Gyansara

Author(s): Chitrabhanu
Publisher: Divya Gyan Sangh

Page 25

જ્ઞાનસાર
ભગવાનની ભકિતમાં કે માળાના જપમાં, પુસ્તકના વાચનમાં કે ધ્યાનની એકાગ્રતામાં, ડહોળાણ કોને લીધે થાય છે ? તરંગોને લીધે જ ને ? પ્રભુને વિચાર કરો ત્યાં ઑફિસ ને તરંગ, માળામાં મીલનો તરંગ, પરમાત્મામાં પગારને તરંગ એમ અનેક તરંગો એક પછી એક આવ્યા જ કરે.
જેમ જેમ તરંગ અવસ્થા વધતી જાય તેમ મન અશાંત બનતું જાય છે. મનની અશાંતિ સમગ્ર શરીર ઉપર અસર કરે છે. તમને થાક લાગે છે. સાંજ થાય એટલે શરીર તૂટે છે, કેમ તૂટે છે ? આ શરીરમાં તૂટવા જેવું કાંઈ નથી.
જ્યાં સુધી ચાલે ત્યાં સુધી ચાલે, ન ચાલે ત્યારે લાંબું થઈ જાય. પણ શરીરમાં થાક લાગે છે, બગાસાં આવે છે, કંટાળો આવે છે. એનું કારણ શું છે ? મનને જે દિશામાં જવું છે, એને એકસરખી દિશા મળતી નથી, માર્ગમાં અવરોધ આવ્યા કરે છે, ઘડીએ ઘડીએ એને ટકરાવું પડે છે, ઠુકરાવું પડે છે, અથડાવું પડે છે. જે વેગવંતી ગતિથી જાય છે એ જ વેગથી પાછા આવવું પડે છે. મનને બહુ ધક્કા લાગે છે.
કોઈ વાર દીકરા તરફથી લાગે, કોને કહે? કોઈવાર પત્ની તરફથી લાગે ત્યારે થાય કે આ પચાસ વર્ષ છૂટાછેડા પણ કેમ લેવાય ? કોઈવાર ભાગીદારથી ઈચ્છા વિરુદ્ધ થાય, મન અસ્વસ્થ થઈ જાય.
આમ ઘણી ઘણી આઘાતેની થપાટ લાગતી હોય છે, એ થપાટને લીધે થાકી જાઓ છે. મેટું લાલ રાખવા માટે દુનિયામાં બેલે, હસે, ખુશી કરે પણ એ હાસ્ય અંદરથી નથી આવતું. અંદર તે અસ્વસ્થતા છે, અંદર તરગેની હારમાળા છે. માણસ ગમે ત્યાં જાય પણ દુઃખ સાથે જ છે.