________________
બ્રહ્મશુદ્ધિ
ચાતુર્માસ બાદ એક મોટા તીર્થમાં પોષદશમીની આરાધના માટે જવાનું હતું. ઉપધાનની માળ બાદ નીકળીએ ને એ તીર્થમાં પહોંચીએ ત્યાં તો સમય થઈ જાય. છ'રી પાળતા સંઘ સાથે એ તીર્થમાં જવાની વાત આવી. લાભાર્થીઓ તૈયાર હતાં. યાત્રિકોની સંખ્યા પણ થાય એમ હતી. સંઘ સાથે જવામાં એ ક્ષેત્રની પ્રતિકૂળતાઓ નડવાની ન હતી. છતાં વીસ-પચ્ચીશ મહાત્માઓના સમુદાય સાથે ગુરુદેવ વિના સંઘે એ તીર્થમાં પધાર્યા. સંઘ કાઢવાની ના પાડી દીધી. ન વાજા-ગાજા.. ન શાહી રસોડા.. ન લોકોના ટોળા.. ન રજવાડી સામૈયા...
સંઘયાત્રાને ટાળવાની આ રીત પરમ ગુરુદેવ પાસેથી એમને વારસામાં મળી છે. સ્થાન-વિહાર આદિમાં વિજાતીયના દર્શનાદિથી સ્વયં મુક્ત રહેવાનો અને આશ્રિતોને મુક્ત રાખવાનો આ સીધો, સરળ ને સફળ પ્રયાસ. દર વર્ષે ગુરુદેવ અનેક સંઘયાત્રાઓને ટાળતા જ રહે છે. કેટલાંક કારણિક અપવાદો સિવાય તેમણે સંઘયાત્રામાં નિશ્રા આપવાનો સ્વીકાર કર્યો નથી.
