Pratham Karmagranth Karmavipak

Author(s): Harshagunashreeji
Publisher: Omkar Sahitya Nidhi

Page 331

अडवीसजुआ तिनवई, संते वा पनरबंधणे तिसयं । बंधण-संघायगहो, तणूसु सामन्नवन्नचउ ॥३१॥ इअ सत्तट्ठी बंधोदए अ, न य सम्ममीसया बंधे । बंधुदए सत्ताए, वीस-दुवीस? वण्णसयं ॥३२॥ निरय-तिरि-नर-सुरगई, इग-बिअ-तिअ-चउ-पणिंदि-जाईओ।
ओराल-विउव्वाऽऽहारग, तेअ-कम्मण पण-सरीरा ॥३३ ॥ बाहूरु-पिट्ठि-सिर-उर, उयरंग-उवंग-अंगुली-पमुहा । सेसा अंगोवंगा, पढमतणुतिगस्सुवंगाणि ॥३४॥ उरलाइ-पुग्गलाणं, निबद्ध-बझंतयाण संबंधं । जं कुणइ जउ-समं तं, बंधणमुरलाइ-तणुनामा ॥३५॥ जं संघायइ उरलाइ-पुग्गले, तिणगणं व दंताली । तं संघायं बंधणमिव, तणुनामेण पंचविहं ॥३६ ॥ ओराल-विउव्वा-हारयाण, सग-तेअ-कम्मजुत्ताणं । नव बंधणाणि इयरदु-सहियाणं तिन्नि तेसिं च ॥३७॥ संघयणमट्ठिनिचओ, तं छद्धा वज्जरिसहनारायं । तह रिसहनारायं, नारायं अद्धनारायं ॥३८॥ कीलिअ-छेवढं इह-रिसहो पट्टो अ कीलिआ वजं । उभओ मक्कडबंधो, नारायं इममुरालंगे ॥३९॥ समचउरंसं निग्गोह-साइ-खुज्जाइ वामणं हूंडं । संठाणावन्ना-किण्ह-नील-लोहिय-हलिद्द-सिया ॥४०॥
૨૮૨