Kavyashatakam Mulam

Author(s): Jinendrasuri
Publisher: Harshpushpamrut Jain Granthmala

Page 1007

686 ] [ काव्यषट्कं आलिङ्गयन्ते गुणवति मया ते तुषाराद्रिवाताः पूर्व स्पृष्टं यदि किल भवेदङ्गमेभिस्तवेति // 44 // संक्षिप्येत क्षण इव कथं दोर्घयामा त्रियामा सर्वावस्थास्वहरपि कथं मन्दमन्दातपं स्यात् / इत्थं चेतश्चटुलनयने दुर्लभप्रार्थनं मे गाढोष्माभिः कृतमशरणं त्वद्वियोगव्यथाभिः / / 4 / / नन्वात्मानं बहु विगणयन्नात्मनैवावलम्बे तत्कल्याणि त्वमपि नितरां मा गमः कातरत्वम् / कस्यात्यन्तं सुखमुपनतं दुःखमेकान्ततो वा नोचैर्गच्छत्युपरि च दशा चक्रनेमिक्रमेण // 46 / / शापान्तो मे भुजगशयनादुत्थिते शाङ्गपाणौ शेषान्मासान्गमय चतुरो लोचने ' मीलयित्वा / पश्चादावां विरहगुणितं तं तमात्माभिलाष निर्वेक्ष्यावः परिणतशरच्चन्द्रिकासु क्षपासु / / 47 / / 15 भूयश्चाह त्वमपि शयने कण्ठलग्ना पुरा मे निद्रां गत्वा किमपि रुदति सस्वनं विप्रबुद्धा। सान्तसिं कथितमसकृत्पृच्छतश्च त्वया मे दृष्टः स्वप्ने कितव रमयन्कामपि त्वं मयेति / / 4 / / एतस्मान्मां कुशलिनमभिज्ञानदानाद्विदित्वा मा कोलीनाच्चकितनयने मय्यविश्वासिनी भूः / स्नेहानाहुः किमपि विरहे ध्वंसिनस्ते त्वभोगा दिष्टे वस्तुन्युपचितरसाः प्रेमराशीभवन्ति // 46 / / प्राश्वास्यैवं प्रथमविरहोदग्रशोकां सखीं ते शैलादाशु त्रिनयनवृषोत्खातकूटान्निवृत्तः / 20