Karmagrantha Part 2 Karmastav Tika

Author(s): Devendrasuri, Abhayshekharsuri, Dhirajlal D Mehta
Publisher: Jain Dharm Prasaran Trust Surat

Page 173

દ્વિતીય કર્મગ્રંથ હોવી જોઇએ. પરંતુ ગ્રંથકારે આ પ્રમાણે કેમ કહ્યું તે બરાબર સમજાતું નથી, વળી છેલ્લી ગાથામાં પોતે જ આ વાત અન્ય આચાર્યોના મતના નામે ખુલ્લી કરે જ છે. માટે પોતાના હૃદયમાં કોઇ જુદી વિવક્ષા હશે પરંતુ તથાવિધ ગુરુગમના અભાવથી કારણ જાણવા મળતું નથી.
(૪૮) પ્રશ્ન
આ ગ્રંથ કોણે બનાવ્યો ? તથા તેમણે બીજા ક્યા ક્યા ગ્રંથો બનાવ્યા છે ?
૧૭૨
ઉત્તર- શ્રી દેવેન્દ્રસૂરીશ્વરજી મ.શ્રીએ આ ગ્રંથ બનાવ્યો છે. તેઓએ કુલ ૫ કર્મગ્રંથ, ૩ ભાષ્ય, શ્રાદ્ધદિન કૃત્ય વૃત્તિ, સિદ્ધપંચાશિકાવૃત્તિ, સુદર્શનાચરિત્ર, સિદ્ધદંડિકા, આદિ અન્ય ગ્રંથો પણ ઘણા બનાવ્યા છે.
(૪૯) પ્રશ્ન- આ કર્મગ્રંથ વિના શું જુના બીજા કર્મગ્રંથો છે ?
ઉત્તર- હા, જુના પણ ૫ કર્મગ્રંથો છે અને તે જુદા જુદા કર્તાના
બનાવેલા છે. જે અમે પ્રથમ કર્મગ્રંથની પ્રસ્તાવનામાં લખેલ છે. (૫૦) પ્રશ્ન- જિનનામકર્મ બાંધનાર જીવ જિનનામ બાંધ્યા પછી બીજેત્રીજે ગુણઠાણે જેમ જતો નથી તેમજ આહારકદ્ધિક બાંધ્યા પછી કયા ગુણઠાણે ન જઇ શકે ?
ઉત્તર- સાતમે-આઠમે આહારકદ્ધિક બાંધનાર જીવ ત્યાં બાંધીને પડીને નીચેનાં સાતે ગુણઠાણે જઇ શકે છે અને ચડીને ઉપરનાં પણ સાતે ગુણઠાણાઓમાં જઇ શકે છે. અર્થાત્ ચૌદે ગુણસ્થાનકે જઇ શકે છે.