Book Title: Punit Maharaj Santvani 25 Author(s): Jaykrishna N Trivedi Publisher: Navjivan Prakashan Mandir AhmedabadPage 25
________________ ૧૮ શ્રી પુનિત મહારાજ પુસ્તક છપાવવાને બદલે ભજન શ્રોતાઓ સમક્ષ ગાવાનું નક્કી કર્યું. મામુનાયકની પોળમાં રહેતા કેશવલાલ દૂધિયા જોડે બાલકૃષ્ણને મિત્રતા થઈ હતી. ભજનનું ગુંજન કરતા બાલુભાઈને જોઈને કેશવલાલને નવાઈ લાગી. તેમના પરિવર્તનની વાત જાણીને કેશુભાઈને આનંદ થયો, અને છોટાલાલ ભગતના ભજનમાં આવવાનું તેમણે બાલકૃષ્ણને નિમંત્રણ આપ્યું. ભજનનો રંગ છોટાલાલ સુરતીના ભજનમાં બાલકૃષ્ણ અડધો કલાક વહેલો ગયો. બાલ્યાવસ્થામાં પડેલા સુસંસ્કારો ફરીથી જાગ્રત થયા. વચમાં થોડા વર્ષ ભજન, ભક્તિ અને ભગવાન એ ત્રણેને બાલકૃષ્ણ ભૂલી ગયો હતો. ભક્તિનું જગત ભુલાઈ ગયું હતું. ભજન અને ભક્ત પ્રત્યે નફરત પેદા થઈ હતી, પરંતુ હવે પૂર્વગ્રહ દૂર થયો હતો. તેને હવે છોટાલાલ ભગતના ભજનમાં આનંદ આવવા લાગ્યો. ભગતની છટાથી તે આકર્ષાયો. જાહેર ભજન કરવાની તાલીમ બાલકૃષ્ણને પ્રાપ્ત થઈ. જ્યાં જ્યાં છોટાલાલનાં ભજનો થતાં ત્યાં ત્યાં તે અચૂક પહોંચી જતો. ભજનમંડળ સ્થાપ્યું દુકાન બંધ કરી તેની ચાવી અને ચોપડા તૈયબ એન્ડ કંપનીના ભાગીદાર શ્રી મફતલાલ મોહનલાલ શાહને ત્યાં પહોંચાડવાની જવાબદારી બાલકૃષ્ણની હતી. ભાગીદાર શાહપુર માળીવાડાની પોળમાં રહેતા હતા. એક વાર આ રીતે બાલકૃષ્ણ ચોપડા અને ચાવી પહોંચાડવા ત્યાં ગયો, ત્યારે ભજનની તૈયારી થતી જોઈ. સીતારામ મહારાજના ભજનનો કાર્યક્રમ હતો. રાત્રે સાડા આઠેPage Navigation
1 ... 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62