________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
શ્રી આત્માનંદ પ્રકાશ વર્ષ ૨ અંક ૧-૨, ૧૬ નવેમ્બર-ડિસેમ્બર ૨૦૦૧].
[૧૧
શ્રી જૈન આત્માનંદ સભા-ભાવનગર યોજિત લાઈબ્રેરી હોલ નામકરણ,
સંસ્કૃત પારિતોષિક તથા શૈક્ષણિક સહાય વિતરણ સમારોહ. ભાવનગરની નામાંકિત ૧૦૫ વર્ષથી માનસેવાને વરેલી “શ્રી જૈન આત્માનંદ સભા, દ્વારા ગત તા. ૧૪-૧૦-૦૧ને શનિવારના રોજ લાયબ્રેરી હોલ નામકરણ, સંસ્કૃત પારિતોષિક તથા શૈક્ષણિક સહાય વિતરણની યાદગાર ઉજવણી કરવામાં આવી હતી.
કાર્યક્રમની શરૂઆત આ સભાના લાઈબ્રેરી હોલના નામકરણ વિધિથી કરવામાં આવેલ. આ સભામાં લાઈબ્રેરી હોલના ડોનર ડો. શ્રી રમણિકલાલ જેઠાલાલ મહેતાના વરદ્હસ્તે આ નામકરણવિધિ કરવામાં આવેલ. આ લાઈબ્રેરી હોલનું નૂતન નામ “શ્રી રમણિકલાલ જેઠાલાલ મહેતા તથા શ્રીમતી સાવિત્રીબહેન રમણિકલાલ મહેતા લાઈબ્રેરી હોલ” રાખવામાં આવેલ.
ત્યારબાદ મિકીતાબેન અને શ્વેતાબેનના પ્રાર્થના ગીતથી કાર્યક્રમની શરૂઆત કરવામાં આવેલ. સભાની કારોબારીના સભ્યશ્રી મનહરભાઈ મહેતાએ મુખ્ય મહેમાનો ડો.શ્રી રમણિકભાઈ મહેતા, ડો.શ્રી પંકજભાઈ મહેતા, ડો.શ્રી ઈલાબેન મહેતા, ડો.શ્રી નિલયભાઈ મહેતા આદિ આમંત્રિત મહેમાનોનું સ્વાગત કરેલ. મુખ્ય મહેમાન ડો.શ્રી રમણિકભાઈ મહેતાનો પરિચય સભાના માનદ્ મંત્રીશ્રી ચીમનલાલ વર્ધમાન શાહે આપેલ. સભા વિષે માહિતી આપતાં પ્રમુખશ્રી પ્રમોદકાંતભાઈ શાહે જણાવેલ કે “શ્રી જૈને આત્માનંદ સભા છેલ્લા ૧૦૫ વર્ષથી જેન શાસનની સેવા અવિરત પણે કરી રહી છે. આ સભાના લાઈબ્રેરી વિભાગનો લાભ દરેક લઈ શકે છે. તેમ જ લાઈબ્રેરી હોલના ડોનરશ્રી રમણિકભાઈએ આપેલ દાનની સરાહના કરી હતી. ઉપપ્રમુખશ્રી દિવ્યકાંતભાઈ સલોતે આ સુઅવસરે આવેલ સંદેશાઓનું વાંચન કરેલ. સંસ્થાના મંત્રીશ્રી ભાસ્કરભાઈ વકીલે પોતાના પ્રવચનમાં અભ્યાસાર્થીઓને ભવિષ્યમાં ઉચ્ચ ગુણાંક ક્ષમતા જાળવી રાખવા અને સમય સાથે તાલ મિલાવવા અનુરોધ કરેલ. ગાંધી મહેન્દ્ર ચત્રભુજ એજ્યુકેશનલ ટ્રસ્ટ -- ઘાટકોપર -- મુંબઈ હ.શ્રી રજનીભાઈ ગાંધીના સહયોગથી કોલેજમાં અભ્યાસ કરતાં આપણા સમાજના ૪૭ વિદ્યાર્થી ભાઈ-બહેનોને શૈક્ષણિક સહાય પ્રાપ્ત થયેલ છે. સંસ્કૃત વિષયમાં ધો.૧૦માં ૮૦ કે તેથી વધુ ગુણાંક પ્રાપ્ત કરનાર ૪૨ વિદ્યાર્થી ભાઈ-બહેનોને મોમેન્ટો, અભિનંદન પત્ર તથા રોકડ પુરસ્કાર આ સભા તરફથી અપાયેલ. | મુખ્ય મહેમાન ડો.શ્રી રમણિકભાઈ મહેતા વતી ડો.શ્રી પંકજભાઈ મહેતાએ સભાની આ માનદ્ સેવાઓને બીરદાવી હતી અને સભામાં સાહિત્યનો જે અમૂલ્ય ખજાનો છે તે ખૂબ જ ઉપયોગી છે, તેનું વધુને વધુ જતન કરવા ઉપર ભાર મુકેલ.
સભાના કાર્યવાહકો સર્વશ્રી કાંતિભાઈ સલોત, ભૂપતભાઈ શાહ, હર્ષદભાઈ સલોત, ચીમનભાઈ શેઠ, પ્રવિણભાઈ સંઘવી, નટુભાઈ શાહ તથા વાલીઓ અને નિયંત્રિતોની હાજરીથી સમગ્ર સમારોહ પ્રેરણાદાયી બન્યો હતો. - સમગ્ર સમારોહ વ્યવસ્થા સભાના મેનેજર મુકેશભાઈ સરવૈયા તથા આસીસટન્ટ યોગેશભાઈ શાહ દ્વારા કરવામાં આવેલ.
-ભાસ્કરરાય વકીલ
For Private And Personal Use Only
