________________
ત્રીજી આવૃત્તિની વેળાએ....
સ્વજનો દ્વારા આવી સંક્ષેપ વિધિ પણ જો કરાવવામાં આવે તો મૃત્યુને સુધારી આપનાર અંત સમયની સમાધિની સાથે સાથે કાંઈક પુણ્યપ્રકૃતિની પ્રાપ્તિ અને પાપપ્રકૃતિથી નિવૃત્તિ અવશ્ય થઈ શકે છે. જીવન દરમિયાન સ્વજનોને ઘણા કાર્યોમાં આપણે પરસ્પર મદદરૂપ થઈએ છીએ તો મૃત્યુ સમયે પણ આવી સહાયતાથી સ્વજનોના પરલોક સુધારવામાં શું મદદરૂપ ન બની શકાય ! આવી જ ભાવનાથી શ્રી હેમંતભાઈએ પ્રસ્તુત પુસ્તકનું પ્રકાશન કર્યું હતું.
પ્રસ્તુત પુસ્તકમાં બિમાર વ્યક્તિની શારીરિક અને માનસિક સ્વસ્થતાને અનુકૂળ એવી વિસ્તારપૂર્વકની આરાધના બતાવવામાં આવી છે. ક્યારેક આકસ્મિક માંદગી વખતે દર્દીની માનસિક સ્વસ્થતા ન હોય તો આશરે ૪૫ મિનિટમાં કરાવી શકાય તેવી ટૂંકી વિધિ પણ દર્શાવવામાં આવી છે. વળી, અત્યંત સંક્ષેપથી માત્ર થોડી ક્ષણોમાં કરાવી શકાય તેવી વિધિ પણ સામેલ કરવામાં આવી છે. ઉપરાંત શ્રાવકશ્રાવિકાઓને કરાવવાની અને પૂ. સાધુ-સાધ્વીજી ભગવંતોને કરાવવાની વિધિને અલગ અલગ રીતે દર્શાવવામાં આવી છે. વિશેષમાં પૂ. સાધુ-સાધ્વીજી ભગવંત કાળધર્મ પામે ત્યારે કરવાની વિધિનો પણ અત્રે સમાવેશ કરવામાં આવ્યો છે.
11
અત્રે ઉલ્લેખનીય છે કે અહીં એમ તો દ્રવ્યક્રિયા જ બતાવવામાં આવી છે પણ ભાવની વિશુદ્ધિ સાથે કરવામાં આવેલી આ જ ક્રિયાઓ પંડિતમરણની પ્રાપ્તિનું પ્રબળ કારણ બની શકે છે, ભવાંતરમાં શુભ ગતિની પ્રાપ્તિનું કારણ બની શકે છે અને પરંપરાએ જન્મ-મરણમાંથી મુક્તિનું કારણ પણ બની શકે છે. અહીં પ્રસ્તુત વિધિની પૂર્ણત્તાનો કોઈ દાવો નથી પરંતુ પ્રયત્ન અવશ્ય કર્યો છે.
સૌ પ્રથમવાર શ્રી હેમંતભાઈના પૂ. પિતાશ્રી હસમુખભાઈને એક પૂ. ગુરુભગવંતે ‘શ્રાવક અંતિમ આરાધના’નું નાનું પુસ્તક વાંચવા આપ્યું અને બીજું ‘સાધુ-સાધ્વીજી અંતિમ આરાધના’નું નાનુ પુસ્તક બતાવ્યું. કર્મયોગે શ્રી હસમુખભાઈને ઈ.સ.૧૯૯૯માં અન્નનળીનું કેન્સર થયું અને ૧૩ માસની માંદગી દરમિયાન તેઓ વારંવાર આ પુસ્તકના આલંબનથી શાતા-સમાધિ ટકાવી શક્યા. મૃત્યુ પૂર્વના છેલ્લા એક કલાકમાં પચ્ચક્ખાણોનું અને વ્રતોનું ગ્રહણ, ચારે આહારનો ત્યાગ, ચાર શરણાનો સ્વીકાર વિગેરે બધી વિધિ પૂ. ગુરુભગવંત પાસે કરવા વડે પૂ. પિતાશ્રીનું મરણ જાણે મહોત્સવ બની ગયું. આખો પરિવાર આવા સમાધિમરણનો સાક્ષી બનીને ધન્ય થઈ ગયો.
તેમના મૃત્યુના ચાર જ દિવસ બાદ વડીલ ફઈબા શ્રી લીલીબેનની પણ આકસ્મિક તબિયત લથડી અને પૂ. સાધ્વીજી ભગવંતને બોલાવીને તેઓને પણ
