Madanrekha Akhyayika

Author(s): Jinbhadrasuri, Bechardas Doshi
Publisher: L D Indology Ahmedabad

Page 270

जओ
१. गुरुभारा सगर्भा
१९१
ता धीर ! सव्वसत्तेसु कुणसु मेतिं ममत्तमवि छिंद । अंतो धरसु समाहिं अणुसर चउसरणमह इहि ||३४|| सिद्धाणं पच्चक्खं नियदुच्चरियं च गरहसु सुधीर 1 । खामसु सव्वे सप्ते खमंतु ते तुज्झ सब्वे वि ॥ ३५ ॥ कम्मविसपरममंतो पणयामर - मणुयजणियजम्मंतो । देवो सिवमरहंतो जाजीवं तुज्झ अरहंतो ॥३६॥ परिचत्तधरावासा विसुद्धचारित्तिणो महासत्ता । सम्मत्त - नाणसहिया साहू गुरुणो पवज्ज तुमं ॥ ३७॥ पडिवज्जसु वेरमणं पाणिवहाईण तिविहतिविहेणं । जाजीवं अट्ठारसपावठाणाण पडिकमसु ॥ ३८॥ परिभावसु तह सम्मं अणिच्चयं सव्वभाव विसएसु । अणुसरसु सयलसिद्धंतसारपरमेट्ठिनवकारं ||३९||
पंचनमोक्कारसमा अंते वच्चंति जस्स दस पाणा । सो जड़ न जाइ मोक्खं अवस्स वेमाणिओ होइ ॥ ४० ॥ अम्मा-पियरो मित्तं पुत्त-कलत्ताइसयणवग्गो य । विहडइ सव्वं पि इमं होइ सहाभो परं धम्मो ॥४१॥ अणुहूयनरयदुक्खस्स तुज्झ किर केप्तियं इमं दुक्खं ? । तो अहियाससु सम्मं धरिजं मणपरिणई परमं ॥ ४२ ॥ एसा पुणो महायस ! दुलहा मणुयाइया तु सामग्गी । ता गिन्हसु तीए फलं समा हिमवलंबिउं सोम ! ||४३|| इय तीए वयणघणरसविज्झावियकोव हुयव हो सम्मं । सिरविरइयकरकमलो पडिवज्जइ तं तहा सव्वं ॥ ४४ ॥ सह वेयणाए वड्ढतपरमसंवेगसंजुल मरिडं । संजाय भावसमणो उववन्नो बंभलोगम्मि ॥४५॥ एप्तो य मयणरेहा कंदते परियणम्मि सयलम्मि । चितः किमहं गन्मे न विलीणा मंदपुन्न ? ति ॥४६॥ सुद्धसहावस्स जओ महाणुभावस्स सुद्धसीलस्स । अहमस्स मरणहेऊ संजाया निरवराहम् ||४७|| भवरं च जेण निहओ नियभाया सो अवस्स सुहसीलं । मह गंजिद्दी वला वि हु ता तं रक्खेमि जत्तेण ॥४८॥ चंदजसे नियपुत्ते कंदते परियणम्मि सोयंते ।
गागिणी निसाए गुरुहारा' निग्गया तत्तो ॥४९॥ पुव्वाभिमुहं पत्ता कमेण वियड महाडवि एक अह अइकंता रयणी मज्झन्छे बीयदिवसम्मि ॥५०॥