Madanrekha Akhyayika

Author(s): Jinbhadrasuri, Bechardas Doshi
Publisher: L D Indology Ahmedabad

Page 271

सा कुणइ पाणवितिं फलेहिं एकम्मि सरवरे 'नीरं । पाऊण कुणइ तत्तो पच्चक्खाणं च सागारं ॥५१।। हिययभंतरविलसंतपंचपरमेठिमंतसव्वस्सा । कयलीहरए तरुपत्तविहियसयणम्मि पासुत्ता ॥५२॥ एत्थंतरम्मि रयणीसमुब्भवा भीमसावयसमूहा । नाणाविहमयमेरवसद्दसमूहेहिं भेसति ॥५३॥
तथा हि
फेकारति सिवाओ धुरुधुरिया भीमवग्यसंघाया । घुग्घुकरेंति घूया गुंजारवयंति केसरिणो ॥५४॥ एत्थंतरम्मि जाया गुरुवियणा चलियगम्भसंभूया । तो पयडियलयहरयं कंतीए सुयं पसूया सा ॥५५॥ तत्थेव तयं मोत्तुं पच्चासन्ने सरम्मि जा पत्ता । वत्थाइधोयणत्थं उक्खित्ता ताव जलकरिणा ॥५६॥ उल्लालिऊण सुडादंडेणं घत्तिया गयणमग्गे । विज्ञाहरेण विहिणो निओगओ तयणु सा दिदठा ॥५॥ नंदीसरम्मि दीवे गच्छंतेणं तो वलेऊण । आरोविउ विमाणे वेयड्ढे पव्वए नीया ॥५॥ भणिो य तीए एसो अज्ज महाभाग ! तम्मि वणगहणे । संपयमेव पसूया पुत्तं अहयं लयाहरए ॥५९॥ ता सो सावयपासाओ अहव सयमेव दूसहछुहाए । मरिही ता तमिहाऽऽणसु तत्थ व मं नेसु रन्मम्मि ॥६॥ तेणुत्तं सुयणु । तुम पडिवज्जसि पाणसामियं जइ मं । ताहं आणाकारी आजम्मं हामि किं बहुणा ? ॥६॥ अन्नं च सुयणु ! गंधारजणवए जणवयाण पवरम्मि । रयणावहम्मि नयरे मणिचूडो नाम नरनाहो ॥६२।। कमलावई य भज्जा तेसिं पुत्तो मणिप्पहो अहयं । रज्जधुराधरणखमो पाणपिओ जणणि-जणयाणं ॥६॥ मह जणओ विज्जाहरसेढीण पालिऊण सामित्तं । .. मिन्विनकामभोगो पव्वइओ गुरुसमीवम्मि ॥६॥... ठविऊणं मं रज्जे निस्संगो सो अईयदिवसम्मि । आसि इहं चेव गओ संप नंदीसरे दीवे ॥६५॥ तव्वंदर्णत्थमहयं पि पत्थिओ ता मए तुमं दिटूठा । ता होसु सामिणी सुयणु ! सव्वविज्जाहरवहणं ॥६६।। अवरं च तुज्झ तणओ तुरंगमावहरिएण संपत्तो । पउमरहेणं मिहिलाहिवेण चिट्ठइ सुहेण तहिं ॥६॥ एयं पन्नत्तीए मह कहिय चयसु ता तुम खेयं । उवभुजसु रज्जसिरिं मा विहल नेसु तारुन्नं ॥६॥ihar j
i