Jain Kathaye

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 152

ਤੁਸੀਂ ਲੋਕ ਤੱਪਸਵੀ ਨੂੰ ਅਪਮਾਨਿਤ ਕਰਕੇ ਜਾਨ ਬੁਝ ਕੇ ਪਰਬਤ ਨਾਲ ਸਿਰ ਤੋੜ ਰਹੇ ਹੋ। ਬਲਦੀ ਅੱਗ ਵਿੱਚ ਕਿਉਂ ਸੜਦੇ ਹੋ? ਇਹ ਮੁਨੀ ਅਪਣੀ ਸ਼ਕਤੀ ਰਾਹੀਂ ਇੱਕ ਪਲ ਵਿੱਚ ਸਾਰੇ ਸੰਸਾਰ ਨੂੰ ਖਤਮ ਕਰਨ ਦੀ ਸ਼ਕਤੀ ਰੱਖਦੇ ਹਨ।
ਯਕਸ਼ ਨੂੰ ਬ੍ਰਾਹਮਣਾਂ ਦੇ ਦੁਰਵਿਵਹਾਰ ਤੇ ਬਹੁਤ ਗੁੱਸਾ ਆਇਆ। ਉਸਨੇ ਆਪਣੇ ਸਰੀਰ ਵਿੱਚੋਂ ਇਕ ਚਿੰਗਾਰੀ ਕੱਢੀ, ਮੁਨੀ ਨੂੰ ਕੁਟਨ ਵਾਲੇ ਸਾਰੇ ਲੋਕ ਪੁੱਠੇ ਹੋ ਕੇ ਗਿਰਨ ਲੱਗੇ। ਉਹਨਾਂ ਨੂੰ ਖੂਨ ਦੀਆਂ ਉਲਟੀਆਂ ਲੱਗ ਗਈਆਂ ਅਤੇ ਕਈ ਪਾਗਲਾਂ ਵਾਂਗੋ ਚਿਲਾਉਣ ਲੱਗੇ। ਆਖਰ ਪਰੋਹਿਤ ਪਰਿਵਾਰ ਨੇ ਅਪਣੀ ਗਲਤੀ ਤੇ ਕੀਤੇ ਬੁਰੇ ਵਿਵਹਾਰ ਲਈ ਖਿਮਾ ਮੰਗੀ, ਯਕਸ਼ ਨੇ ਸਭ ਨੂੰ ਠੀਕ ਕਰ ਦਿਤਾ। ਸ਼ਰਧਾ ਵੱਸ ਖੁਸ਼ ਹੋ ਕੇ ਬ੍ਰਾਹਮਣ ਰੁਦਰਦੱਤ ਨੇ ਮੁਨੀ ਨੂੰ ਭਿਖਸ਼ਾ ਦਿੱਤੀ। ਇਸ ਦਾਨ ਤੋਂ ਸਵਰਗ ਦੇ ਦੇਵਤੇ ਖੁਸ਼ ਹੋਏ ਅਤੇ ਉਹਨਾਂ ਸੋਨੇ ਚਾਂਦੀ ਦੇ ਸਿਕੇ ਵਰਸਾਉਣੇ ਸ਼ੁਰੂ ਕਰ ਦਿਤੇ।
ਅਕਾਸ਼ ਵਿੱਚ ਦੇਵਤੇ ਖੁਸ਼ੀ ਨਾਲ ਬਾਜੇ ਬਜਾਉਣ ਲੱਗੇ, ਸਾਰੇ ਲੋਕ ਹਰੀ ਕੇਸ਼ੀ ਮੁਨੀ ਦੀ ਤੱਪਸਿਆ ਦੀ ਪ੍ਰਸੰਸਾ ਕਰਨ ਲੱਗੇ। ਬ੍ਰਾਹਮਣਾਂ ਨੇ ਸ਼ਰਧਾ ਵੱਸ ਹਰੀ ਕੇਸ਼ੀ ਮੁਨੀ ਤੋਂ ਪੁਛਿਆ, “ਸੱਚਾ ਯੁੱਗ ਕਿਹੜਾ ਹੈ? ਸੱਚਾ ਯੱਗ ਕਿਵੇਂ ਕਰ ਸਕਦੇ ਹਾਂ? ਸੰਸਾਰ ਵਿੱਚ ਪੁੰਨ ਦੇ ਖੇਤਰ ਕਿਹੜੇ ਹਨ, ਜਿੱਥੇ ਦਾਨ ਦੇਣ ਨਾਲ ਕਲਿਆਣ ਹੁੰਦਾ ਹੈ?” ਹਰੀ ਕੇਸ਼ੀ ਮੁਨੀ ਨੇ ਉੱਤਰ ਦਿਤਾ, “ਹੇ ਬ੍ਰਾਹਮਣੋ ! ਅਪਣੀ ਆਤਮਾ ਨੂੰ ਯੱਗ ਦਾ ਅਗਨੀ ਕੁੰਡ ਸਮਝੋ, ਜਿਸ ਵਿੱਚ ਤੱਪ ਦੀ ਜੋਤ ਜਲਦੀ ਹੈ, ਸ਼ੁਭ ਕਰਮਾਂ ਰਾਹੀਂ ਸ਼ੁਭ ਵਿਚਾਰਾਂ ਦੀ ਆਹੂਤੀ ਦੇਵੋ ਸੱਚਾ ਸਦਾਚਾਰੀ ਅਤੇ ਸੰਜਮੀ ਹੀ ਬ੍ਰਾਹਮਣ ਹੈ। ਧਰਮ ਰੂਪੀ ਤਲਾਬ ਵਿੱਚ ਬ੍ਰਹਮਚਰਜ ਸ਼ਾਂਤੀ ਤੀਰਥ ਉੱਪਰ ਜੋ ਕਸ਼ਾਏ ਨੂੰ ਸ਼ਾਂਤ ਕਰਕੇ ਸਮ ਭਾਵ ਰੂਪੀ ਜਲ ਇਸਨਾਨ ਕਰਦਾ ਹੈ। ਉਹ ਸਦਾ ਪਵਿੱਤਰ ਰਹਿੰਦਾ ਹੈ”।
[139]