Kasaypahudam Part 09

Author(s): Gundharacharya, Fulchandra Jain Shastri, Kailashchandra Shastri
Publisher: Bharatvarshiya Digambar Jain Sangh

Page 576

५४६
परिसिहाणि गुणिदकम्मंसियो सम्मत्तमुप्पाएदूण लहुमिच्छत्तं गओ तस्स मिच्छाइद्विस्स पढमसमए अवत्तव्यसंकमो । विदियसमये उक्कस्सिया हाणी ।
सम्मामिच्छत्तस्स उक्कस्सिया वड्डी कस्स ? गुणिदकम्मंसियस्स सव्वसंकामयस्स । उक्कस्सिया हाणी कस्स ? उप्पादिदे सम्मत्ते सम्मामिच्छत्तादो सम्मत्ते जं संकामेदि तं पदेसग्गमंगुलस्सासंखेजमागपडिभाग । तदो उक्कस्सिया हाणी ण होदि ति । गुणिदकम्मंसिओ सम्मत्तमुप्पाएदूण लहुचे मिच्छत्तं गदो, जहणियाए मिच्छत्तद्धाए पुण्णाए सम्मत्त पडिवण्णो तस्स पढमसमयसम्माइद्विस्स उक्कस्सिया हाणी।
३अर्णताणुबंधीणमुक्कस्सिया वड्डी कस्स ? गुणिदकम्मंसियस्स सव्वसंकामयस्स । उक्कस्सिया हाणी कस्स ? "गुणिदकम्मंसिओ तप्पाओग्गउक्कस्सियादो अधापवत्तसंकमादो सम्मत्त पडिवजिऊण विज्झादसंकामगो जादो तस्स पढमसमयसम्माइहिस्स उक्कस्सिया हाणी । उक्कस्सयमबहाणं कस्स ? जो अधापवत्तसं कमेण तप्पाओग्गुकस्सएण वडिदण अवविदो तस्स उकस्सयमवट्ठाणं ।
५अट्ठकसायाणमुक्कसिया वड्डी कस्स ? गुणिदकम्मंसियस्स सव्वस कामयस्स । उकस्सिया हाणी कस्स ? गुणिदकम्मंसियो पढमदाए कसाय उवसामणद्धाए जाधे दुविहस्स कोहस्स चरिमसमयसकामगो जादो, तदो से काले मदो देवो जादो तस्स पढमसमयदेवस्स उक्कस्सिया हाणी । ६एवं दुविहमाण-दुविहमाया-दुविहलोहाणं । प्रणवरि अप्पप्पणो चरिमसमयसंकामगो होदण से काले मदो देवो जादो तस्स पढमसमयदेवस्स उक्कस्सिया हाणी। ___अट्ठण्हं कसायाणमुक्कस्सयमवट्ठाणं कस्स ? अधापवत्तसंकमेण तप्पाओग्गउकस्सएण वड्डिदूण से काले अवट्ठिदसंकामगो जादो तस्स उकस्सयमवट्ठाणं । कोहसजलगस्स उक्कस्सिया वड्डी कस्स ? जस्स उकस्सओ सबस'कमो तस्स उक्कस्सिया वट्ठी । प्तस्सेव से काले उक्कस्सिया हाणी । णवरि से काले संकमपाओग्गा समयपबद्धो जहण्णा कायया। तं जहा । जेसि से काले आवलियमेत्ताणं समयपबद्धाणं पदेसग्गं सकामिजहिदि ते समयपबद्धा तप्पाओग्गजहण्णा। एदीए परूवणाए सव्वस कम संकुहिदूण जस्स से काले पुवपरूविदो संकमो तस्स उकस्सिया हाणी कोहस जलणस्स । तस्सेव से काले उकस्सयमवट्ठाणं । जहा कोहसजलणस्स तहा माण-मायास जलण-पुरिसवेदाणं ।
(१) पृ० ३८५ । (२) पृ० ३८६ । (३) पृ० ३८७ । (४) पृ० ३८८ । (५) पृ० ३८६ । (६) पृ० ३६० । (७) पृ० ३६१ (८) पृ० ३६२ । (६) पृ० ३६३ ।