Jain Kathaye

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 197

46
ਸਕੰਦਕ ਮੁਨੀ ਦਾ ਚੇਲਾ
ਵਸਤੀ ਨਗਰੀ ਦੇ ਰਾਜਾ ਜਿਤਸ਼ਤਰੂ ਦਾ ਪਿਆਰਾ ਪੁੱਤਰ ਸਕੰਦਕ ਕੁਮਾਰ ਬਚਪਨ ਤੋਂ ਹੀ ਧਰਮ ਪ੍ਰਤੀ ਸ਼ਰਧਾਵਾਨ ਸੀ। ਇੱਕ ਵਾਰ ਮਿੱਤਰ ਦੇਸ਼ ਦੇ ਮੰਤਰੀ ਪਾਲਕ ਕਿਸੇ ਕੰਮ ਵਸਤੀ ਨਗਰੀ ਆਏ ਹੋਏ ਸਨ। ਉਹਨਾਂ ਰਾਜ ਸੰਬਧੀ ਕੰਮ ਕਰਨ ਤੋਂ ਬਾਅਦ ਰਾਜ ਸਭਾ ਵਿੱਚ ਮੰਤਰੀ ਨੇ ਧਰਮ ਚਰਚਾ ਚਲਾਈ ਅਤੇ ਆਖਿਆ, “ਸਵਰਗ, ਨਰਕ, ਆਤਮਾ, ਪੁੰਨ ਪਾਪ ਆਦਿ ਸਭ ਧਰਮ ਆਚਰਿਆਂ ਦੇ ਢੱਕੋਂਸਲੇ ਹਨ। ਅਸਲ ਵਿੱਚ ਮੌਤ ਤੋਂ ਬਾਅਦ ਕੁੱਝ ਵੀ ਨਹੀਂ ਹੈ” ਸਕੰਦਕ ਕੁਮਾਰ ਇਹ ਚਰਚਾ ਪਸੰਦ ਨਾ ਆਈ ਉਹਨਾਂ ਮੰਤਰੀ ਨਾਲ ਖੁਲ੍ਹੀ ਚਰਚਾ ਕੀਤੀ ਅਤੇ ਯੁਕਤੀ ਨਾਲ ਮੰਤਰੀ ਦੀ ਹਰ ਗੱਲ ਦਾ ਖੰਡਣ ਕੀਤਾ। ਸਕੰਦਕ ਕੁਮਾਰ ਦੇ ਮੁੱਖ ਧਰਮ ਦੀ ਇਸ ਪ੍ਰਕਾਰ ਚਰਚਾ ਸੁਣ ਕੇ ਸਾਰੇ ਮੰਤਰੀ ਪ੍ਰਸ਼ਨ ਹੋਏ ਅਤੇ ਰਾਜਕੁਮਾਰ ਦੀ ਗੱਲ ਨੂੰ ਸੱਚ ਮੰਨ ਲੱਗੇ ਮੰਤਰੀ ਪਾਲਕ ਦਾ ਪੱਖ ਕਿਸੇ ਨੂੰ ਪਸੰਦ ਨਹੀਂ ਆਇਆ। ਸ਼ਰਮਿੰਦਾ ਹੋ ਕੇ ਪਾਲਕ ਉੱਥੋਂ ਚਲਾ ਗਿਆ ਅਤੇ ਬਦਲਾ ਲੈਣ ਲਈ ਮੌਕਾ ਤਲਾਸ ਕਰਨ ਲੱਗਾ।
ਇੱਕ ਸਮੇਂ ਭਗਵਾਨ ਮੁਨੀਸਵਰਤ ਸਵਾਮੀ ਵਸਤੀ ਨਗਰੀ ਪਧਾਰੇ। ਰਾਜ ਕੁਮਾਰ ਸਕੰਦਕ ਅਤੇ ਹੋਰ ਲੋਕ ਭਗਵਾਨ ਨੂੰ ਨਮਸਕਾਰ ਕਰਨ ਅਤੇ ਵੇਖਣ ਆਏ। ਭਗਵਾਨ ਦਾ ਉਪਦੇਸ਼ ਸੁਣ ਕੇ ਰਾਜਕੁਮਾਰ ਨੂੰ ਵੈਰਾਗ ਉਤਪਨ ਹੋ ਗਿਆ ਅਤੇ ਉਹ 500 ਰਾਜਕੁਮਾਰਾਂ ਨਾਲ ਭਗਵਾਨ ਮੁਨੀਸਵਰਡ ਸਵਾਮੀ ਕੋਲ ਦੀਖਿਅਤ ਹੋ ਗਿਆ। ਸੰਜਮ ਧਾਰਨ ਕਰਕੇ ਉਸ ਨੇ ਬਿਨੈ ਪੂਰਵਕ ਗਿਆਨ ਦਾ ਆਚਰਨ ਕੀਤਾ। ਉਹ ਨਿਰਮਲ ਭਾਵ ਨਾਲ ਤੱਪਸਿਆ ਕਰਨ ਲੱਗਾ।
[184]