________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
दुव्वाय-खुभिय-जल-निहि-उमड-कल्लोल-भीसणारावे; संभंत-भय-विसंतुल-निज्झामय-मुक्कवावारे. ४ अ-विदलिअ-जाण-वत्ता, खणेण पावंति इच्छिअं कूलं; पास जिण-चलण-जुअलं, निच्चं चिअ जे नमंति नरा. ५ खर-पवणुटुअ-वण-दव-जालावलि-मिलिय-सयल-दुम-गहणे; डझंत-मुद्ध-मय-वहु-भीसणरव-भीसणम्मि वणे. ६ जग-गुरुणो कम-जुअलं, निव्वाविअ-सयलति-हुअणाभोअं; जे संभरंति मणुआ, न कुणइ जलणो भयं तेसिं. ७ विलसंत-भोग-भीसण-फुरिया-ऽरुण नयण-तरल-जीहालं; उग्ग-भुअंगं नवजलय-सत्थहं भीसणाऽऽयारं. भन्नति कीड-सरिसं, दूर-परिच्छुढ-विसम-विसवेगा; तुह नामक्खर-फुङ-सिद्ध-मंत-गुरुआ नरा लोए. ९ अडवीसु भिल्ल-तक्कर, पुलिंद सर्कुलसद्द-भीमासु; भय-विहुर-वुन्न-कायर-उल्लूरिअ-पहिअ-सत्थासु. १० अ-विलुत्त-विहव-सारा, तुह नाह! पणाम-मत्तवावारा; ववगय-विग्घा सिग्धं, पत्ता हिय-इच्छियं ठाणं. ११ पज्जलिआनल-नयणं, दूर-वियारिय-मुहं महा-कायं; नह-कुलिस-घाय-विअलिअ-गइंद-कुंभत्थलाऽऽभोअं. १२
For Private And Personal Use Only
