Pratham Karmagranth Karmavipak

Author(s): Harshagunashreeji
Publisher: Omkar Sahitya Nidhi

Page 333

गोअं दुहुच्च-नी, कुलाल इव सुघड-भुंभलाऽइअं । विग्धं दाणे लाभे, भोगुवभोगेसु विरिए अ ॥५२ ।। सिरिहरियसमं एयं, जह पडिकूलेण तेण रायाई। न कुणइ दाणाईयं, एवं विग्घेण जीवो वि ॥५३ ॥ पडिणीयत्तण-निन्हव-उवघाय-पओस-अंतराएणं । अच्चासायणयाए, आवरणदुगं जीओ जयइ ।।५४ ॥ गुरुभत्ति-खंति-करुणा,वय-जोग-कसाय-विजय-दाणजुओ। दढधम्माई-अज्जइ, सायमसायं विवज्जयओ ॥५५॥ उम्मग्ग-देसणा-मग्ग-नासणा-देवदव्वहरणेहिं। दंसणमोहं जिण-मुणि-चेइय-संघाईपडिणीओ ॥५६॥ "दुविहंपि चरणमोहं, कसाय-हासाइ-विसयविवसमणो । बंधइ नरयाउं महा-रम्भपरिग्गहरओ रुद्दो ॥५७॥ तिरिआउ गूढ-हिअओ, सढो ससल्लो तहा मणुस्साऊ । पयईइ तणुकसाओ, दाण-रुई मज्झिमगुणो अ ॥५८॥ अविरयमाई सुराउं, बाल-तवोऽकामनिज्जरो जयई । सरलो अगारविल्लो, सुहनामं अन्नहा असुहं ॥५९॥ गुणपेही मयरहिओ, अज्झयण-ज्झावणारुई निच्चं । पकुणइ जिणाइभत्तो, उच्चं नीअंइयरहा उ ॥६०॥ जिणपूआ-विग्घकरो, हिंसाइपरायणो जयइ विग्धं । इअ कम्मविवागोऽयं, लिहिओ देविंदसूरीहिं ॥६१॥
म)
૨૮૪