Gurutattva Siddhi

Author(s): Bhavyasundarvijay
Publisher: Jingun Aradhak Trust

Page 257

२३४
गुरुतत्त्वसिद्धिः साहूहिं विणा धम्मो वुच्छिण्णो आसि दुसमसुसमाए । सड़ेहि समत्थेहि वि न रक्खिओ अज्ज का वत्ता ? ॥६८।। समणसमणीहि सावय-सुसावियाहिं च पवयणं अस्थि । मण्णसु चउसमवायं जइ इच्छसि सुद्धसम्मत्तं ।।६९।। संघे तित्थयरम्मि सूरीसुं सूरिगुणमहग्घेसु । अप्पच्चओ न जेसिं तेसिं चिय दंसणं सुद्धं ।।७।। जे उण इय विवरीया पल्लवगाही सुबोहसंतुट्ठा । सुबहुं पि उज्जमंता ते दंसणबाहिरा नेया ।।७१।। जह वि हु पमायबहुला मुणिणो दीसंति तह वि नो हेया । जेसिं सामायारी सुविसुद्धा ते हु नमणिज्जा ॥७२।। जइ एवं पि हु भणिए मण्णिस्सह नेय साहुणो तुब्भे । ता उभओ भट्ठाणं न सुग्गई नेय परलोगो ॥७३॥ जम्हा गुरूण सिक्खं सिक्खंत च्चिय हवंति हु सुसीसा । तेसिं पुण पडिणीया जम्मणमरणाणि पावंति ।।७४।। हंतूण स(से ?) वमाणं सीसे होऊण ताव सिक्खाहि । सीसस्स हुंति सीसा न हुंति सीसा असीसस्स ॥७५। जइ गुरुआणाभट्ठो सुचिरं पि तवं तवेइ जो तिव्वं । सो कूलवालयं पिव पणट्ठधम्मो लहइ कुगइं ॥७६।। अवमण्णंतो नियगुरुवयणं जाणंतओ वि सुत्तत्थं । इक्कारसंगनिउणो वि भवे जमालिव्व लहइ दुहं ॥७७।। संपइ सुगुरूहि विणा छउमत्थाणं न कोई आहारो । साहूण जओ विरहे सड्डा वि हु मिच्छगा जाया ।।७८।। मइभेयाऽसच्चग्गह २ संसग्गीए ३(य) अभिणिवेसेणं । चउहा खलु मिच्छत्तं साहूणमदंसणेणऽहवा ॥७९।। जिणवयणं दुण्णेयं अइसयनाणीहिं नज्जए सम्मं । ववहारो पुण बलवं न निसेहो अस्थि साहूणं ।।८।।