Gurutattva Siddhi

Author(s): Bhavyasundarvijay
Publisher: Jingun Aradhak Trust

Page 252

परिशिष्ट-३
२०
परिशिष्ट-३ ।। श्री-श्रीधर-विरचितम् गुरुस्थापनाशतकम् ।। नमिरसुरमउडमाणिक्कतेयविच्छुरियपयनहं सम्म । नमिऊण वद्धमाणं वुच्छं गुरुठावणा-सयगं ॥१॥ हीणमई अप्पसुओ अनाणसिरिसेहरो तहा धणियं । गंभीरागमसायर - पारं पावेउमसमत्थो ॥२॥ जुग्गोहमजुग्गो वि हु जाओ गुरुसेवणाइ तं जुत्तं । जं सूरसेवणाए चंदो वि कलाणिही जाओ ॥३॥ गुरुआगाराओ सुत्तत्थ-रयणाणं गाहगा य तिण्णेव । रागेण य दोसेण य मज्झत्थत्तेण णेयव्वा ॥४॥ पढमो बीओऽणरिहो तइओ सुत्तत्थरयणजुग्गु त्ति । दिलुतो आयरिओ अंबेहि पओयणं जस्स ।।५।। धम्मं विणयपहाणं जे(जं ?) भणियं इत्थ सत्थगारेहिं । सो कायव्वो चउविहसंघो समणाइए सम्मं ।।६।। जं विणओ तं मुखं(क्खं ?) छंडिज्जा पंडिएहिं नो कह वि । जं सुयरहिओ वि नरो विणएण खवेय(इ) कम्माइं ॥७॥ जिणसासणकप्पतरुमूलं साहू सुसावया साहा । मूलम्मि गए तत्थ य अवरं साहाइयं विहलं ।।८।। सिरिपुंडरीयपमुहो दुप्पसहो जाव चउविहो संघो । भणिओ जिणेहि जम्हा न हु तेण विणा हवइ तित्थं ॥९॥ न विणा तित्थं नियंठेहिं नातित्था य नियंठया । छक्कायसंजमो जाव ताव अणुसज्जणा दोण्हं ।।१०।। तम्हा आयरिया वि हु संति नत्थि त्ति जे वियारंति । तं मिच्छा जओ जणे ते च्चिय सुत्तत्थदायारो ।।११।। बहुमुंडे अप्पसमणे य इय वयणाओ य संति आयरिया । जेसिं पसाया सड्डा धम्माधम्म वियाणंति ।।१२।।