Jivan Jagruti Yane Samadhi Maran

Author(s): Hemant Hasmukhbhai Parikh
Publisher: Hemant Hasmukhbhai Parikh

Page 9

સમાધિમરણ ઃ જીવનસાફલ્ય
હોય અથવા જીવન દરમિયાન આવી સ્થિતિ પામ્યા ન હોય તેમને એક સરળ પદ્ધતિ સમજાવતા કહ્યું છે કે કેટલાંય પૂજ્ય સાધુ-સાધ્વી-શ્રાવક-શ્રાવિકાઓ આયંબિલ, ઉપવાસ કરે છે તે ધ્યાનમાં રહે તો ખાવાની લાલસા છોડવી સરળ બને. આવા અનેકવિધ ઉપાયો પણ આ પુસ્તકમાં વર્ણવ્યા છે. વળી, ઉત્તરાધ્યયન, ભક્તપરિજ્ઞા, ચઉશરણ પ્રકીર્ણક આદિના આધારો પણ ટાંક્યા છે.
9
હાલ પ્રસ્તુત પુસ્તક જીવનજાગૃતિ અને સમાધિમરણ પ્રગટ થઈ રહ્યું છે તે આનંદની ઘટના છે. આ તેની ત્રીજી આવૃત્તિ છે. તે જ તેની મહત્તાની સાબિતી છે. મારો પોતાનો અનુભવ જણાવું તો વર્ષો પૂર્વે પૂ.સુધર્મસાગરજી મ.સા. અચાનક અમારા ઘરે પધાર્યા હતા. અમારા સહુ માટે તો જાણે અમૃતવૃષ્ટિ થઈ હોય તેવો આનંદ થયો. તે સમયે મારા માતૃશ્રી બીમાર હતાં. શરીરમાં વ્યાધિ વ્યાપી ગયો હતો અને વ્યાધિ કેમેય કરી મટતો ન હતો. તે સમયે મ.સા.એ પૂ. માતૃશ્રીને સમાધિની વાત કરી હતી. કેટલાંક આવશ્યક પચ્ચકખાણ કરાવ્યાં અને આરાધના અંગે વાત કરી હતી. પૂ. મહારાજશ્રી તો ત્યાંથી આગળ નીકળી ગયા, પણ તેમણે આપેલાં ઉપદેશથી અને પચ્ચકખાણથી મારાં માતૃશ્રીએ ખૂબ જ શાતા અનુભવેલી અને એમ કહ્યું હતું કે જાણે આખા ભવનો ભાર ઊતરી ગયો. આ જાણી અમે ધન્યતા અનુભવેલી. આ પ્રસંગથી એ વાત તો નિશ્ચિત થાય છે કે અંતિમ સમયે જો સમ્યગ્ રીતે આરાધના કરવામાં/કરાવવામાં આવે તો કેટલો મોટો લાભ થઈ શકે ! પણ મોટી મુશ્કેલી તો એ છે કે બધે જ મહારાજ સાહેબ પહોંચી શકે નહીં અને સંભવે પણ નહીં તેથી જ સમાધિ માટેની આરાધના સાચી રીતે થાય તેવા પુસ્તકની આવશ્યકતા હતી.
આ પુસ્તક દ્વારા સૌને એક આલંબન પ્રાપ્ત થશે. પ્રત્યેક શ્રાવકે આ પુસ્તક અવશ્ય વાંચવું જોઈએ અને તેમાં દર્શાવેલ માર્ગે ચાલવાનો અભ્યાસ કરવો જોઈએ. - જિતેન્દ્ર બી. શાહ નિયામક
લા.દ.સંસ્કૃતિ વિદ્યામંદિર નવરંગપુરા, અમદાવાદ-૯