________________
પાટ અને લંબગોળ પત્થરના સહારે સદંતર ભૂંસી નાખ્યું. ખાવાના રસિયા બહેનોએ મારું નાની નાની લાડુલીનું રૂપ આપ્યું. બસ, હવે હું મુક્ત બન્યો એમ તમને લાગશે. પણ ના, એ નાની નાની લાડુલીને બહેનોએ ગરમા ગરમ તેલમાં તળી મારા કાચા દ્રવ્યરૂપ અણુ અણુને પાકા બનાવી ઝારાથી તેલમાંથી બહાર કાઢી થાળીમાં પછાડી દીધો. હજી અગ્નિ પરીક્ષા બાકી હતી એટલે મને પાછો પાણીમાં ઝબોળી દીધો.
રે રે વિધાતા ! તેં આ શું કર્યું? હવે તો મને મુક્ત કર ! એવો પુકાર કરું ત્યાં વળી બે હાથની વચ્ચે મને દબાવી મારામાં રહેલું પાણી નિચોવી વળી ગરમ કરેલા દહીંમાં પધરાવી દીધો. જ્યારે હું ડિસમાં ખાવા માટે પીરસાયો-ગોઠવાયો ત્યારે મારા ઉપર બાકી હતું તો મારા નવા શરીર ઉપર મીઠું, મરચું, ચટણી વિગેરે નાખીને મનુષ્યની જીભડીને પ્રસન્ન કરી. તેઓએ મને ખાવાનું શરૂ કર્યું.
આ કથા વડાએ એટલા માટે ગાઈ કે, હે જીવ ! જો તારે લબ્ધલક્ષ્ય થવું હોય તો એક ક્ષણ મેં મારા જીવનનું અસ્તિત્વ બીજાના ક્ષણિક સુખ માટે ખોઈ નાખ્યું તેમ તું પણ તારા જીવનની સફળતા માટે તારામાં રહેલી ઉણપોને, ખામીઓને, ક્ષતિઓને તારાથી મુક્ત કર. આ જીવન બહુમૂલ્યવાન છે. તેની એક એક ક્ષણ કિંમતી છે. જે દિવસે ક્ષતિઓ તારાથી દૂર થશે તે દિવસથી તારા જીવનમાં પાપ શબ્દ ભૂંસાઈ જશે.
( પાપ પ્રગતિરોધક છે. પાપ સંસારવર્ધક છે. પાપ દુખદાયક છે, એની શક્તિ પહોંચ તો તે સંસારીને ૩૩ કોડાકોડી સાગરોપમ સુધી નરકની વેદના અપાવવા સમર્થ છે. તારે ભોગવવી છે? જોઈએ છે? જો ન જોઈતી હોય તો સમજી જા. તારી સમજમાં જ બધું સમાયેલું–છૂપાયેલું છે. તારું શાશ્વતું અજરામર સ્વરૂપ આ એકવીસ ગુણ દ્વારા પ્રાપ્ત કર. ઘર્મપ્રાસાદના મહેલમાં સમજી વિચારી પ્રવેશ કર. ત્યાં જીવનમાં જે દુર્ગુણો છે તેનો ત્યાગ કર તો જ તારી ઈચ્છા પૂર્ણ થશે. તો જ સ્વ-આત્માને સ્વના શાશ્વતા ધામમાં પહોંચાડી શકીશ. એ સ્થળે સત્વરે પહોંચી જા એજ મંગળકારીકલ્યાણકારી ભાવના...
