Shrutsagar Ank 2013 11 034

Author(s): Mukeshbhai N Shah and Others
Publisher: Acharya Kailassagarsuri Gyanmandir Koba

Page 8

श्रुतसागर-३४ સમ્યગ દર્શન કે સમ્યગું જ્ઞાન કે સમ્યગુ ચારિત્ર દ્વારા જ સાચી સાધના સંભવી શકે. કે લક્ષ્મણરૂપી વિવેક જ્યારે રાવણરૂપી લોભનો નાશ કરશે, ત્યારે રામરૂપી આત્માને સીતારૂપી સમતા મળશે અને વિરહનું દુઃખ દૂર થશે. રામાયણ એટલે બીજા શબ્દોમાં કહીએ તો રાવણરૂપી લોભે, સીતારૂપી સમતાનું હરણ કરી લીધું છે. આથી રામરૂપી આત્મા સીતારૂપી સમતાના વિરહમાં દુઃખી દુઃખી થઈ રહ્યો છે. અંતરાત્મામાં રામનું રાજય ચાલ્યું ગયું છે અને રાવણનું રાજય ચાલે છે. આથી જીવનમાં અંધાધૂંધી ચાલે છે. વિવેક એ લક્ષ્મણ છે, ધર્મ પ્રત્યેનો અનુરાગ એ હનુમાન છે, સમતા એ જ સીતા છે; ઇચ્છા, તૃષ્ણા અને અજ્ઞાન એ લંકા છે, જયારે લોભ એ રાવણ છે. આત્મદશામાં રમવું, રમણા કરવી, આનંદ કરવો, આત્મદશામાં મગ્ન રહેવું એ જ રામ છે, પણ સાધકોએ એ ન ભૂલવું જોઈએ કે જયાં રામ છે, ત્યાં રાવણ પણ છે. આનંદ એ આત્મસ્વરૂપ છે, પ્રેમ એ પ્રકાશમય છે, શાંતિ એ પૂર્ણતામય છે. જ્યાં હર્ષ-શોક નથી, જ્યાં સંકલ્પ-વિકલ્પ નથી, જ્યાં રાગ-દ્વેષ નથી ત્યાં જ આનંદ, પ્રેમ, શાંતિ હોય છે. સાચી શાંતિ પ્રાપ્ત કરવા માટે જ આરાધના હોય છે. * જાણકારી અનુસાર જો આચરણ કરવામાં આવે તો પૂર્ણતા પ્રાપ્ત થાય છે.
આ મનુષ્યભવ મળવો બહુ જ દુષ્કર છે અને આપણને પુણ્યથી મળ્યો છે. તે મનુષ્યભવ આત્માની પ્રાપ્તિ માટે મળ્યો છે. જો આ જન્મમાં આત્માની પ્રાપ્તિ ન કરી તો કીમતી જીવન નિષ્ફળ જશે. આ કીમતી જીવન નિષ્ફળ ન જાય માટે સુંદર આરાધના કરીને જીવનને સફળ બનાવવાનું છે. દુઃખોથી મુક્ત બનવા માટે લોકો અનેક પ્રકારનાં મંગળ કરે છે. પરંતુ સૌથી સાચું મંગળ તો ભગવાનના સ્મરણમાં, સાધુ-સંતોના સંગમાં, પવિત્ર મન રાખવામાં, ધર્મની આરાધના કરવામાં જ છે. ધર્મની આરાધના વિના પાપો નાશ થતાં નથી, તેમ જ દુઃખો પણ નાશ થતાં નથી. ખરેખર, તમે અમારું માનો તો અત્યારે તમારી શક્તિ છે, શરીર નિરોગી છે, સંજોગો સારા છે માટે ધર્મની આરાધના કરી લો. નહીંતર જ્યારે