Kasaypahudam Part 14

Book Title: Kasaypahudam Part 14
Author(s): Gundharacharya, Fulchandra Jain Shastri, Kailashchandra Shastri
Publisher: Bharatvarshiya Digambar Jain Sangh

View full book textPrevious | Next

Page 418
________________

परिसिट्ठाणि
३७७
'किट्टीवेदगडाए गदाए पढमसमयबादरसांपरायो जादो । 'ताहे चेव सव्वमोहणीयस्स अणाणुपुविधओ संकमो। ताहे चेव दुविहो लोहो लोहसंजलणे संछुहदि । ताहे चेव फड्यगदं लोभं वेदेदि । किट्रीओ सव्वाओ णट्ठाओ। णवरि जाओ उदयावलियभंतराओ ताओ त्थिवुक्कसंकमेण फड्डएसु विपच्चिहिति । पढमसमयबादरसांपराइयस्स लोभसंजलणस्स ट्ठिदिबंधो अंतोमुहुत्तो। तिण्हं घादिकम्माणं ट्ठिदिबंधो दो अहोरत्ताणि देसूणाणि । वेदणीयणामागोदाणं द्विदिबंधो चत्तारि वस्साणि देसूणणि ।
"एदम्हि पुण्णे दिदिबंधे जो अण्णो वेदणीयणामागोदाणं दिदिबंधो सो संखेज्जवस्ससहस्साणि । तिण्हं धादिकम्माणं दिदिबंधो अहोरत्तपुधत्तगो । लोभसंजलणस्स दिदिबंधो पुव्वबंधादो विसेसाहिओ।
__ लोभवेदगद्धाए विदियस्स तिभागस्स संखेज्जदिभागं गंतूण मोहणीयस्स ट्ठिदिबंधो मुहुत्तपुधत्तं । णामागोदवेदणीयाणं ट्ठिदिबंधो संखेज्जाणि 'वस्ससहस्साणि । तिण्हं धादिकम्माणं टिदिबंधो अहोरत्तपुधत्तियादो ट्ठिदिबंधादो वस्ससहस्सपुत्तिगो टिदिबंधो जादो । एवं ट्ठिदिबंधसहस्सेसु गदेसु लोभवेदगद्धा पुण्णा ।
से काले मायं तिविहमोकड्डियण मायसंजलणस्स उदयादिगुणसेढी कदा । दुविहाए मायाए आवलियबाहिरा गुणसेढी कदा । पढमसमयमायावेदगस्स गुणसेढिणिक्खेवो तिविहस्स लोहस्स 'तिविहाए मायाए च तुल्लो । मायावेदगद्धादो विसेसाहिओ। सव्वमायावेदगद्धाए तत्तियो तत्तियो चेव णिक्खेवो । सेसाणं कम्माणं जो पुण पुग्विल्लो णिक्वेवो तस्स सेसे सेसे चेव णिक्खवदि गुणसेटिं। मायावेदगस्स लोहो तिविहो माया दुविहा मायासंजलणे संकमदि । माया तिविहा लोभो च दुविहो लोभसंजलणे संकमदि।
पढमसमयमायावेदगस्स दोण्हं संजलणाणं दुमासट्रिदिगो बंधो। सेसाणं कम्माणं ट्रिदिबंधो संखेज्जवस्ससहस्साणि । १°पुण्णे पुण्णे टिदिबंधे मोहणीयवज्जाणं कम्माणं संखेज्जगुणो टिदिबंधो । मोहणीयस्स ट्ठिदिबंधो विसेसाहिओ । एदेण कमेण संखेज्जेसु टिदिबंधसहस्सेषु गदेसु चरिमसमयमायावेदगो जादो । ताधे दोण्हं संजलणाणं दिदिबंधो चत्तारि मासा अंतोमुहतूणा । सेसाणं कम्माणं टिदिबंधो संखेज्जाणि वस्ससहस्साणि ।
"तदों से काले तिविहं माणमोकड्डियूण माणसंजलणस्स उदयादिगुणसेढिं करेदि । दुविहस्स माणस्स आवलियबाहिरे गुणसेढिं करेदि । णवविहस्स वि कसायस्स गुणसेढिणिक्खेवो जा तस्स पडिवदमाणगस्स माणवेदगद्धा तत्तो विसेसाहिओ णिक्खेवो। मोहणीयवज्जाणं कम्माणं जो पढमसमयसुहमसांपराइयेण णिक्खेवो णिक्खित्तो तस्स णिक्खेवस्स सेसे सेसे णिक्खिवदि । पढमसमयमाणवेदगस्स णवविहो वि कसायो संकमदि । १२ताधे तिण्हं संजलणाणं ट्ठिदिबंधो चत्तारि मासा पडिपुण्णा । सेसाणं कम्माणं ट्ठिदिबंधो संखेज्जाणि वस्ससहस्साणि । एवं ट्ठिदिबंधसहस्साणि बहूणि गंतूण माणस्स चरिमसमयवेदगस्स तिण्हं संजलणाणं द्विदिबंधो अट्ठमासा अंतोमुहुत्तूणा । सेसाणं कम्माणं ट्ठिदिवंधो संखेज्जाणि वस्ससहस्साणि ।।
से काले तिविहं कोहमोकड्डि यूण कोहसंजणस्स उदयादिगुणसेढिं करेदि । दुविहस्स कोहस्स आवलियबाहिरे करेदि । एण्हि गुणसेढिणिक्खेवो केत्तिओ कायव्वो। १३पढमसमयकोधवेदगस्स बारसण्हं पि कसायाणं जो गुणसे ढिणिक्खवो सो सेसाणं कम्माणं गणसे ढिणिक्खवेण मरिसो होदि । जहा मोहणीयवज्जाणं कम्माणं सेसे सेसे गुणसेटिं णिक्खिवदि तहा एत्तो पाये बारसण्हं कसायाणं से रोसे गुणसेढी णिक्खिविदव्वा । "पढमसमयकोहवेदगस्स बारसविहस्स वि कसायस्स संकमो होदि । ताधे ठिदिबंधो चउण्हं संजलणाणमट्ठ मासा पडिपुण्णा । सेसाणं १५कम्माणं विदिबंधो संखेज्जाणि वस्ससहस्साणि । एदेण कमेण संखेज्जेसु ट्ठिदिबंधसहस्सेसु गदेसु मोहणीयस्स चरिमसमयचविहबंधगो जादो। ताधे मोहणीयस्स दिदिबंधो चउसविस्साणि अंतोमुहत्तूणाणि । सेसाणं कम्माणं ट्ठिदिबंधो संखेज्जाणि वस्ससहस्साणि ।
तदो से काले परिसवेदस्स बंधगो जादो! ताधे चेव सत्तण्हं कम्माणं पदेसग्गं पसत्थउवसामणाए
१. पृ० ५५ । २. पृ० ५६ । ३. ५० ५७ । ४. पृ० ५८। ५. पृ० ५९ । ६. पृ० ६० । ७. ५० ६१ ।
८. पृ० ६२ । ९. पृ० ६३ । १०. पृ० ६४ । ११. पृ० ६५ । १२. पृ० ६६ । १३. पृ० ६७ । १४. पृ. ६८। १५. पृ० ६९ । १६. पृ० ७० ।


Page Navigation
1 ... 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442