Kavyashatakam Mulam

Author(s): Jinendrasuri
Publisher: Harshpushpamrut Jain Granthmala

Page 992

(6) मेघदूतं : पूर्वमेघः ] [ 971 प्रा कैलासाद्विसकिसलयच्छेदपाथेयवन्तः संपत्स्यन्ते नभसि भवतो राजहंसाः सहायाः / / 11 / / आपृच्छस्व प्रियसखममुं तुङ्गमालिङ्गय शैलं वन्द्यैः पुंसां रघुपतिपदैङ्कितं मेखलासु / काले काले भवति भवतो यस्य संयोगमेत्य स्नेहव्यक्तिश्चिरविरहजं मुञ्चतो बाष्पमुष्णम् / / 12 / / मार्ग तावच्छृणु कथयतस्त्वत्प्रयाणानुरूपं संदेशं मे तदनु जलद श्रोष्यसि श्रोत्रपेयम् / खिन्नः खिन्नः शिखरिषु पदं न्यस्य गन्तासि यत्र 10 क्षीणः क्षीणः परिलघु पयः स्रोतसां चोपभुज्य / / 13 / / अद्रेः शृङ्गं हरति पवनः किंस्विदित्युन्मुखीभिदृष्टोत्साहश्चकितचकितं मुग्धसिद्धाङ्गनाभिः / स्थानादस्मात्सरसनिचुलादुत्पतोदङ्मुखः खं दिङ्नागानां पथि परिहरन्स्थूलहस्तावलेपान् / / 14 / / 15 रत्नच्छायाव्यतिकर इव प्रेक्ष्यमेतत्पुरस्ता द्वल्मीकाग्रात्प्रभवति धनुःखण्डमाखण्डलस्य / येन श्यामं वपुरतितरां कान्तिमापत्स्यते ते बर्हणेव स्फुरितरुचिना गोपवेषस्य विष्णोः / / 15 / / त्वय्यायत्तं कृषिफल मिति भ्रूविलासानभिज्ञैः प्रीतिस्निग्धैर्जनपदवधूलोचनैः पीयमानः / सद्यःसीरोत्कर्षणसुरभि क्षेत्रमारुह्य मालं किंचित्पश्चाद्वज लघुगतिर्भूय एवोत्तरेण // 16 / / त्वामासारप्रशमितवनोपप्लवं साधु मूर्ना वक्ष्यत्यध्वश्रमपरिगतं सानुमानाम्रकूटः / 25 न क्षुद्रोऽपि प्रथमसुकृतापेक्षया संश्रयाय प्राप्ते मित्रे भवति विमुखः किं पुनर्यस्तथोच्चैः / / 17 / /