________________ [ 229 ભવે છે. એ જ પત્રના પાછળના ભાગે શ્રી પૃથ્વીરાજ કવિ લખી આપે છે કે “હે સૂર્યવંશી રાજાધિરાજ રાજેશ્વર મહારાણજી ! અમે તે અમારી બહેન-બેટી અને કન્યાઓ અકબર બાદશાહને અર્પણ કરી અમારા કુળવંશને કલંકિત કર્યું છે, આર્યસંસ્કૃતિને અને આર્યતાને અક્ષમ્ય બટ્ટો લગાવ્યો છે. એ કલંક પુષ્કરાવમેઘ કે સ્વયંભૂરમણ સમુદ્રના જળથી પણ નહિ જોવાય તેવું ભયંકર છે. તથાપિ અમે અહીંયાં અકબર બાદશાહના રાજદરબારમાં બેઠાં બેઠાં પણ ગૌરવ અનુભવીએ છીએ કે, અમારા ક્ષત્રિય રાજાઓમાં આપ શ્રીમાનશ્રીજી એક એવા અણનમ રણબંકા પાક્યા છે, કે જેને વિશ્વની કઈ પણ નામાંકિત શક્તિ કે વ્યક્તિ (વિભૂતિ) નમાવી શકે તેમ નથી. આપ શ્રીમાનજીની અણુનમ ટેકના કારણે આજે પણ ક્ષાત્રતેજ મધ્યાહને તપતા સૂર્યના તેજ જેવું જાજવલ્યમાન રહ્યું છે આપ શ્રીમાનજી શરણાગતિનો વિચાર કરશે તો આપની અણનમ ટેક ખંડિત થશે, અને ક્ષાત્રતેજ મેળું પડી સાવ નિસ્તેજ થશે. આપ શ્રીમાનજીને અમારી પરમ વિનમ્ર હાર્દિક, વાચિક અને લેખિત અભ્યર્થના છે કે આપ શ્રીમાનશ્રીજી આપની અણુનમ ટેકમાં પૂર્ણ નિર્ભય રહો.”
