Samarpan Dedication Badi Diksha of Sadhvi Sanghmitraji

Book Title: Samarpan Dedication Badi Diksha of Sadhvi Sanghmitraji
Author(s): JAINA Education Committee
Publisher: Veerayatan

View full book textPrevious | Next

Page 30
________________

जया चयइ संजोगं सब्भितरबाहिरं । तया मुंडे भवित्ताणं पव्वइए अणगारियं ।। १८ ।। जया मुंडे भवित्ताणं पव्वइए अणगारियं । तया संवरमुक्किट्ठ धम्मं फासे अणुत्तरं ।। १९ ।। जया संवरमुक्विटै धम्मं फासे अणुत्तरं । तया धुणइ कम्मरयं अबोहिकलुसं कडं ।। २० ।। जया धुणइ कम्मरयं अबोहिकलुसं कडं । तया सव्वत्तगं नाणं दंसणं चाभिगच्छई ।। २१ ।। जया सव्वत्तगं नामं दंसणं चाभिगच्छई। तया लोगमलोगं च जिणो जाणइ केवली ।। २२ ।। जया लोगमलोगं च जिणो जाणइ केवली। तया जोग निलंभित्ता सेलेसि पडिवज्जई ।। २३ ।। जया जोगे निलंभित्ता सेलेसिं पडिवज्जई। तया कम्मं खवित्ताणं सिद्धइं गच्छइ नीरओ ।। २४ ।। जया कम्मं खवित्तामं सिद्धइं गच्छइ नीरओ। तया लोगमत्थयत्थो सिद्धो हवइ सासओ ।। २५ ।। सुहसायगस्स समणस्स सायाउलगस्स निगामसाइस्स। उच्छोलणापहोइस्स दुलहा सुग्गइ तारिसगस्स ।। २६ ।। तवोगुणपहाणस्स उज्जुमइ खंतिसंजमरयस्स। परीसहे जिणंतस्स सुलहा सुग्गइ तारिसगस्स ।। २७ ।। पच्छावि ते पयाया खिप्पं गच्छन्ति अमरभवणाई। जेसिं पिओ तवो संजमो य खन्ती य बम्भचेरं च ।। २८ ।। इच्चेयं छज्जीवणियं सम्मद्दिट्ठी सया जए। दुलहं लभित्तु सामण्णं कम्मुणा न विराहेज्जासि ।। २९ ।।
-त्ति बेमि ।।
SAMARPAN- DEDICATION
29


Page Navigation
1 ... 28 29 30 31 32 33 34 35 36 37 38 39 40 41 42 43 44 45 46 47 48 49 50