Stotrabhanu

Author(s): Nandanvijay
Publisher: Jain Granth Prakashak Sabha

Page 39

(३७) नैसर्गधैर्यविजितामरशैलवर्य स्फारप्रभासमतमीकृतचन्द्रकान्तम् ।। संस्मारकं च शिवतिथ्युडुवल्लभस्य विस्मापकं तव विभाति गुरो ललाटम् ॥१३॥ नाथोज्ज्वलाधिगतिपूततरावनीक सत्यं मितं च सुहितं सुवचोरसं ते ॥ पीत्वामृतं खलु सुदुर्लभपानमाशु धीजीवनस्नपितभव्यजनास्त्यजन्ति ॥१४॥ नाथ प्रधीः कुमतिपर्वतभेदिकायास्त्वद्देशनारवमृगेश्वरगर्जनायाः॥ अज्ञानवादमदमत्तमहाकुतीर्थमातङ्गकास्तु सहसा सकला विनष्टाः ॥१५॥ गम्भीरतारसभृता तव देशनागीमेघावलीध्वनिरिवाहिभुजः सुभव्यान् ॥ सम्यक् प्रमोदयति सारविचारवारा प्रौढाशयप्रकटपुण्यगुणप्रकाश ॥१६॥ संसारकूपपतनार्त्ततरां विमुग्धां रक्षन्ननन्यगतिकां जनतां मुनीश ॥ भारण्डपक्षिवदिलावलये प्रमत्तः स्वामिन्सदा विचरसि प्रहतस्पृहारे ॥१७॥