________________
Shri Mahavir Jain Aradhana Kendra
એપ્રિલ - ૨૦૦૬
www.kobatirth.org
આજથી ૩૦૦ વર્ષ પૂર્વે અરવલ્લીના પર્વતોની હારમાળામાં નિર્સગના સૌંદર્યથી ભરપુર મુહરીનગર વસેલું હતું. આજનું શામળાજીનગર આ મુહરી ગામનું પરગણું. મુહરી પાર્શ્વ પ્રભુના અહીં બેસણા હતા.
સાબરકાંઠા માટે શેરડીના સાંઠા જેવો આ મધુર ઈતિહાસ વિ.સ. ૧૭૫૧માં મુનિ જયવિજયરચિત પ્રાચીન પ્રતમાંથી પ્રાપ્ત થાય છે.
શ્રી મુહરી પાર્શ્વનાથ ભગવાન શ્રી ટીંટોઈ તીર્થનો ઈતિહાસ
(૨૫૦૦ વર્ષ પૂર્વે ગુરુ ગૌત્તમસ્વામી વડે ‘મુહુરી પાસ દુહ દુરિઅખંડણ' પદ વડે સ્તુતિ કરાયેલા મોહનું હરણ કરનારા દુઃખ દુરિતનું ખંડન કરનારા - ૧૦૮ પાર્શ્વનાથમાંના એક ૨૫૦૦ વર્ષ પ્રાચીન)
પ્રભુના નયનોમાંથી વહેતા કરુણાના જળમાંથી જાણે મેશ્વો નદીનો જન્મ થયો હોય એવી સરિતાના કાંઠે વસેલા મુહરી ગામમાં શ્રી મુહરી પાર્શ્વપ્રભુજી બિરાજમાન હતા. પ્રભુજીના ચરણોને પખાળતી, ખળખળ વહેતી, બંનેય કાંઠાને લીલીછમ રાખતી મેશ્વો નદીની બંનેય તરફ આભ ઊંચી ઉભેલી ટેકરીઓ, સૃષ્ટિએ સર્જેલ સુરક્ષા કવચ હતી.
થોડા વર્ષો પૂર્વે મેશ્વો નદી પર ડેમના બાંધકામ વખતે થયેલા ખોદકામમાં નીકળેલ અનેકાનેક પ્રાચીન અવશેષો અને બુદ્ધના સ્તૂપમાંથી મળેલા અસ્થિ અને વાળનો ડાબલો વગેરે દ્વારા આ સ્થળ ૨૫૦૦ વર્ષ પ્રાચીન હોવાની ગવાહ પુરે છે. ગુરુ ગૌત્તમસ્વામી દ્વારા સ્તુતિ કરાયેલા હોવાનું દૃઢ કરે છે.
ઇતિહાસનું થોડું ખોદકામ કરીએ તો એક દુ:ખદ ઘટનાને પણ આંખ તળેથી પસાર થવા દેવી પડે. ધર્માંધ મુસ્લિમોને શાસકોના આક્રમણ કાળમાં વિ.સ.૧૭૫૧ની સાલ પછીના કાળમાં કોઈ આક્રમણ થયાનું અનુમાન થાય છે. ધર્મપ્રેમી ઉપાસકોએ પ્રભુને ઉત્થાપન કરી ભૂગર્ભમાં પધરાવ્યા હશે. શાસકો સામે ઉપાસકોની અગમચેતીએ પ્રભુજીને અને પ્રભુભક્તોની શ્રદ્ધાને જીવંત રાખી જેણે પ્રભુજીને આપણા સુધી આજ પહોંચાડ્યા.
મેશ્વો ડેમના કિનારે ભગ્ન મંદિરના અવશેષો આજે પણ એ ઘટનાની સ્મૃતિને સજીવન કરે છે.
(૧૩
Acharya Shri Kailassagarsuri Gyanmandir
શ્રી આત્માનંદ પ્રકાશ: વર્ષ ૬, અંક ઃ ૨
જે પ્રભુભક્તિ મુક્તિને ખેંચી લાવે તે ભક્તિ શક્તિને અને વ્યક્તિને ખેંચી લાવે એમાં શું નવાઈ ? પ્રભુજીની ઈચ્છા ટીંટોઈમાં બિરાજમાન થવાની હતી. નાના ગામનું મોટું સદ્દભાગ્ય ! પ્રભુજીના અધિષ્ઠાયક ભક્ત દેવો જાગ્રત હતા. વિ.સં. ૧૮ર૮ની સાલમાં ટીંટોઈ ગામના એક શ્રાવકને સ્વપ્ન સંકેત કર્યો. મુહરી ગામનું પાકું સરનામું આપ્યું. પ્રભુને જમીનમાંથી બહાર કાઢવા પ્રેરણા કરી. ટીંટોઈ સંઘ આનંદથી ઝૂમી ઉઠયો.
સંકેત સ્થળે ખોદકામ કરી પ્રભુજીને પ્રાપ્ત કર્યા. ઉમંગથી છલકાતા હૈયે ગાડામાં પ્રભુજીને પધરાવી નાનકડી કન્યાએ ગાડું ખેંચતા ભારેખમ ગાડું હલકુ ફૂલ થઈ ચાલવા લાગ્યું. ટીંટોઈ ગામ આવતાં પ્રભુજી ગાડામાંથી ઉંચકાઈ ગયા. જાણે બીજા અંતરિક્ષ પ્રભુજી !
આજથી ૨૩૪ વર્ષ પૂર્વે અધિષ્ઠાયક દેવની ભાવનાનો સત્કાર કરી શ્રીસંઘે ટીંટોઈમાં જ ત્રણ શિખરવાળું ભવ્ય જિનાલય નિર્માણ કર્યું. પારસમણિ જેવા પ્રભુજીની સંવત ૧૮૨૮ની સાલમાં પ્રતિષ્ઠા કરવામાં આવી.
ટીંટોઈ ગામ પ્રભુજીનું ધામ છે. ટીંટોઈ ગામ પ્રાચીન તીર્થ છે. ટીંટોઈ ગામ તારક તીર્થ છે. મુહરી પાર્શ્વનાથ મોહના પાસને તોડનારા છે. મુહરી પાર્શ્વનાથ દુઃખ દુરિત ખંડન કરનારા છે. મુહરી પાર્શ્વનાથ સંસારથી તારનારા છે. આ પવિત્ર તીર્થની શ્રદ્ધાપૂર્વક યાત્રા કરીને પાવન બનો.
For Private And Personal Use Only
ટીંટોઈ તીર્થ કેવી રીતે પહોંચશો ? ટીંટોઈ કેસરીયાજી - ૭૭. કી.મી. અમદાવાદ – ટીંટોઈ - ૧૨૦ કી.મી. હિંમતનગર – ટીંટોઈ – ૫૦ કી.મી. ઈડર - ટીંટોઈ - ૪૩ કી.મી. અમદાવાદ-હિંમતનગર ૭૭ કી.મી. મહેસાણા – હિંમતનગર - ૭૦ કી.મી. હિંમતનગર - ઈડર ૨૮ કી.મી. ટીંટોઈ સંપર્ક : શ્રી શ્વેતાંબર મૂ.પૂ.જૈન સંઘ-ટીંટોઈ તા. મોડાસા, (જી. સાબરકાંઠા)
ફોન : (૯૫૨૭૭૪) ૨૬૬૧૪૭ / ૨૬૬૪૧૫
-
