Shrutsagar Ank 2013 11 034

Author(s): Mukeshbhai N Shah and Others
Publisher: Acharya Kailassagarsuri Gyanmandir Koba

Page 7

ગુરુવાણી
વિષય : સાધના
ક ઇચ્છાને રોકવી તે જ સંયમ છે. ઇચ્છાને અધીન ન થવું તે જ તપ છે. છે જે સમ્યગ્દર્શનના ભાવથી જીવન સમસ્તનો અનુભવ કરે છે તે આગળ વધે
છે, તથા આરાધના અને ચિંતન સિદ્ધ બની જાય છે. પરંતુ અહંથી કરેલી આરાધના કદી પૂર્ણ થતી નથી. “હું” ની દીવાલ તોડી આરાધના કરવાથી જીવન-જયોત ઝળહળી ઊઠશે. આરાધના કરવાની વિધિ બરાબર નહીં હોય તો જીવનજયોત સળગીને રાખ થઈ જશે. જ આત્મા અને શરીરનો, પદાર્થ અને પર્યાયનો ભેદ ન પામો ત્યાં સુધી
સાધના સિદ્ધ થતી નથી. આત્મા શરીરથી ભિન્ન સમજાય ત્યારે જ સાધના સિદ્ધ થાય છે. છે બીજાઓને જીતે છે તે વીર છે, પણ પોતના વિકારોને જે જીતે છે તે તો મહાવીર છે. ખેડૂત જ્યારે ખેતી કરે છે ત્યારે પ્રથમ ખેતરને સાફ કરે છે, જમીનને પોચી બનાવી અનાજ વાવે છે ને તેનું રક્ષણ કરે છે. આમ ઘણી મહેનત કર્યા પછી જ લાભ મળે છે. એવી જ રીતે આત્માની સાધના પણ ખેતી છે. આત્મામાં ધર્મનાં બી વાવવા માટે વિષય-કષાયોની ગંદકી પ્રથમ શુદ્ધ વિચારોથી સાફ કરો, પછી તપ-જપ જે કરશો તેની મહેનત સુંદર ફળશે. દુષ્કૃત્યોનો ત્યાગ કરવાથી જ જીવનનાં પાપો દૂર થાય છે. આપણે તો છેક સમ્યગ્ દર્શનની ભૂમિકા સુધી પહોંચવાનું છે, ચૌદ રાજલોક સુધી પહોંચવાનું છે. જેટલું ઊંચું મકાન બાંધવાનું હોય તેના પ્રમાણમાં પાયો ખોદાય છે. જેટલી ઊંચાઈએ જવાનું છે તેના પ્રમાણમાં આરાધના કરવાની છે. સંસારમાં રાગનું પોષણ કેટલું બધું થાય છે? ને તેથી આરાધનામાં પ્રસાદ થાય છે; “કાલે કરીશું, પરમ દિવસે કરીશું' એમ કરીએ છીએ. પરંતુ જેમ અર્ધી રાતે આગ લાગે તે માણસ ઊંઘને છોડી ઊભો થઈ જાય છે તેમ જીવનમાં આગ લાગે ત્યારે માણસે પ્રમાદ છોડી ઊભા થઈ જવું.