Parshwanath Charitra

Author(s): Hargovinddas Pt, Bechardas Pt
Publisher: Harshchand Bhurabhai

Page 7

ऽगमदुर्गमनवभवगहनगहनम् , प्रमामथ्य पीताम्बस्येव निजपवित्रजीवनजीवासहितसध्यानामन्दमन्दराचलेन दुरवगाहागाधदशमभवार्णवम् , ततः सम्प्राप्तं विमलकेवललक्ष्मीलीलाविलासित्वं लोकोत्तररङ्गरङ्गितोत्तुङ्गचङ्गप्रासादात् समुपभुञ्जानस्य श्रीपार्श्वनाथस्वामिनो गुरुगुरोगुर्वपि भाररहितम् , कुमुदिनीकान्तकान्तमपि गतकलङ्कपकम् , पतङ्गवत् पापपङ्कशोषकमपि शीतलम् , तरङ्गिणीदयितवद् गभीरमपि क्षरितक्षारतम् , मुदिरप्रकरवत् तापापहारकमपि नाऽसितम् , संचञ्चूर्यमाणसद्गुणगणं चारुतरं चरितम् । .. तत्र तत्र च प्रस्तावात् सदुपदेशपदं प्रापितानि सरसावबोधविधायकानि नैकानि कथानकानि, श्रोतृणामुपश्रावितं च चिकित्सारहस्यम् , दर्शितानि च समुद्रमुनिशास्त्रशरीरशुभा-ऽशुभाभिज्ञानानि, समावेशितानि च सर्वाणि सुधास्यन्दीनि वर्णनानि, किमुच्यतेऽधिकम् ?, समासादितमिदं चरितं महाकाव्यगणनागण्यताम् । ____एतच्चरितमुद्रणादिसर्वव्ययदातारो वदान्यवरेण्याः श्रीलश्रीलक्ष्मीचन्द्रश्रेष्ठिनो धन्यवादस्थानम् ।
एतस्य श्रीपार्श्वनाथचरितस्य पुस्तकत्रयमाप्तमस्माभिस्तदर्थ ते पुस्तकदातारो धन्यवादपात्रम् , तत्र पुस्तकद्वयं गुरूणां श्रीशास्त्रविशारदजैनाचार्यश्रीविजयधर्मसूरीणां शुद्धम् । एकं च पंन्यासपदभूषितश्रीवीरविजयमुनिमहाशयानां शुद्धतरम् ।
तस्मात् पुस्तकत्रयात् संशोधितमिदं सुचरितं श्रवणपथं प्रापय्य पवित्रो भवतु पुरुषगणः, स्वकर्मोत्करमुत्करितुं पारयतात् साधुजनः, तदनुमोदकः स्ताच प्रवरेतरनरगणः, उत्साहयेच्चास्माकमुद्यम ग्राहकमहोदयः, संक्षालयेत् , प्रकटयेच्च यदत्र स्थलं सहज-कृत्रिमदोषपङ्कपकिलमिति
ज्ञापयतःहरगोविन्द-बेचरदासौ।