Book Title: Prachin Tatha Navya Karmgranth Chatushka
Author(s): Vijayhemprabhsuri, Pareshbhai J Shah
Publisher: Vijaynitisuri Jain Tattvagyan pathshala
View full book text
________________
૧૧
શરીરમળવું, ઇન્દ્રિયો મળવી, ખાધેલ ખોરાકનું, લોહી, માંસ, ચરબી, મળ વિગેરેમાં રૂપાંતર થવું શ્વાસોશ્વાસ સતત ચાલ્યા કરવો, બોલી શકવું, મનથી વિચારી શકવું વિગેરે તમામ બાબતોમાં પણ કર્મ પુદ્ગલો મોટોભાગ ભજવે છે.
બોલતી વખતે મુખમાંથી છુટા પડતા શબ્દ પુદ્ગલો જો આંખેથી કે કોઇપણ વૈજ્ઞાનિક સાધનથી દેખી શકાતા ન હોય. શરીરમાં થતી વેદના પણ આંખેથી કે કોઈ પણ વૈજ્ઞાનિક સાધનથી દેખી શકાતી ન હોય, માનવ વગેરે પાસે રહેલ બુદ્ધિ પણ આંખેથી કે કોઈ પણ વૈજ્ઞાનિક સાધનથી દેખી શકાતી ન હોય, તો “આત્મા દેખાવો જોઈએ તેવો કદાગ્રહ કે સંકુચિત મનોવૃત્તિ શી રીતે રાખી શકાય ? આત્મા અને કર્મ પુદ્ગલો આંખેથી કે કોઈ પણ વૈજ્ઞાનિક સાધનથી દેખી શકાતા નથી છતાં પણ છે જ અને સમગ્ર વિશ્વની પ્રત્યેક ઘટનાઓમાં તેઓ મહત્ત્વનો ભાગ ભજવે છે. એક વખત આત્મા, કર્મ વિગેરે વિષયક જૈનદર્શનના ધર્મગ્રન્થોનો તલસ્પર્શી અભ્યાસ કરો, પછી આ બધું સમજવું-માનવું તમારા માટે સરળ બની જશે.'
ફાયદો એ થશે કે કર્મના વિજ્ઞાનને સમજીને તમે તમારું જીવન બનાવી શકશો, તેથી કર્મના ઉદયથી પ્રાપ્ત થતાં અનેક દુઃખો દુર્ગતિઓથી તમે છુટકારો મેળવી શકશો દુઃખો વચ્ચે પણ કર્મના વિપાકોનું ચિંતન કરીને સમતા, સમાધિ, ચિત્તની પ્રસન્નતા ટકાવી શકશો. તમારું અધ:પતન થતું અટકશે, બાકી આત્મા અને કર્મના વિજ્ઞાનને નહીં સમજનારા ઘણા બધા ધર્મીઓ (!) પણ વ્યવહારિક જીવનમાં ટેન્શન, દ્વેષભાવ, ક્લેશો વિગેરેમાં ફસાઈને જીવનને અધ:પતનના માર્ગેથી બચાવી શકતા નથી તો બીજાઓ માટે તો શું વિચારવાનું? શ્રીગર્ગમહષ્યદિરચિત પંડિતવર્ય શ્રી પરેશભાઈ દ્વારા અનુવાદિત અપ્રગટ પ્રાચીન કર્મગ્રન્થો અને પ્રગટ પ્રાચીન કર્મગ્રન્થો તમારા આત્માનું સાચું ઉત્થાન કરવામાં સહભાગી બને તેવી આશા સાથે.. શેઠ મોતીશા જૈન દેરાસર
ભાયખલા, મુંબઈ-૨૭ સં. ૨૦૫૯, અષાઢ સુદ-૧૦,
દ. હેમપ્રભસૂરિના ધર્મલાભ બુધવાર તા. ૯-૭-૨૦૦૩.
