Madanrekha Akhyayika

Author(s): Jinbhadrasuri, Bechardas Doshi
Publisher: L D Indology Ahmedabad

Page 277

१९८
एए विचिमिच्छाए चउप्पयाराए सत्यभणियाए । धन्नन्तरिसारिच्छा वेज्जा कुसला किलिस्संति ! ।। १५४ ॥ अवरे वि मंत- तताइवाइणो मंतिणो ससामंता । चरगवल एवं बहुये पि हु विभय न दुक्ख ॥। १५५ ।। जर पुण पुव्वभवकयं सहायमेगं पि होइ मह सुकयं । ता तयमवियप्पेणं होज्जा ताणं दुहत्तस्स ।। १५६ ।।
ता जइ कहमवि एयाओ रोगवसणाओ हं विमुंचेज्जा । ता सुकयम्मि पत्तं करेमि चइऊण रज्जसिरिं ॥ १५७ ॥ इय चितिय रयणीए सेज्जाए जाव सुयइ ताव सुहा । जाया निद्दा वयपरिणई य कम्मक्खओवसमा ॥ १५८ ॥ पेच्छ रयणिविरामे सुमिणमिमं किर अहं सयं चेव । संमभरे व चडिओो समुन्नए मेरुसिहर म्मि ।।१५९ ।। तत्थ विय सरयससहर कर नियर पहासमुज्जलसरीरे । नियगे व्व पुन्नपुंजे करिम्मि आरूढमपाणं ॥ १६० ॥ ताहे नायँ एसो मेरुगिरी देवपुव्वजम्मम्मि । दिट्ठो जिनिंदजम्मणमज्जणयमहूसवम्मि भए । १६१ ॥ एवं सो नमिराया जाईसरणेण नायपरमत्थो ! देवयविन्नलिंगो जाओ पत्तेयबुद्धमुणी ||१६२॥
गिरिकंदराए वसुं पि पबलपज्जलियजलणदित्ताए । सीहो व्व विणिक्ख तो गिहवासाओ महासत्तो ॥ १६३ ॥ एत्थंतरम्मि मणिरयणभासुराभरणभूसियसरीरो । सोहम्मवई सक्ख समागओ तप्परिवखत्थं ॥ १६४ ॥ अच्चब्भुयतच्चरिएण रंजिओ नमिरिसि महासत्तं । नयरोओ नोहरंत माहणरूवो भणइ सक्को ॥१६५॥
भो भो ! सुणसु महायस ! पव्वज्जा ताव पाणिदयमूला । तुह वयगहणे य इमा अक्क दइ दुक्खिया नयरी ||१६६ ॥
ता दूरमजुत्तमिणं पुण्वा ऽवरबाहयं वयं तुज्झ । तो भणइ मुणी न दुहस्त कारणं एत्थ मज्झ वयं ॥१६७॥ किंतु नियनियपओयणहाणी दुक्खरस कारण लोए । ता अहमवि नियकज्ज करेमि किमिमाए चिंताए ? ।। १६८ ।।
ततः स्वयमेवान्तःपुरगृहाणि प्रज्वलन्त्युपः पुनरप्याह शक्रः -
एस अग्गी य वाऊ य एयं डज्झइ मंदिरं । भयवं ! अंतेउरतेणं कीस णं नाव एक्खह ? ।।१६९ ॥