Prachin Tatha Navya Karmgranth Chatushka

Author(s): Vijayhemprabhsuri, Pareshbhai J Shah
Publisher: Vijaynitisuri Jain Tattvagyan pathshala

Page 8

જીવન વિશેની બીજી કોઈ જ માહિતી પ્રાપ્ત થતી નથી. આ કર્મગ્રંથ ઉપર ત્રણ ટીકાઓ પ્રાપ્ત થાય છે. શ્રી પરમાનંદ સૂરિ કૃત વૃત્તિ, શ્રી ઉદયપ્રભસૂરિ કૃત ટિપ્પણ, અને અજ્ઞાતકર્તક વ્યાખ્યા. આ સિવાય પ્રાચીન કર્મગ્રંથ ઉપર વિશેષ બીજું કોઈ સાહિત્ય ઉપલબ્ધ નથી.
(૨) બીજા કર્મસ્તવ કર્મગ્રન્થના કર્તા અજ્ઞાત છે. આ ગ્રંથનું બીજું નામ બંધોદય સદ્ભક્તસ્તવ પણ છે. તેની ઉપર બે અજ્ઞાતકર્તૃક ભાષ્યો તથા શ્રી ગોવિંદાચાર્યકૃત વૃત્તિ ઉપરાંત શ્રી ઉદયપ્રભસૂરિ કૃત ટિપ્પણ પણ ઉપલબ્ધ થાય છે.
(૩) બંધસ્વામિત્વ નામક તૃતીય કર્મગ્રંથના કર્તા પણ અજ્ઞાત છે. તેના ઉપર વિ.સં. ૧૧૭૨માં આચાર્ય શ્રી હરિભદ્રસૂરિ કૃત વૃત્તિ ઉપલબ્ધ થાય છે.
(૪) ચતુર્થ કર્મગ્રંથ ષડશીતિ અથવા આગમિકવસ્તુ-વિચારસારપ્રકરણના રચયિતા શ્રી જિનવલ્લભગણિ છે. આ ગ્રંથની રચના વિક્રમની ૧૨મી શતાબ્દીમાં થયેલ છે. તેના ઉપર બે અજ્ઞાતકર્તૃક ભાષ્ય તથા અનેક ટીકાઓ રચાઈ છે. તેમાં આ. શ્રી હરિભદ્રસૂરિ તથા શ્રી મલયગિરિ મુખ્ય છે.
(૫) પંચમકર્મગ્રન્થ શતક અથવા બંધશતક પ્રકરણના કર્તા આચાર્યશ્રી શિવશર્મસૂરિ છે. તેના ઉપર ત્રણ ભાષ્ય, એક ચૂર્ણિ, ત્રણ ટીકાઓ ઉપલબ્ધ છે. તેમાંથી બે લઘુભાષ્યો અજ્ઞાતકર્તક છે. બૃહદ્ભાષ્યના રચયિતા આચાર્ય ચક્રેશ્વરસૂરિ છે. ત્રણ ટીકાઓ અનુક્રમે મલધારી શ્રી હેમચંદ્રસૂરિ કૃત, શ્રી ઉદયપ્રભસૂરિકૃત તથા શ્રી ગુણરત્નસૂરિ કૃત છે.
(૬) સપ્તતિકાના કર્તા વિશે નિસંદેહ કહી ન શકાય પણ પરંપરા પ્રમાણ શ્રી ચંદ્રર્ષિમહત્તર તેના કર્તા તરીકે પ્રચલિત છે. આ કર્મગ્રંથ ઉપર અભયદેવસૂરિ કૃત ભાષ્ય, અજ્ઞાનકર્તૃક ચૂર્ણિ, ચંદ્રષિમહત્તરકૃત પ્રાકૃત વૃત્તિ, મલયગિરિ કૃત ટીકા, મેરૂતુંગસૂરિકૃત ભાષ્યવૃત્તિ, રામદેવકૃત ટિપ્પણ, ગુણરત્નસૂરિકૃત અવચૂરિ છે.