________________
Shri Mahavir Jain Aradhana Kendra
એપ્રિલ - ૨૦૦૬
www.kobatirth.org
પરમપૂજ્ય આ.શ્રી કુન્દકુન્દસૂરીશ્વરજી પ્રેરિત અને મા સરસ્વતીના ખોળે સમય, શક્તિ અને વિત્તનું અર્ધ્ય ચડાવનાર જૈનેતર છતાં સવાયા જૈન બનનાર શ્રી નંદલાલભાઈ દેવલુક રચિત ‘શ્રી ચતુરર્વિધ સંઘઃ તવારિખની તેજછાયા' ગ્રંથ એટલે શ્રી જૈન શાસનના ઐતિહાસિક સુવર્ણમય દસ્તાવેજનું મહામૂલું નજરાણું. શ્રી જૈનશાસનનું સિંહાસન જેના આધારે અચલ અને અજોડરૂપે પ્રતિભાવંત બન્યું છે એવા ચાર આધારસ્તંભો એટલે સાધુ-સાધ્વી - શ્રાવક અને શ્રાવિકા. શ્રી તીર્થંકર પરમાત્મા પોતે નમસ્કાર કરીને 'નમો તિત્થસ્સ' કહીને જેની સ્થાપના કરે છે એ ચતુર્વિધ સંઘ આ શાસનને ઝળહળતું રાખે છે. આ વિરાટ ગ્રંથમાં સારસ્વત સંપાદકે એવા પ્રતાપી પૂર્વાચાર્યો, શાસ્ત્ર વિસારો, વિદ્યાવાચસ્પતિઓ, શ્રુત સાધકો, ચૌદપૂર્વના પારગામીઓ, પ્રખર પંડીતો, આગમના બહુશ્રુત ભાષ્યકારો, પ્રભાવક આચાર્યો, ધર્મગુરુઓ, લબ્ધિધારી સાહિત્યકારો, વિદ્યાપુરુષો, શ્રુતશણગારના અધિકારીઓ, શ્રમણરત્નો, સંયમદીપના પ્રકાશક મુનિ ભગવંતો, પ્રબુદ્ધ પ્રતિભાઓ, તેજસ્વી તારકસમા સાધક સૂરિઓ, શાસનના આભૂષણ એવા શ્રમણીરત્નો, વિદૂષીઓ, શ્રી જૈન શાસનના ઉદ્યાનમાં સુગંધ લહેરાવનારા પ્રેરણાદાયી સાધ્વીજીઓ, આરાધકો, ઉપાસકો અને જ્ઞાનદાતા કર્મવીરો, ગુણાનુરાગી શ્રાવકો, તપસ્વીરત્નો, શ્રી જૈન સંસ્કૃતિના રખેવાળ ગણાતા સંવર્ધકો, યુગપુરુષોની તેજરેખાને જન્મ આપનાર સુશ્રાવિકાઓ, સંયમમૂર્તિ અને માનવતાની સરવાણી વહેવડાવનારા નારીરત્નોના પ્રાચીન અને અર્વાચીન આલેખને સમાવનાર આ મહાગ્રંથનું વિમોચન અમદાવાદમાં થયું.
