________________
ગુરુદેવની ઈચ્છા ગોચરી વાપરીને હોસ્પિટલમાં જવાની હતી. મહાત્માની ખબર કાઢવા. મારે સાથે જવાનું હતું. ગુરુદેવા તો પાંચ મિનિટમાં વાપરી લે. મારી ઓળી ચાલતી હતી. મારું આયંબિલ પૂરું થાય ત્યાં સુધી ગુરુદેવને રાહ જોવી પડે. આવું ન થાય, તે માટે મેં ગોચરીમાં માત્ર પ્રવાહી લીધું. બે મિનિટમાં આયંબિલ પૂરું. મને તૈયાર થયેલો જોઈને ગુરુદેવને ખ્યાલ આવી ગયો, કે મેં કેવી રીતે આયંબિલ કર્યું હશે. ગુરુદેવ નારાજ થઈ ગયા. મને ઠપકો આપ્યો અને કહ્યું કે “જા, હવે હું તને સાથે નહીં લઈ જાઉં.” અને ખરેખર ગુરુદેવ બીજા મહાત્મા સાથે હોસ્પિટલમાં પધાર્યા.
પેલું સુભાષિત ગુરુદેવમાં કેવું ફીટ બેસે છે – वज्रादपि कठोराणि, मृदूनि कुसुमादपि । लोकोत्तराणां चेतांसि, को हि विज्ञातुमर्हति ॥
વજ કરતાં પણ કઠોર અને પુષ્પ કરતાં પણ કોમળ આવું હોય છે લોકોત્તર પુરુષોનું મન. આપણા જેવા તેને શી. રીતે સમજી શકે ?
માત્ર પોતાના શિષ્ય પર નહીં, સમગ્ર ચતુર્વિધ સંઘ પર ગુરુદેવે અનરાધાર વાત્સલ્ય વરસાવ્યું છે.
૪૫
