Prakrit Bhasha Prabodhini

Author(s): Sangitpragnashreeji Samni
Publisher: Jain Vishva Bharati

Page 64

55
प्राकृत भाषा प्रबोधिनी
(ब) इअं लोअं विचित्तं अत्थि। अत्थ चेअणाणि अचेअणाणि य दव्वाणि सन्ति। ताणं सरूवं सया परिवट्टइ। बालओ बालअत्तो जुवाणो हवइ। जुवाणो जुवणत्तो बुड्ढो हवइ। णरा णरत्तो पसुजोणीए गच्छन्ति। पसुणो पसुत्तो णरजम्मे उप्पण्णान्ति। रुक्खो बीजत्तो उप्पन्नइ। बीजो रुक्खत्तो उप्पन्नइ। फलत्तो रसं उप्पण्णइ। पुप्फत्तो सुबंधो आवइ। वारित्तो कमलं णिस्सरइ। रुक्खत्तो जुण्णाणि पत्ताणि पडन्ति। दहित्तो घयं जाअइ। दुद्धत्तो दहि हवइ। __एगसमये मुक्खो विउसत्तो बीहइ। छत्तो गुरुत्तो पढइ। कवी णिवत्तो आयरं गेण्हइ। बहू सासुत्तो धणं मग्गइ। बाला माअत्तो दुद्धं मग्गइ। किन्तु अण्णसमये परिवट्टणं जाअइ। विउसा मुक्खाहितो बीहन्ति। गुरुणो छत्ताहिंतो सिक्खन्ति। णिवा कवीहिन्तो पसंसं गेण्हन्ति। सासूओ बहूहिन्तो वत्थाणि मग्गन्ति। माआओ बालाहिन्तो भोअणं गेण्हन्ति। साहुणा असाहूहिन्तो भयं करन्ति । कुसला जणा सेवन्ति। सढा सोसणं करन्ति। इमं लोअस्स विचित्तं सरूवं। जओ णाणिजणा विवेएण संसारस्स कज्जाणि करन्ति।
(स) जणा सगुणेहि पुज्जणीआ हवन्ति। माणवजीवणे गुरुणो, पिअरस्स, जणणीए ठाणं महत्तपुण्णं अत्थि । गुरुणा बिणा को णाणं लहिहिइ? गुरुणो अम्हाण दोसं दूरं करन्ति। स-उवदेसजलेण अम्हाण बुद्धिं पक्खालयन्ति। जआ सीसा गुरूण समीवे पढिउं गच्छन्ति तआ ते एवं उवदिसन्ति-'सच्चं बोल्लह । धम्म कुणह। सज्झाए पमायं मा कुणह। सआ देसस्स धम्मस्स सेवं कुणह।' अअएव गुरुणो अम्हाण मग्गदरिसआ सन्ति। जे सीसा सगुरुणो सेवं करन्ति, तेसु सद्धं करन्ति, ताहिन्तो णाणं गिण्हन्ति, ते सआ लोए सुहं लहन्ति।
अम्हाण जीवणे पिअरस्स ठाणं वि महत्तपुण्णं अत्थि। पिअरो अम्हाण पालओ अत्यि। सो नियएण परिस्समेण धणेण य अम्हे पालइ रक्खइ य। पिअरो कुडुम्बस्स पहाणो हवइ। अओ अम्हेहि तस्स आणं सआ पालणीअं। पिअरो केवलं पालओ ण होइ, किन्तु सो बालआण मित्तो, विज्जादाआ वि हवइ। पिअरो सआ कुडुम्बस्स कल्लाणं चिन्तइ। अओ गुणवन्ता पुत्ता पिअरे सद्धं करन्ति, तस्स आणं मण्णन्ति तहा सेवं करन्ति।
अम्हाण पुज्जणीएसु जणणीए ठाणं सब्बोच्चं अत्थि। माआ सिसु केवलं ण जम्मइ, किन्तु सा तस्स निम्माणं करइ। माआ अम्हे जणणइ। अम्हे माआअ दुद्धं पिबामो। माआअ दुद्धं सिसुणा जीवणं हवइ । जणणी सिसु णेहं कुणइ। सा स दुक्खं सहइ, किन्तु कआवि सिसं दुक्खं ण देइ। अओ लोए पसिद्धं-'माआ कआवि कुमाआ ण हवइ।' जे पुत्ता जणणीए आणं पालन्ति, ताअ सेवं कुणन्ति, ते लोए सुपुत्ता हवन्ति। इमा पुढ़वी वि जणस्स माआ अत्यि। अम्हे भारअमाआअ पुत्ता सन्ति। अअएव जम्मभूमीए रक्खणं अम्हाण कत्तवं अत्यि।