભગવંતો કલ્યાણકારી આ ક્રિયાને છોડવાની અનુમતિ તો ક્યારેય આપે નહિ. તો પણ તેમના પ્રત્યેની ભક્તિથી તેમની પાસે સામાયિક પારવાની યાચના કરતાં કહે છે. “ઇચ્છાકારેણ સંસિહ ભગવન્!સામાયિક પારું?” એટલે કે, ઇચ્છાથી હે ભગવંત!આજ્ઞા આપો કે, હું સામાયિક પારું?
આ આદેશ સાંભળી ગુરુ પણ તેના ભાવની વૃદ્ધિ માટે કહે, “પૂળો વિ વર્લ્ડ' “આ સામાયિક ફરીથી પણ કરવા જેવું છે.
ગુરુના આ શબ્દ સાંભળી હર્ષાન્વિત થયેલો શ્રાવક સ્વ-શક્તિનો વિચાર કરે છે. શક્તિ નહિ દેખાતા ગુરુને કહે, “યથાશક્તિ' આપ કહો છો તેવું સામાયિક મને પણ કરવું ખૂબ ગમે છે. પરંતુ અત્યારે મારા સંયોગો નથી, મારું સામર્થ્ય નથી, પરંતુ શક્તિ અને સંયોગ પ્રમાણે ફરીથી જરૂર યત્ન કરીશ.
ફરી અનુજ્ઞા માંગતાં કહે છે કે, “ઇચ્છાકારેણ સંદિસહ ભગવન્! સામાયિક પાર્યું. એટલે કે, ઇચ્છાથી હે ભગવંત ! હવે સામાયિક પારું છું. આ શબ્દો દ્વારા ગુરુ સમજી જાય કે, હવે તે હમણાં સામાયિક કરી શકે તેમ નથી અને ગુરુ સાવદ્ય કાર્યની અનુમતિ આપી શકે નહિ. માટે તું સામાયિક ભલે પાર. તેમ ન કહેતા કહે છે, “ગાયારો ન મોડ્યો' તારા સંયોગ નથી, તેને કારણે તારે અત્યારે તો પારવું પડે છે, પરંતુ આ સામાયિકનો આચાર મૂકવા યોગ્ય નથી. ગુરુના વચન સાંભળીને શિષ્ય તેનો સ્વીકાર કરતાં કહે છે કે, “તત્તિ' અર્થાતુ આપ કહો છો તે પ્રકારે જ છે, એટલે કે સામાયિકનો આચાર મૂકવા જેવો નથી.
ત્યાર પછી સામાયિક પારવા માટે મંગલાર્થક નવકારમંત્રનો પાઠ બોલીને ત્યારપછી સામાયિકના મહત્ત્વને બતાવનાર “સામાઈય વયજુત્તો' સૂત્ર બોલે છે. આ સૂત્ર બોલવા દ્વારા પુનઃ પુનઃ સામાયિક કરવાની ભાવના સાથે સામાયિકમાં થયેલી અવિધિ-આશાતના અને ૩ર દોષમાંનો કોઈ પણ દોષ લાગ્યો હોય, તેનું મિચ્છા મિ દુક્કડ દઈને સામાયિક વ્રતને પૂર્ણ કરે છે. યોગ્ય રીતે સામાયિક વ્રતને પૂર્ણ કરવું, તેનું નામ જ સામાયિક પારવવું છે. ૪. સ્થાપનાચાર્યની સ્થાપના કરી હોય તો ત્યારપછી જમણો હાથ સવળો
રાખી એક નવકાર ગણી સ્થાપનાજી ઉત્થાપી લેવા. '
