________________
૪૦
શ્રી પુનિત મહારાજ
થઈ. ઉપર દેરી બનાવી અને રામપાદુકા પધરાવી. નેત્રયજ્ઞનું આયોજન
૧૯૫૦માં સેવાભાવી ડૉક્ટરોના સાથસહકારથી મહારાજે નેત્રયજ્ઞનું આયોજન કર્યું. ૫૦૦ ઑપરેશન સફળતાપૂર્વક થયાં. દરેક દર્દીને મફત ગૉગલ્સ અને નંબરવાળાં ચશ્માં આપવાની મહારાજે વ્યવસ્થા કરી. ડૉક્ટરો પોતાના દવાખાનામાં ઑપરેશન કરે ત્યારે બેચાર ફેલ જાય પરંતુ આ નિષ્કામ સેવાયજ્ઞમાં એક પણ ઑપરેશન નિષ્ફળ ગયું નહીં. સેવાનો પ્રતાપ ! નિઃસ્પૃહી સંત
૧૯૫૬માં ધર્મપ્રચારાર્થે મહારાજ પૂર્વ આફ્રિકામાં ગયા. જ્યાં સનાતન ધર્મનો પ્રચાર તેમણે કર્યો. માત્ર આવવા-જવાના ગાડીભાડા સિવાય એકત્ર થયેલા લગભગ ત્રણ લાખ રૂપિયા ત્યાંના સેવાકાર્ય માટે આપી દીધા. બધા આશ્ચર્યમાં ગરકાવ થઈ ગયા. ધર્મપ્રચાર માટે તો ઘણા આવી ગયા, પણ આવો નિ:સ્પૃહી સંત તો આજે જોયો એમ દરેકને લાગ્યું.
વાનપ્રસ્થ જીવન
વિદેશથી પાછા ફરી મહારાજ નિવૃત્તિ તરફ ઢળ્યા. એકાંતમાં પ્રભુસ્મરણ કરવાની ઇચ્છા થઈ. નર્મદામૈયાને તટે બેસવું એવો વિચાર થયો. મોટી કોરલ(જિ. વડોદરા)માં પંચકુબેરેશ્વર મહાદેવનું સ્થળ યોગ્ય લાગ્યું, ત્યાં વાનપ્રસ્થાશ્રમ બાંધી ત્રણ વર્ષ રહેવું એમ નક્કી થયું. જાહેરાત થઈ. પચાસ વાનપ્રસ્થીઓ કુટિર બાંધી રહેવા તૈયાર થયા. મહારાજ ત્રણ વર્ષ માટે આવે છે તે જાણી ગામલોકોને બહુ આનંદ થયો અને શ્રમકાર્ય દ્વારા નડતા તલાવડાને પૂરી દીધું.