શ્રી ચતુર્વિધ સંઘઃ તવારીખની તેજછાયા એક અવલોકન
: અવલોકનકાર ડૉ.પ્રફૂલ્લાબેન વોરા
અકલ્પ્ય ઉપકારી એવા શ્રી અરિહંત પરમાત્માનું આર્હત્ત્વ તેમજ સિદ્ધોનું સિધત્ત્વ પામ્યાની સાર્થકતા ધરાવનારા શ્રી સુધર્માસ્વામીની ગૌરવશાળી પાટ પરંપરાના પ્રભાવકો, વંદનીય શ્રમણ - શ્રમણીઓ અને યશસ્વી શ્રાવક - શ્રાવિકાઓ શ્રી જૈન શાસનની યશગાથાઓ છે. વર્તમાન સમયે પણ શ્રી ચતુર્વિધસંઘે આ વૈભવશાળી વારસાને જાળવવા માટેનો મહાન પુરુષાર્થ કરીને ઉચિત
૧૫
Acharya Shri Kailassagarsuri Gyanmandir
શ્રી આત્માનંદ પ્રકાશ : વર્ષ: ૬, અંક ૨
યોગદાન આપ્યું છે. આથી જ આ વારસો જાળવવો અનિવાર્ય છે. નહિં તો અનેક પ્રાચીન સંસ્કૃતિ જે રીતે કાળના ઝંઝાવાતી પ્રવાહમાં વિલીન થઈ ગઈ, એ રીતે આ ભવ્ય પરંપરાની માહિતી પણ વર્તમાન તથા ભાવિ પેઢી માટે અલભ્ય બની જાય. છેવટે ભાવિ પેઢી આ ઉજ્જવળ વારસાથી વંચિત રહે. શ્રી નંદલાલભાઈ દેવલુક ભાવિ પેઢીનું ભવિષ્ય અંધકારમય ન બની જાય તેની ચિંતા કરીને આ મહામૂલા વારસાને શ્રી જૈન શાસનને ગ્રંથસ્વરૂપે સમર્પિત કર્યો છે.
સહસ્ર પાંખડીઓ (પૃષ્ઠસંખ્યા) ધરાવતા આ ગ્રંથ પુષ્પમાં જાજરમાન તેજતારકોની સૌરભ અને સમર્પણ ભાવ લહેરાતા અનુભવવા એ પણ સદ્ભાગ્ય ગણાય. આવું મહા ભગીરથ કાર્ય કરવાનો સંકલ્પ કરવો એ જ પરમાત્માની કૃપાદૃષ્ટિ દર્શાવે છે. સર્જકની શ્રદ્ધાનો આથી બીજો મોટો પુરાવો શો હોઈ શકે ? આ ગ્રંથનું નિર્માણ મોટી તપશ્ચર્યા પણ માગી લે છે. સાધના, ધીરજ અને ખંત વગર આ મહાકાર્ય શક્ય જ નથી. તેથી એમ કહી શકાય કે પરિશ્રમ, ખંત, ચોકસાઈ અને પુરૂષાર્થ એ આ સાધના સ્વસ્તિકની ચાર ભુજાઓ છે. તેના પરિણામે જ આ ગ્રંથ પ્રાપ્ત થયો છે. શ્રી જૈન શાસનને ચરણે ધરેલા આ દસ્તાવેજી મહાગ્રંથના આલેખનમાં રચિયતાની રસપ્રદ શૈલી અને સરળ છતાં અલંકૃત ભાષાવૈભવના દર્શન થાય છે.
આ ગ્રંથના સંપાદનની કેડી કઈ રીતે કંડારાઈ તેની ભાવાભિવ્યક્તિ પણ કરી છે. અહીં તેમનો જૈન ધર્મની મશાલને ઝળહળતી રાખવાનો દૃઢ સંકલ્પ સિદ્ધ થાય છે. ઉપરાંત આવી તેજગાથાઓની નૂતન ક્ષિતિજો વિસ્તારવાનો પરિતાષ પણ અહીં છલકાય છે. આ દર્શાવે છે કે આ વિરાટ સર્જન પાછળ સર્જકનું કર્મબળ ઘણું મહાન છે. તેમજ અનંત પુણ્યરાશિ પામ્યાથી શ્રી જૈન ધર્મની ગરિમાની પાત્રતા તેઓ પામી શક્યા છે. આવા પુણ્યકાર્ય માટે તેઓને વિદ્યાદેવી મા સરસ્વતીની ઉપાસના સિદ્ધ થઈ છે. જ્ઞાનાવરણીય કર્મોનો સુયોગ દર્શાવે છે કે તેમની સર્જનયાત્રાનો લાભ અવિરત મળ્યા કરશે. આ કાર્યને કોટિ કોટિ વંદના. વાચકને પણ મા શારદાની અસીમ કૃપાના અમીછાંટણાની અનુભૂતિ થશે એવી શ્રદ્ધા સાથે લાખ લાખ શુભેચ્છા !
For Private And Personal Use Only
