Stotra Chintamanistatha Prakrit Stotra Prakash

Author(s): Vijaypadmasuri
Publisher: Jain Granth Prakashak Sabha

Page 7

लिहिज्जइ पत्थावणा तत्ताणस्संदधारगेहिं लेहगेहि त जाणित्ता कुसला गंथवायगा गथसंखित्तरहस्समणहिएणं कालेणं जाणिउं पुव्वं वाएंति गंथपत्थावणंति ॥ एयपि य ण विस्सरणीयं, जउय, पत्थावणाविहीणो गंथो न संपुण्णोत्ति ॥ अओ सुण्णेयमिणं, जउय पत्तेयग्गंथाईए जुत्तिजुत्ता चेव पत्थावणत्ति । अणेण नियमेणमिमस्सवि गंथजुयलस्स विसए (१) पढमस्स "थुत्तचिंतामणि" त्ति बीयस्स य “पाईयथुत्तप्पयास" त्ति णाम केणाभिप्पारणं ठवियं गंथयारेणंति ? (२) दोसुवि ग्गंथेसु पत्तयं किमभिधेयं वट्टए ? (३) तत्थ तत्थ वंतरग्गंथावि के के वटुंति ? (४) किं पयोअणं पत्तेयग्गंथस्स (५) गंथरयणा कम्मि वरिसे मासतिहिसंजुत्ते कम्मि य नयरे के निमित्तमालंबिऊणं कीए सेलीए विहिया ? इच्चाइबोहणष्ठं नाणुवओगिणी पत्थावणत्ति विभाविऊणमेयमुवक्किमिज्जए ॥ अणाइकालीणचउविहसंसारब्भामगमोहणीयब्भासा अरहट्टघडियण्णाएण भवम्मि संसरणसीलाणं भवियजीवाणं सेयटुं परमकिवालु भवसायरनिज्जामगमहामाहणतिउडी विसुद्धकरुणासंजमतवाइमयधम्मप्पयासगपहुसिरितित्थयरेहिं समुवएसिएसु पसत्थालंबणेसुं भत्तिमग्गालंवर्णपि पहाणभावेणमुवइठ्ठति नाणुइयं, जओ, भत्तिगुणप्पमुइया भव्वा ण भमंति तिरिगइपमुहा विविहदुहाणुभवनिबंधणा दुग्गई, तहा णाणाइगुणेहिंतोऽवि भत्ती निप्पडिवाया पण्णत्ता देवयाहिट्ठियबीयबुद्धिलद्धिसिद्धिनिहाणचउणाणिगणहरगुंफियपवयणेत्ति॥जओ माणाइहेउकलावपरिहीयमाणनाणगुणासुमंताणं पसत्थनाणफलमणुण्णविरइफलासायणभयणा जहा दीसइ, न तहा भत्तिमंता सोग्गइसफलं न लहंतित्ति ॥ अविय, लोइयसत्थेसुवि तिण्णि नेत्ताइ वुत्ताइ, तं जहा-(१) चम्मनेत्तं. (२) नाणनेतं. (३) दिव्वचक्ति ॥ तत्थ दिव्वचक्टुं कस्स होज्जा ? अत्युत्तरम्मि पडिवाइयं, जं--