Jain Kathaye

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 173

ਇਕ ਹਾਥੀ ਪਾਗਲ ਹੋ ਗਿਆ ਅਤੇ ਸੰਗਲ ਤੁੜਵਾ ਕੇ ਭੱਜ ਗਿਆ। ਲੋਕ ਇਧਰ ਉਧਰ ਭੱਜ ਰਹੇ ਸਨ ਮਹਾਂਪਦਮ ਨੇ ਉਸ ਨੂੰ ਫੜ ਕੇ ਕਾਬੂ ਕਰ ਲਿਆ।
ਜਦ ਰਾਜੇ ਨੂੰ ਇਸ ਗੱਲ ਦੀ ਖਬਰ ਲੱਗੀ ਤਾਂ ਰਾਜੇ ਨੇ ਖੁਸ਼ ਹੋ ਕੇ ਆਪਣੀਆਂ 100 ਪੁੱਤਰੀਆਂ ਦਾ ਵਿਆਹ ਮਹਾਂਪਦਮ ਨਾਲ ਕਰ ਦਿਤਾ। ਪਰ ਮਹਾਂਪਦਮ ਦੇ ਮਨ ਵਿੱਚ ਤਾਂ ਮਦਾਬਲੀ ਬੈਠੀ ਹੋਈ ਸੀ।
ਇੱਕ ਸਮੇਂ ਰਾਤ ਵੇਲੇ ਸੌਂਦੇ ਹੋਏ ਮਹਾਂਪਦਮ ਨੂੰ ਕੋਈ ਵਿਦਿਆ ਧਰਨੀ ਚੁੱਕ ਕੇ ਵੈਤਾਢਿਆ ਪਰਬਤ ਉਤੇ ਵਸੇ ਸੂਰੋਉਦੇ ਨਗਰ ਵਿੱਚ ਲੈ ਗਈ। ਜਿਥੇ ਇੰਦਰਧਨੁਸ਼ ਨਾਂ ਦੇ ਵਿਦਿਆਧਰ ਰਾਜੇ ਦੇ ਸਪੁਰਦ ਕਰ ਦਿਤਾ। ਇੰਦਰਧਨੁਸ ਨੇ ਆਪਣੀ ਪੁੱਤਰੀ ਜੈ ਕਾਂਤਾ ਦਾ ਵਿਆਹ ਉਸ ਨਾਲ ਕਰ ਦਿਤਾ। ਇਸ ਕਾਰਨ ਉਸ ਦੇ ਮਾਮੇ ਦੇ ਭਰਾ ਗੰਗਾਧਰ ਅਤੇ ਮਹੀਂਧਰ ਮਹਾਂਪਦਮ ਤੋਂ ਗੁੱਸੇ ਹੋ ਗਏ। ਉਹਨਾਂ ਨੂੰ ਯੁੱਧ ਦੇ ਮੈਦਾਨ ਵਿੱਚ ਜਿੱਤ ਕੇ ਮਹਾਂਪਦਮ ਵਿਦਿਆਧਰਾਂ ਦਾ ਰਾਜਾ ਬਣ ਗਿਆ। ਪਰ ਉਸ ਨੂੰ ਮਨਾਬਲੀ ਦੀ ਯਾਦ ਸਤਾਉਣ ਲੱਗੀ, ਉਹ ਫਿਰ ਆਸ਼ਰਮ ਵਿੱਚ ਆਇਆ ਅਤੇ ਮਦਾਬਲੀ ਨਾਲ ਵਿਆਹ ਕਰ ਲਿਆ। ਵਿਦਿਆਧਰਾਂ ਦਾ ਰਾਜਾ ਬਣ ਕੇ ਮਹਾਂਪਦਮ ਅਥਾਹ ਸੰਪਤੀ ਲੈ ਕੇ ਘਰ ਆਇਆ ਅਤੇ ਮਾਤਾ ਪਿਤਾ ਨੂੰ ਮਿਲਕੇ ਬਹੁਤ ਖੁਸ਼ ਹੋਇਆ। | ਕੁੱਝ ਦਿਨਾਂ ਬਾਅਦ ਸੁਵੱਰਤਾਚਾਰਿਆ ਹਸਤਿਨਾਪੁਰ ਨਗਰ ਦੇ ਬਾਹਰ ਪਧਾਰੇ ਵਿਸ਼ਨੂਕੁਮਾਰ ਤੇ ਮਹਾਂਪਦਮ ਦੇ ਨਾਲ ਰਾਜਾ ਵੀ ਉਹਨਾਂ ਨੂੰ ਵੰਦਨਾ ਨਮਸਕਾਰ ਕਰਨ ਲਈ ਗਏ। ਆਚਾਰਿਆ ਨੇ ਧਰਮ ਉਪਦੇਸ਼ ਦਿਤਾ ਧਰਮ ਉਪਦੇਸ਼ ਸੁਣਕੇ ਵਿਸ਼ਨੂਕੁਮਾਰ ਨੂੰ ਵੈਰਾਗ ਹੋ ਗਿਆ। ਉਸ ਨੇ ਰਾਜ ਤਿਆਗ ਕੇ ਸਾਧੂ ਜੀਵਨ ਸਵੀਕਾਰ ਕਰ ਲਿਆ।
[160]